اسلام عليكم انا عندي 15سنه واي حد بيدور علي عروسه بيشوروله عليا وبيبقا اكبر مني ب14او13سنه لغيت ما جالي عريس عنده 29سنه مامته هي الي طلبت فسالنا عليه و الناس قالت عليه انه محترم وكل الناس الي في الشارع الي ساكن فيه بيقوله عليه احلا كلام بس طنشت الموضوع ورفضت العريس بعد ما بدات الدراسه اكتشفت انه مدرسي وفضلت معاه ترم وبدات احبه منغير سبب بس لحد دروقتي بحاول معلقش نفسي بيه واركز علي دراستي
وعليكم السلام ورحمة الله وبركاته ... 15 سنة مش عارفه صراحةً المدرس اللي يفكر في طالبة عندها 15 سنة ده بناءا على ايه!! ولكن اللي انتي بتشعري به ده مش حب، ده مجرد انجذاب واعجاب طبيعي .. الحب شئ، واللي انتي فيه شئ تاني خالص. ف الاول محتاجه تصدقي ده، علشان تعرفي ازاي تتعاملي معاه.
تم النشر السبت، ١٠ فبراير ٢٠٢٤
دي فتره مراهقه يحبيبتي وطبيعي تعجبي ب اي حد واللي انتي حساه ده اعجاب م حب.. وكمان انتي لسه صغيره جدا.. يعني دلوقتي خلي هدفك مذاكرتك وبس.. ذاكري وانجحي وتوفقي وبعد كده ركزي ف الموضوع ده عيشي سنك وحياتك.. واي حد يجيب سيره الجواز قولي تعليمي الاول.. ومره علي مره محدش هيفتح الموضوع ده غير لما تكبري..
تم النشر السبت، ١٠ فبراير ٢٠٢٤
لازم يكون عندك وعي كافي بأن سنك صغير جدا و أن دا سن مراهقه طبيعي انك تعجبي باي شخص ، لكن دا مش حب ، دا مجرد اعجاب مش اكتر ، ركزي دلوقتي علي مذاكرتك وانك تعملي كارير لنفسك تكوني احسن دايما متبصيش دلوقتي لخطوبه وجواز وعيشي سنك
تم النشر السبت، ١٠ فبراير ٢٠٢٤
الزواج ميثاق غليظ ومشوار طويل عايز اعداد سليم وكافي ومعرفة وعقلية عشان تاخدي قرار
تم النشر السبت، ١٠ فبراير ٢٠٢٤
وانتى اللى تقدرى تغيرى نظرة الحواليكى فيكى ...من نظرة عروسة بتترشح لأى حد بيتقدم ل طالبة أهم حاجه عندها حاليا دراسة ومستقبل وبس مهما كانت الظروف ... ربنا يحميكى من كل سوء وينورلك بصيرتك.
تم النشر الجمعة، ٩ فبراير ٢٠٢٤
وإن اللى عايزك حالياً هيعوزك ليه أصلا ؟ شوية وهتترمى وهتلاقى نفسك بلا كيان ولا شهادة وهتدخلى فى مأساة ملهاش نهاية ف ليه تدخلى نفسك فى الحياة دى ...عيشى سنينك فى الحياة اكبرى وانضجى واتعلمى فيها عشان محدش يضحك عليكى ووقتها بس هتقدرى تختارى إنسان سوى بيحبك.
تم النشر الجمعة، ٩ فبراير ٢٠٢٤
الحب والجواز لسه قدامك كتير اوى مش أقل من 6 سنين كمان ف ليه نفكر فى دا من دلوقتى ؟ وليه نضيع مستقبلنا وأحلامنا وطفولتنا ونسبق كل حاجه بأوانها ...كل المطلوب منك دلوقتى تركزى فى دراستك عشان بعد كام سنة متندميش وتقولى ياريتنى ...وهقولك حاجه حبيبتى الشخص اللى الفرق بينك وبينه 13 ..14 سنة سورى يعنى هو لو شخص سوى كان هيدور على حد اده مش هروح يدور ع وحدة اد بنته!
تم النشر الجمعة، ٩ فبراير ٢٠٢٤
بصى حبيبتى أنا أكبر منك يجى ب 7 سنين يعنى انتى زى اختى الصغيره فاسمعى النصايح دى كويس ومتضيعيش نفسك ب نفسك ... انتى حاليًا فى مرحلة مراهقة ودى أصعب مراحل بيمر بيها أى حد فسنك .. طبيعى هتعجبى بناس كتير وهتقابلى كتير وجواكى هتقولى هو ده الإنسان اللى عايزه أكمل معاه بس ده ملهوش علاقة بالحب ده اسمه مجرد اعجاب وعدم نضج
تم النشر الجمعة، ٩ فبراير ٢٠٢٤
أنت هتقدري تكتبي كتابك قبل ما توصلي ١٨ سنة؟ ولو لا يبقى إيه فائدة الخطوة دي في السن دة والخطوبة الطويلة جدا؟
تم النشر الجمعة، ٩ فبراير ٢٠٢٤
لعرض السؤال في فدني اضغط هنا