سلام عليكم انا بنت عندى 19 سنه كنت بحب شخص 3 سنين كنت بحارب الناس كلها علشانه كتير اوي كانو بيقلولي انو مش كويس وانا عشن بحبو مش شايفه كدا كان بيخوني كتير اوي مع صحابي وانا علشان طيبه كنت بسمحو بسرعه المهم م كل ده انا كنت بقبلو في مره فوق السطح عندهم مكنتش اول مره بس المره دي حاول يتحرش بيها وحصل كدا ضحك عليا و قالي انو عمل كدا عشن بيحبني و علشان انا مبعدش عنو المهم انا صدقت و محصلتش مره حصلت كتير بعد كدا المشكله انو مكنتش اعرف انو ممكن يتعرف انو حصل فيا كدا و اكون م بنت بعد كدا هو سبني وانا حرفيا ادمرت نفسيه و جسديا كرهت ابص ع جسمي كرهت نفسي انا وصلت بيا اني بقيت اخاف من بابا يهزر معايا وله يسلم عليا بقيت اخاف م الناس مبقتش انزل الشارع بقيت اخاف اصاحب حد حرفيا مقيت معقده كنت خايف اوي م ربنا و م الي كنت بعملو كنت بلص لي اهلي اعيط كانو بيصعبو عليا لو هما عرفو الي حصل هيعملو اي انا حرفيا معنديش حد يفق جنبي غير ربنا احنا اربع بنات معنديش اخوات ولاد و بابا كبير ف السن مستحيل ادخلو م حوار زاي ده انا بجد م عارفه ارجع زاي الاول و م عارفه اعمل اي علشان ربنا يسمحني و م عارفه اذاكر وانا دلوقتي 3 ثانوي وانا كدا اختصرت كتير م الي حصل معايا
ضرورى حد من أهلك يعرف حتى ولو اخت من اخواتك..... واللى عمل فيكى كده يتعرف ان هو ده. اللى انتى بتعانيه دلوقتى هو بسبب خوفك من كل المجهول. اكشف عن بعض المجهول بأنك تواجهى الواقع ده دلوقتى بمزاجك بدل ما يبقي غصب عنك فى موقف اكبر بعدين. فرقي بين صورة الشخص ده وصورة اى راجل. الشخص ده هو اللى حقير ولا يؤتمن.... مش اهلك وابوكى واخواتك.... المواقف بتعدى والغلطات... المهم نتعلم منها ونشوف ايه اللى كان السبب فى الغلط ونصلح منه ونصلح من نفسنا عشان اللى جاى يكون أفضل. وأهم شىء ادعى الدعاء ده.... اللهم استرنا فوق الارض وتحت الارض ويوم العرض عليك.
تم النشر الاثنين، ٢٩ يناير ٢٠٢٤
حبيبتي اولا ارجعي لربنا صلي واستغفري كتير جدا جدا وانوي التوبه وربنا مابيردش حد خبط ع بابه ربنا بيغفر اي ذنب ما عاده الشرك بالله تاني حاجه انتي ممكن تحكي لواحده م اخواتك انتي بتثقي فيها بس تكون أكبر منك ممكن تعرف تتعامل وبعدين انتي لسا صغيره جدا واكيد ف ناس هتتقدملك هتعملي اي معاهم لو فضلتي ترفضي م غير سبب مقنع هيشكوا فيكي ف كده كده هتتعرف ف انتي احكي لأختك وحاولي تحلي المشكله معاها
تم النشر الثلاثاء، ٣٠ يناير ٢٠٢٤
وعليكم السلام ورحمة الله وبركاته ... هل فيه خطوبة بينك وبينه؟ لو مخطوبه له ياريت اهلك يعرفوا اللي حصل. ولو مش مخطوبة وانت لسه بنت والموضوع كان فقط تحرش، ابعدي عنه نهائي سواء بقى كنتي مخطوبة له ولا لا. للاسف بعض الولاد بيحاولوا انهم يعملوا كده مع البنات بحجة الحب وبحجه ان الامر ده عادي، وهيوثق اكتر علاقتهم ببعض، ولكن ده كله كدب وغش، وقلة دين. واللي حصل حصل، توبي لربنا وقربي منه .. وابدئي من جديد .. وياريت تكوني فعلا اتعلمتي من تجربتك علشان تعرفي تتعاملي مع اللي جاي.
تم النشر الاثنين، ٢٩ يناير ٢٠٢٤
و عليكم السلام انا عندي سؤال هو عمل فيكي حاجة؟يعني انتي لسة بنت ولا لأ؟ إن شاء الله يا رب تكوني لسة و الحمدلله انها وقفت علي كدة انتي لازم تحمدي ربك و انتي لا مسامحتهوش عشان قلبك كبير ولا نيلة انتي عشان كنتي صغيرة و مكنتيش عايزة تخسري الحب و الاهتمام الكاذب اللي كان بيدهواك 🙂و هو سابك ليه؟ سابك عشان خد العايزه و اصلا من البداية العلاقات مش حرمت من فراغ ربنا بيحمينا بس نحن بنعمل ايه ؟ بنروح معميين او مستعميين* و نقول بيحبني و معرفش ايه و اهو في الآخر خازوق بعيداً عن ده حالياً عمرك ١٩ سنة بقيتي بنت كبيرة هتعملي ايه؟ هنعتبر ده كلو كان درس اخدناه بنفسنا و حطينا نفسنا فيه اه كان درس قاسي بس ياريت نتعلم منه توبي و استغفري و بلاش علاقات لأنو مبيجيش منها إلا الأذى ركزي في دراستك و في مستقبلك لأنو ده سلاحك للحياة سلاحك علمك و معرفتك و دينك و اسمعي مني اول شي هتعمليه هتعملي (حدود) (خطوط حمراء) (مبادئ) سميها زي ما تسميها اللي تحبيه المهم تعمليها لازم تعرفي حدود كل شخص ايه و تكوني جامدة متسبيش حد يتخطاها متسمحيش لحد يخلي المبادئ اللي هتعمليها تنهار ابدا خليك عند كلمتك و متتهزيش و آخر نصيحة هقولها لو في يوم رجع الشخص الز بالة ده تاني و حاول يرجعك و انتي رفضتي احتمال كبير اوي يحاول يلوي دراعك باللي حصل اياك تخافي و اياك تضعفي و اصلا تاني متقابلهوش بس انا بقول لو حصل و اتصادفتو او بعتلك مسيج اوعى تخافي و اوعى تتهاني او تسمعي كلامه صدقيني مش هيعرف يعملك حاجة احظريه علي طول ولو معاه صور ليكي أو حاجة وحشة و هددك بيها اوعى تخافي روحي علي طول اشتكيه و هيجيبولك حقك متخافيش و حالياً انتي احظريه من كل المواقع عشان اصلا لو هيبعتلك هيبعت من رقم غريب يعني فبلاش تردي علي ارقام غريبة و لو رديتي و طلع هو احظريه فوراً قبل ما يتكلم اصلا المهم حالياً احظريه و ابعدي عنه و عن اي شي ممكن يجمعك بيه ربي يحميك .😞💙
تم النشر الاثنين، ٢٩ يناير ٢٠٢٤
قربي من ربنا
تم النشر الاثنين، ٢٩ يناير ٢٠٢٤
بالنسبة لإحساسك تجاه الناس بعد اللي حصل لو إستمر و معرفتيش تتعاملي معاه أو تسيطري علي نفسك يبقى لازم تروحي لدكتور نفسي و استشيري دكتور في الأول وهو هيوريك تعملي ايه
تم النشر الاثنين، ٢٩ يناير ٢٠٢٤
السلام عليكم يجب عليك ان تتوبي إلى الله توبة نصوحا وعليك انت تخلصي النية وتقرأي القرآن وتقومي الليل لكي يغفر الله لك خطيئتك وايضا ادع الله ان يسترك وان يبعث لك انسانا صالح ومتق يخاف الله فيك يتزوجك ويسترك وفرج الله همك
تم النشر الاثنين، ٢٩ يناير ٢٠٢٤
الحل الوحيد اللجوء إلي ربنا وكل امورك هتتحل إن شاء الله
تم النشر الاثنين، ٢٩ يناير ٢٠٢٤
اللجوء اللي الله عز وجل) خلي عشمك في ربنا كبير) سبحانه وتعالى أحن علينا من نفسنا) فكري في مستقبلك وانسي كل شئ ،،صلي كتييير وادعي ربنا ) إن شاءالله هتلاقي الراحه والسعاده) ربنا يحميكي ويحفظك يارب
تم النشر الاثنين، ٢٩ يناير ٢٠٢٤
الحل الوحيد اللجوء إلي الله بكل نيه خالصه وكل امورك هتتحل إن شاء الله
تم النشر الاثنين، ٢٩ يناير ٢٠٢٤
لعرض السؤال في فدني اضغط هنا