انا في تالتة اعدادي بقيت بضيع الأيام ضيعت ٦ ايام بدون مذاكرة وبسوف في المذاكرة انا معنديش تحفيز خالص ومش مقبل على المذاكرة مهما حاولت ومفروض أقفل المواد كلها الترم ده عشان اعوض الترم الأول وادخل ثانوي
والكل حوليا اصلا بقوا مقتنعين اني مش هدخل ثانوي وبيخططوا اني هنقل لعربي وهدخل ثانوي خاص
بس انا برضوا عايز اقفل الترم ده والمشكلة اني معنديش حافز للمذاكرة ومهما احاول افكر نفسي ان دراسة مهمة لمستقبلي واني لازم اعتمد على نفسي مش على أهلي في كل حاجة مفيش فايدة والكلام الكتير ده مفيش فايدة
والعلوم بالانجليزي بطول في مذاكرتها كتير جدا انا ممكن اقعد ساعتين بذاكر في جزئية صغيرة
طريقة مذاكرتي: هي اني بسمع شرح الجزئية افهمها من عيوتيوب بعدين اترجم الكلام الي انا مش فاهمها في الجزئية دي على جوجل واكتب ترجمتها في الكتاب وبعدين اكتب الجزئية دي كلها ترجمتها بالعربي في الكراسة وبعدين اكتبها اخيرا بالانجليزي وبعدين احل عليها في الواجب
والماث المستر بيديني ٣ حصص في الأسبوع وانا مش موافق على كده لان ٣ حصص كتير عليا انا عندي مواد تانية وكمان مش مستاهلة ٣ حصص وكمان عشان الفلوس اكيد طبعا هتكون غالية وانا شايف ان ده دلع يعني ومش مستاهلة فلوس دي كلها ممكن اخد في سنتر او ادفع اونلاين فيه مدرس بفهم منه جدا بس خلاص بتهيألي معتش ينفع دلوقتي
والمستر بيشرح براحة خالص وانا بفهم منه بس هوه بيقول نخليها ٣ حصص في الأسبوع عشان نخلص المنهج بسرعة
ونرجعها حصتين في الاسبوع لما نراجع بقا ونحل كتير
او في رمضان
ولما بنام متأخر ببدأ يومي بعد الضهر فبحس ان اليوم مفيهوش وقت للمذاكرة عشان لازم انام بدري وفي الغالب برضوا مش بنام بدري ولا بكون ذاكرت الي عليا
ومش بلاقي نفسي اني عايز ادعي بخشوع ان ربنا يصلح لي حالي في المذاكرة
والكمبيوتر جايب فيه اقل من النص ومش عارف بيتذاكر منين اصلا ولا له مدرس ولا لا وبرضوا الفرنساوي حالل فيه وحش اوي ومش عايز اذاكرهم في الصيف
لمَّا باجي أذاكِر بذاكر بهدف إني أرفع الجهل عن نفسي، ممكن تنوي الموضوع ده...
تم النشر الأربعاء، ١٩ فبراير ٢٠٢٥
حاول تركز علي هدفك ولازم تصلي وتكون مؤمن انك اد اي حاجه وده لازم يكون من جواك الاول وانت اكيد تقدر تعمل اي حاجه بنفسك وزي ما نجحت ف السنين اللي فاتت هتنجح في السنين اللي جايه ان شاء الله بس خليك واثق في ربنا انه هينجحك وهيحقق حلمك وحاول تنام بدري وتصحي بدري حتي في رمضان وان شاء الله ربنا يوفقك وتوصل لحلمك وخليك واثق في نفسك انك اد اللي جاي حاول يكون عندك خطط في كل حاجه مش لازم خططك تكون شبه اللي حواليك كل واحد فينا عنده حاجه مميزه المهم تلتزم بالصلاه وبالقرب من ربنا لان محدش هيعرف يغيرك.. انت اللي هتعرف تغير نفسك بأذن ربنا
تم النشر الثلاثاء، ١٨ فبراير ٢٠٢٥
أخي العزيز، يبدو أنك في مرحلة حرجة من دراستك وتواجه تحديات كبيرة في المذاكرة والتحفيز. من المهم أن ندرك أن هذه المشاعر يمكن أن تكون طبيعية في بعض الأحيان، خاصة عندما نكون تحت ضغط. تحديد الأهداف : حاول أن تحدد لنفسك أهدافاً صغيرة وقابلة للتحقيق. بدلاً من أن تضع هدف "إغلاق جميع المواد"، يمكنك البدء بتحديد هدف مثلاً "مذاكرة نصف ساعة يومياً". بعد أن تحقق هذا الهدف، يمكنك زيادة الوقت تدريجياً. تنظيم الوقت : حاول أن تعد جدولاً يشتمل على أوقات محددة للمذاكرة وأوقات للراحة. إذا كنت تعاني من النوم المتأخر، حاول أن تحدد ساعتين في المساء لتكون مخصصا للمذاكرة والنوم المبكر. النوم الجيد مهم جداً لتحسين تركيزك. البحث عن الإلهام : ربما يمكنك البحث عن أشخاص نجحوا واجتازوا نفس التجارب الصعبة. يمكنك الاستماع إلى قصصهم أو قراءة مقالات تحفيزية. يمكن أن يساعدك ذلك على إعادة شحن طاقتك الدافعة للدراسة. تقنيات المذاكرة : فكر في تغيير طريقتك الحالية. يمكنك محاولة استخدام أساليب جديدة مثل البطاقات التعليمية أو الدراسة مع الأصدقاء. قد تجد أن التعلم مع الآخرين يساعدك على فهم المادة بشكل أفضل ويزيد من حماسك. طلب الدعم : لا تتردد في البقاء على اتصال مع معلميك أو الأصدقاء الذين يمكنهم مساعدتك في المواد التي تجد صعوبة فيها. قد يقدم لك المعلمون استراتيجيات أو نصائح إضافية. الثقة بالنفس : تذكر أن كل شخص لديه نقاط ضعف وقوة. التركيز على ما تستطيع تحقيقه بدلاً من ما تعتقد أنك لن تستطيع فعله يمكن أن يحدث فرقاً كبيراً. في الختام، أدعو الله أن ييسر لك أمورك ويجعل لك من كل ضيق مخرجا، وأن يرزقك الحافز والطاقة اللازمة لتحقيق أهدافك. نحن هنا لندعمك، فلا تفقد الأمل وثق بنفسك وقدرتك على ما هو أفضل.
تم النشر الثلاثاء، ١٨ فبراير ٢٠٢٥
لعرض السؤال في فدني اضغط هنا