انا حديث الزواج بقالي سنة وشهر من وقت الزواج في نزاع مع الزوجه بفرض رايها وعدم طاعتي والتهديد بالمحاكم واخذ الشقه لو ما سمعت كلامها او بترفض ادهل اهلي البيت او ازورهم رغم انها بتجيب اهلها بيباتو ويستحمو ويعيشو معايا ولما عارض في رفضها لاهلي جابتلي اخوها يعاركني وابوها مأيدها ومافيش حد من اهلها بيعارضها او بيغلطا رغم اني مريحها وجايب عربيه في راحتها ومكلف بيت الزوجيه ومش عاجبها البيت وطالبه الانتقال الي بيت اخر وكل يوم تصوت وتجري علي الجيران تشتكيني بالكيد باني بضربها او بنأذيها او سايبها من غير اكل
وضع زى ده محتاج التعامل بهدوء وذكاء طبعا كده زوجتك مش شايفة ان شخصيتك قوية وشايفة ان هى ليها اليد الاعلى بكلمتها وباللى هى شايفاه هى واهلها. هى للاسف تبيت لك الشر بالتهديد والله اعلم اذا ده كلام فقط ولا هى فعلا عندها استعداد للغدر. اولا هتبدأ تبنى شخصية قدامها بانك بكل هدوء ترفض ان حد يبات فى البيت وان الاهل هيكون التعامل معاهم بالمثل .. كلامك يكون حازم وبهدوء ومتسمحلهاش انها ترفض بصوت عالى او ان حد يتدخل ...واذا تدخل اى حد من الاهل اتكلم كلام بصيغة انك بتبلغ بقرارك ..وانه مش موضوع مطروح للنقاش . متعتمدش على حكم اهلها واذا طلبت حد يحكم بينكم قولها هنجيب شيخ او هنروح لدار الافتاء والحكم اللى هيقولوه لينا هنعمل بيه. الست مهما كانت بتحتاج تشوف شخصية الراجل ...حزم وطيبة فى نفس الوقت ...مش قسوة ...قوة وهى لازم تشوف انك يتعملك حساب لانك تقدر تعمل بس انت مش بتعمل اللى يأذيها. لو قدرت تدخل حد استشارى علاقات زوجية تبقي حاجة كويسة ولو قدرت تاخدها فتره وتعيشوا بعيد عن اهلها....حتى لو على سبيل الاجازة ...واستغل الفترة دى انك تثبت معاها خطوط عريضة لحياتكم وزود من حنيتك عليها فى الفترة دى اوى. اذا الحلول دى منفعتش انصحك متكملش الحياة ولاتجيب اطفال يشوفوا كل ده .
تم النشر الجمعة، ١٠ مارس ٢٠٢٣
هي كده محتاجه تتعرض علي اخصائى لأنها بتفترى فالقول عليك وجايز تبقي مصدقه نفسها فعلا وعايشه فوهم..
تم النشر الأربعاء، ٨ مارس ٢٠٢٣
لازم تاخد قرار ف حياتك دي لان دي بدايه حياتك بالشكل ده هتعمل ايه ف باقي حياتك استخير واتكلم معاها بهدوء ف ان الحياه الاسريه بتكون خاصه وتحلوا مشاكلكم سوا ولازم تحطوا قواعد وقوانين للبيت لو مستجبتش هات شيخ يفهمها اساس العلاقه الزوجيه ف الشرع ايه وان البيوت أسرار منفعش معاها برضه استخير تاني وشوف الحل الي يريحك تكمل او تنفصل
تم النشر الأربعاء، ٨ مارس ٢٠٢٣
لعرض السؤال في فدني اضغط هنا