أنا بنت عندي 25سنه اختي عندها 29 سنه منفصله بسبب مشكله كبيره وهي غلطانه وعملت حاجه غلط وسمعتها مش كويسه وانا اختها فبالتالي سمعتي أنا كمان قدام كل الناس مش كويسه خصوصا إننا من أم واحده أنا وهي وباقي اخواتي من الاب
أنا شغاله مدرسه دروس فى البيت ونزلت السنه دي مدرسه ودخلت دروس اون لاين مش عايزه ولا ساعه فاضيه تخلي نفسيتي تتعب يمكن أنا بصيغ شويه كلام جنب بعض لكن الشعور الداخلي جوه قلبي حقيقي لا يمكن اقدر اصيغه بملايييين الكلمات ابتلاء عظيم وشديد على قلبي وانا بسعي بشكل غير عادي وساحله نفسي
هي عايشه معايا فالبيت وأنا مش قادره باي شكل اتقبل الوضع، داخلين فى سنتين وهي موجوده قبل ما هي تنفصل أنا كنت بنصحها لدرجه بوست رأسها من كتر ما كنت بتحايل عليها متعملش حاجه غلط ومش علشان الناس علشان عيالها وعلشان نفسها لكنها غلطت ...
حاولت كتير اسامحها لكن أنا مش قادره أنا زعلانه من نفسي اني بقيت مليانه بالمشاعر الوحشه دي مشاعري بقت مخليه قلبي تقيل وقاسي وأنا عمري عمري ما كنت كده أنا مش عارفه اعمل ايه أنا محتاجه مساعدة بكل ما تحمله الكلمه من معنى أنا بحس اني بدفع تمن غلط مش بتاعي وبقرف منها من اقل أقل شئ بقرف ....
اللهم لك الحمد ربنا فاتح عليا بس مش حاسه بطعم اي حاجه ولا ليا نفس اشتري لبس ولا ليا نفس اعمل رفاهيات الحياه البسيطه العاديه اللي تخلي الإنسان يتنفس حرفياً بحس اني جوه قفص خصوصا إحنا ارياف والوضع تقيل عليا وحمل وأنا حساسه
ومن غير حساسيتي هو الموضوع صعب على اي حد والله العظيم...المشكله ان هي لسه بتتكلم فى التليفون ولقينا معاها تليفون تاني وخدناه وجابت غيره قلنا نسيبه وعادي ونثق فيها هو فون عادي مش سمارت لكنها بتتكلم فيه معرفش بتكلم مين بتعمل ايه انا مش عارفه....أنا مش هصلح الكون ومحدش يقولي حلول ليها هي. ... أنا عملت كل شئ لدرجه اني كنت بطلع صدقات بنيه هدايتها
أنا عايزه نصيحه تخليني احافظ على عقلي وإيماني لأني فى مرحله صعبه وتفكير سلبي وتفكير كله شر
انتى جاوبتى بنفسك يا استاذة..هو ابتلاء عظيم وشديد على قلبك.. انا عارف ومعاكى حقيقى ان الموضوع صعب والصدمة كونها جايه من اختك كمان اصعب وكونك مش قادرة تغيريها وتخليها تبطل افعالها الغلط اصعب واصعب.. لكن.. ثوانى.. انتى عارفة انك لما تحاولى تنصحيها وتعافرى معاها وتتحملى معاها المسئولية وتساعديها فأنتى اجرك كبير جدا.. انتى عارفة انك بتأمرى بمعروف وتنهى عن منكر الى ربنا قال فيهم ان هما خير امة ووعدهم بالفلاح.. فانتى بتعملى كدا لله وكونها اختك فدا صلة رحم... سيدنا ابراهيم الخليل ابوة كان من اشد الاعداء ليه ولكن لحد اخر لحظة كان قلبة عليه وبيدعيه... فدى اختك اولا واخرا مهما عملت ولازم قلبك يكون عليها لله مش ليها هيا.. هيا ماتستهلش حقيقى حد يعمل معاة نص الى بتعملية لكن انتى عاوزة وجه الله.. ماتحمليش نفسك فوق طاقتك.. لان طاقتك هتيجى وقت وتخلص زاى دلوقتى وهيفيض بيكى الكيل انك عمالة تحاولى مع حد مابيساعدش نفسه.. ف stop شوية.. لازم تشحنى.. ابعدى شوية عن الصورة وتجنبيها خلى حد غيرك يتعامل معاها.. انتى الى تاعب نفسيتك اوى موضوع السمعة دا وخصوصا انكم ارياف يعنى لت وعجن.. بس هقلك حاجة كلام الناس مابيخلصش ولو سلمتى ودنك ودماغك ليهم مش هتعرفى تعيشى.. انا فاهم ان حد يلقح بكلمة او بنظرة.. لكن احنا عاوزين نتعامل مع الامر الواقع احنا مش هنقدر نرد على كل حد.. واى موضوع بياخد وقتة ويروح لحاله.. فى مثل بيقول الانسان بيبان من عنوانة.. خليكى مثال جميل لبيتكم وتربيه مامتك.. كل بيت بيكون فى وفى.. جمال تربيتك واخلاقك واستقامتك واجتهادك فى شغلك وضميرك وابتسمتك وروحك الحلوة هما اقوى سلاح لكل كلمة انتى مش حباها.. مافيش حد بعد كل دا هيقدر ياخدك بذنب اختك.. ماتقهريش نفسك وتهلكى نفسك ف الشغل ليل نهار دا مش بيساعدك بالعكس.. انتى بتدورى ع طريقة بتهربى بيها.. لكن انتى بتستنزفى نفسك.. خدى بالك من نفسك ليكى مش لاى حد.. الدعاااء.. السلاح الجبار الى لازم تستخدميه كتيير وانا متأكد انك بتستخدمية بس محتاجين شوية صبر.. وربنا يجازيكى خير على كل حاجة بتعمليها لغيرك.. ربنا يهدى اختك ويريح قلبك ويثبت عقلك ويزيد ايمانك..
تم النشر الاثنين، ٦ يناير ٢٠٢٥
السلام عليكم عارف ان صعب عليكي تشوفي أختك إللي في مقام القدوة في الحال ده و بالمنظر البشع ده بس دي مش نهاية القصة من الواضح أنك غير عن أختك فمن كلامك انتي مدرسة لها شغلها و احترامها وبأكد على وعيك بإنك مش هتقدري تغيري الكون وإنك لازم تلحقي ما تبقى منك ومشكلتك بسيطة ومحلولة بإذن الله المشكلة • مشاعر سلبية (توتر ، غضب وخيبة أمل من الواقع ، كره للأخت) •هروب من الواقع إلى إدمان العمل •تأنيب ضمير لوجود مشاعر سلبية السبب سمعة سيئة بسبب أخت سيئة وخصوصا في مجتمع ريفي خطورة السبب • قد تؤثر السمعة على حياتك المهنية والنفسية وعلاقاتك المستقبلية •سخط المجتمع الحل هيكون بإنك تلحقي نفسك إللي اتبهدلت فإنتي ملكيش ذنب •أول خطوة وأصعب خطوة هي قبول الواقع زي ماهو والصبر عليه وكمان مش شرط أن سمعتك كمان تبقا سيئة وخصوصا انك معلمة وبتدي دروس يبقا اكيد محبوبة للطلبة ومعروفة عند أهاليهم •تقبلي نفسك ومشاعرك زي ما هي فإنتي حرفيا ملكيش أي ذنب بل بالعكس عانيتي ودختي واستنفذتي كل طاقتك عشان تحلي المشكلة ونصحتيها وتصدقتي عنها فإرحمي نفسك وكمان الموقف صعب •إفصلي نفسك عن أختك فهي مجرد مسكينة لا بتمثلك ولا بتمثل عيلتك •اهتمي بمشاعرك إللي انهكت الفترة الأخيرة غيري حياتك بإنك تنظمي يومك ووقتك بين الشغل وحياتك الشخصية نظمي وقت النوم ووقت الشغل والصلاة والأكل والراحة وغيره ... على مذكرات التلفون •اخرجي من التوتر والضغط بالهوايات القديمة .. لازم تجربي •ابعدي عن كتمان المشاعر فضفضي للورقة أو هنا عالبرنامج ثقي تماما انك لما تحسني من نفسك هي تلقائيا هتستغرب منك وتبدأ تنجر معاكي ربنا يفرجها عليكو
تم النشر الاثنين، ٦ يناير ٢٠٢٥
أختي العزيزة، أقدر تمامًا صراحتك ومشاعرك المتأججة في هذا الوقت الصعب الذي تمرين به. الحياة مليئة بالتحديات، خاصة عندما يتعلق الأمر بالعلاقات الأسرية والسمعة. لكن تذكّري أن الطريق نحو الشفاء يتطلب الصبر والعمل على نفسك. أولًا، من المهم أن تعترفي بمشاعرك، فمن الطبيعي أن تشعري بالغضب والألم نتيجة لما حدث. لكن عليك أن تـحاولي توجيه تلك المشاعر بشكل إيجابي. لا تتركي هذه المشاعر تؤثر على حياتك اليومية، فالصحة النفسية مهمة جدًا. إليك بعض النصائح التي قد تساعدك: امتصاص الغضب : حاولي التعبير عن مشاعرك بطريقة صحية، سواء عبر الكتابة في مجلة أو التحدث مع صديقة مقربة. تحدثي عن مشاعرك دون أن تلقي اللوم على أختك. تحديد الأهداف : كوني واقعية، ويساعد تحديد أهداف صغيرة وقابلة للتحقيق على تعزيز شعور الإنجاز. تذكري أن كل خطوة صغيرة تساهم في تحسين حالتك النفسية. الإيمان والثقة في الله : اجعلي إيمانك بالله محورًا في حياتك، فالصبر والاحتساب من المبادئ الهامة في الإسلام. تذكري دومًا أن ما حدث هو ابتلاء وأن الله معنا في كل خطوة. النشاط الجسدي : حاولي القيام بنشاطات بدنية خفيفة، مثل المشي، الذي يمكن أن يساعد في تحسين مزاجك. البحث عن الدعم : إذا كنت تشعرين أنك بحاجة إلى مساعدة إضافية، فقد يكون من الجيد طلب الدعم من مختص نفسي أو مستشار. الحفاظ على التفاؤل : حاولي البحث عن الأمور الإيجابية في حياتك، مثل الإنجازات التي حققتها أو اللحظات الجميلة مع الأصدقاء. تذكري أن الشفاء من الألم يحتاج إلى وقت، كوني صبورة مع نفسك. وكوني واثقة بأنك ستجتازين هذه المرحلة بقوة وإيمان. أسأل الله أن يفرج همك ويعينك على تجاوز هذه الأوقات الصعبة.
تم النشر الأحد، ٥ يناير ٢٠٢٥
و لا تزر وازرة وزر اخرى ... انتي عاملي و فكري بنفسك و طريقك لوحدك بعيدا عنها لانها حتى لو اختك لكن هي مش ملكك و هي بشر زي بقية البشر هيتحاسبو لوحدهم امام الله فانتي اعملي الي عليكي و اجتهدي مع نفسك و انسيها تماما و بالنسبه للناس فانتي ماجوره باي كلمه وحشه يقولوها ظلم فيكي و خلي هذا حافز لك انك تقربي من ربنا اكتر لان الصابرين لهم منزله خاصه في الجنه و النصيب صدقيني اختك مالها دعوة بيه كله بيد الله انا اعرف وحده زي حالتك بالضبط و مخطوبه و خطيبها بيحبها و بيثق فيها و بينصحها عشان تعرف تتعامل مع اخطاء اختها ،، علقي املك و مصيرك بالله فقط و ع قدر حسن ظنك بالله ربي حيجبر قلبك صدقيني
تم النشر الاثنين، ٦ يناير ٢٠٢٥
لااله الا الله هي هاتفوق بس لما تقع ف كذا ابتلاء بس هايكون الوقت متاخر للاسف هي مريضه ونفسها ضعيفه ربنا يهديها انتي بقا ياحبيبتي حاولي تنسي وتقبلي الوضع وزي ماقولتي انتي مش هاتصلحي الكون كبري دماغك وعيشي حياتك وحاولي تسامحي لله وبإذن الله ربنا هايراضيكي وربنا شايلك الصالح علشان محدش بيتاخد بذنب حد وربنا يبعد عنك الشر
تم النشر الأحد، ٥ يناير ٢٠٢٥
مفيش حد ..
تم النشر الاثنين، ٦ يناير ٢٠٢٥
قولي لرجاله عندكم يضربوها امنعوا عنها اي حاجه سدقيني يتأثر عليكي ده الله يرزقك بالزوج الصالح الله يعفك يارب
تم النشر الاثنين، ٦ يناير ٢٠٢٥
اولا انت امام الله صابره و دا ابتلاء، ثانيا لو الموضوع دا هيأثر على سمعتك انت و انت مش مستحمله جربي تسافري تغيري جو و تتعرفي على صديقات او تشتغلي في مدرسه مختلفه، و حاولي متخليش ولاد اختك يتعلمو منها اي حاجه او يكونو زيها،
تم النشر الاثنين، ٦ يناير ٢٠٢٥
لعرض السؤال في فدني اضغط هنا