انا عندي 18 سنه دلوقتي وفي تالته ثانوي انا من وانا صغيره وانا عندي شهوه عاليه ومكنتش اعرف ان دي شهوه يعني هو كان مجرد احساس لما بقى عندي 13 سنه ماما وبابا انفصلو وانا عشت مع مامتي ومامتي كانت طول الوقت سيباني ف البيت لوحدي عشان شغلها
بدأت اتكلم مع ولاد واكذب ف سني لان شكلي وطولي وجسمي كانو يدو 18 سنه عادي وقتها بس الي حصل ان في ولد استغلني وطلب مني صور وفعلا بعتلو بعدها بشويه انا سبتو وعدت السنين ومن فتره تقريبا 10 شهور كلمت واحد اتكلمنا شويه وتكلمنا فيديو وكان للأسف الفيديو مش كويس انا بعدها فقت ف الي انا عملتو ف نفسي وف امي
انا كنت مغيبه اوي وغبيه طول الوقت قرفانه من نفسي حاسه ان انا مقرفه ومش عارفه اتقبل ده وخايفه ان في حاجه تتفضح الخوف مسيطر عليا مش عارفه اعيش زي الناس انا نسيت يعني اي احساس عدم الخوف
حتى خايفه اتخطب خايفه اعيش طبيعي انا واصله لمرحله خوف من ماضيا مش طبيعي انا تبت والله الحمدلله ورجعت لربنا بس خايفه انا الحمد لله سترت على بنات كتير وبدعي ربنا طول الوقتي بالستر بس هو 10 شهور من غير ما الشخص ده يكلمني او يهددني
هو معني كده ان انا ف امان انا اكتر حاجه خايفه عليها مامتي انا بحبها اوي وببرها ودايما هي الحمدلله بتدعي لي وبتفضل تقول لأخويا خليك زي اختك ومتزعلنيش وكل ما تقول الكلمه دي قلبي يوجعني اوي اسفه لو طولت عليكم
السلام عليكم (كل بني آدم خطاء وخير الخطائين التوابون) مفيش حد فينا معندوش ذنوب صدقينى كل واحد فينا عنده مصايب وبلاوى لولا ستر ربنا مكناش هنعرف حتى نبص لنفسنا ف المرايا ربنا اكيد هيسامحك لانك نويتي التوبه وانتى حاليا بتحاولى تحلى المشكله ستر ربنا ليكى مستمر لحد الآن لأن ربنا عاوز يديكي فرصه جديده للتغيير متضيعهاش لأن الله اعلم هيحصل ستر تانى لو غلطى ولا لاء ف أظهرى لربنا انك فعلا شاكره لستره عليكى ومتكرريش الفعل ده تانى بالنسبه لموضوع الخوف والتهديد غالبا الموضوع ده بيستمر للناس الى بتعمل ذنوب العباد او اى ذنب فيه ناس شاهده عليه ، حابه اعرف ليه عملتى كده هل وانتى بتكلمى الولد بتكونى بتحبيه ولا مجرد عاوزه تحسي بالشهوه معاه ؟ وكمان إن شاءالله خير واتمنى الموضوع يعدى على خير عدا وقت كبير اكيد هو مش هيعمل حاجه ادعى ربنا يستر عليكى دايما ويبعده عنك احساسك بالخوف ده بسبب انك خايفه تتفضحي ف اى وقت طبعا شعور مخيف جدا لكن انتى موضحتيش الشخص ده من نفس المنطقه بتاعتك يعنى هيعرف أهلك ولا كان ايه بالظبط لكن عموما قدام زى ما بتقولى عدا 10 شهور ومفيش حاجه يبقي إن شاءالله خير واحساسك بتأنيب الضمير ده حاجه كويسه لانك فوقتى من الذنب الكبير ده وناويه تتغيرى وطبعا مفيش احسن من الايام دى للرجوع لربنا والدعاء فيها
تم النشر الجمعة، ٢١ مارس ٢٠٢٥
حاولى تقربى من ربنا عشان ما تضعفيش تانى وقبل ما تعملى حاجه فكره فى اللى حواليكى ازاى لو حاجه اتعرفت هيأثر عليهم ازاى وفى ربنا قبلهم أنه دايما مطلع. على كل شيء وربنا يرزقك الهدايه التائب من الذنب كمن لا ذنب له وطالما انت حسيت بالندم اكيد ربنا سامحك وقبل توبتك
تم النشر السبت، ٢٢ مارس ٢٠٢٥
ربنا يسترك يا حبيبتي يارب ويصلح حالك ويغنيكي بحلاله عن حرامه وينزع منك حب المعاصي ويبعدها عنك ويبعدك عنها. ربنا سبحانه وتعالى لو رايد يفضحك كان فضحك قدام مامتك على الأقل ولو كنتي رجعتي للذنب كان فضحك بقا قدام الناس، بس هو سبحانه وتعالى أكبر وأحن من كدا فهيبقى عيب أوي لو استغليتي الستر دا ورجعتي للذنب تاني. صفحة واحرقيها ونقطة.
تم النشر الاثنين، ٢٤ مارس ٢٠٢٥
أشعر بمعاناتك وقلقك، وأقدر شجاعتك في مشاركة مشاعرك وأفكارك. ما مررت به من تجارب كان صعبًا، ولكن من الرائع أنك أدركت خطأك وتبتِ إلى الله، وهذا هو الأهم في جميع الأحوال. مما يبدو، فإن مشاعر الخوف والقلق التي تعيشينها ناتجة عن التجارب الماضية، وهذا أمر طبيعي في مثل تلك الظروف. من المهم أن تتعلمي كيف تتقبلين نفسك وتسامحينها، لأن كل إنسان معرض للخطأ. الله سبحانه وتعالى غفور رحيم، وهو يقبل التوبة الصادقة. خوفك من الفضيحة أو من رد فعل والدتك يمكن أن يشعرك بالضغط، لكن حاولي أن تتذكري أن والدتك تحبك وتدعمك. يمكنك التحدث إليها عن مخاوفك في وقت لاحق إذا كان لديك الشعور بأنك مستعدة لذلك، أو يمكنك أيضًا التفكير في استشارة متخصص لمساعدتك في التغلب على القلق الذي تشعرين به. ابذلي جهدًا للتركيز على الأمور الإيجابية في حياتك، وعلى علاقاتك مع عائلتك وأصدقائك. اطعمي نفسك بالأشياء الجيدة وعلمي نفسك كيفية التعامل مع مشاعرك بشكل أفضل. تذكري أن الحياة تحمل فرصًا جديدة، وأنها تعطيك الفرصة لتكوني الشخص الذي ترغبين في أن تكوني. إذا احتجت إلى التحدث إلى أحد، فلا تترددي في البحث عن أخصائي نفسي أو الاستعانة بأحد المقربين الذين تثقين بهم. اتمنى لك التوفيق والنجاح في كل خطوة تخطينها.
تم النشر الجمعة، ٢١ مارس ٢٠٢٥
انتي ممكن تشغلي نفسك في دراستك. عشان تفكير كتير هيتعبك ده اول حاجة
تم النشر السبت، ٢٢ مارس ٢٠٢٥
ولا تحطى فى بالك ، اشكرى الله الذى سترك بعد المعصية لعلك تعودى والحمد لله على عودتك .. شكرك لله يكون بالالتزام بأوامر الله والبعد عما نهى الله عنه ، واحذرى كل الحذر من العودة بأى شكل من الأشكال .. أما الماضى فلا تخافى ولا تحزنى .. الله يبشرك فى القرآن بأن التائب يحول الله كل ذنوبه السابقة لحسنات ، يعنى مش بس يمحوها .. لأ دا كمان تتكتبله حسنات .. شوفتى فضل الله ورحمته عاملين ازاى ؟!! هل يستحق الله منا أن نعصاه بعد ذلك ؟!! إنسى الماضى تماما فإن غفر الله لك وتاب عليك فما يخيفك بعد ذلك !!؟ لا يشغلك شىء فى هذه الحياة إلا رضا الله .. هذا هو ما يستحق الخوف والقلق .. أما ما دون ذلك .. لا تقلقى بشأنه .
تم النشر السبت، ٢٢ مارس ٢٠٢٥
اولا. ربنا غفور رحيم وبيغفر جميع الذنوب مهما عظمت المهم انتي اقفلي كل الابواب تجاه المعصية دي امسحي كل الولاد اللي عندك وتعملي ليهم بلوكات ولو تعرفي تغيري رقمك هيبقى افضل وافضل وحافظي على نفسك وربنا يرزقك بالزوج الصالح
تم النشر الاثنين، ٢٤ مارس ٢٠٢٥
احمدي ربنا لانه يسترنا ثم نعصيه ثم يسترنا ثم نعصيه ثم يسترنا فالحمد لله دائما وابدا
تم النشر الاثنين، ٢٤ مارس ٢٠٢٥
شكرا ليك بجددد ربنا يسترني ويستر عرض كل بنت
تم النشر السبت، ٢٢ مارس ٢٠٢٥
لعرض السؤال في فدني اضغط هنا