قولولي كلام محفز ومشجع واحتووني بما اني شبه ماليش أصحاب لاني داخله ع الإمتحانات ومرضت فجأه وكل تعبي بيروح ونفسيتي صفر وحاسه بالوحده وفقدان الشغف ودائما ببكي وزعلانه كتير ع نفسي 😢💔🩹
بصي اول حاجه نفسيتك لازم تكون كويسه حاولى تفصلي مش لازم تخرجى و الجو ده ممكن مثلا تقضي يوم من غير مذاكره مع أهلك او حد بتحبيه او ممكن تنامى . و تراضي نفسك و وتجيبي لنفسك شوكولاته أو حاجه بتحبيها لو بتحبي الرسم ارسميلك ساعتين ولا حاجه على حسب وقتك اعملى ده تانيا بقى خلى عندك يقين تام بربنا انو دايما بيعمل الخير و بيعمل إلى فيه مصلحتك و انتي اعملى ال تقدري عليه انتي عليكى السعى وليس النتيجه و شغلى قرآن جمبك بصوت واطي وممكن تسمعى فيديوهات عن اليقين بالله فيه فيديوهات 5 دقائق مش كتير يعنى لو النقطه دي متظبطه عندك هتحسي بفرق كبير جدااا عن تجربه
تم النشر السبت، ٩ ديسمبر ٢٠٢٣
ازيك يا جميله بصي ياحبي طبعا بعيدا عن الامتحانات او اي حاجه نفسيتك لازم تبقي كويسه وهي اولويتك قبل اي حاجه تانيه وبعدين بتعيطي لي وترهقي اعصابك هو اه احيانا بنكون فقدنا كل الحيل اللي نقدر نعملها فبنبكي من عجزنا بس والله ربنا بييسرها وبتتحل من عنده ماتزعليش علي نفسك واستعيني بالله وربنا يشرح صدرك يارب اللهم آمين انصحك انك تبدأي تمدحي نفسك خلي عندك نوته اكتبي فيها كل يوم انجازات ولو بسيطه زي اني ابتسمت لحد او اني روقت السرير اي حاجه المهم انه يكون شكر ليكي ولو في مشكله او حاجه حاولي برضو تطلعيها عالورق صدقيني بيفرق جدا اكنك بتحذفيها من دماغك نهائي وانت شخص جميل وغالي ماتزعليش نفسك على حاجه
تم النشر الجمعة، ٨ ديسمبر ٢٠٢٣
ابدي من جديد وحطي قدام عينيك حاجتين الأول طاعة الله والتانيه حلمك واسعى عشان متندمش
تم النشر الخميس، ٧ ديسمبر ٢٠٢٣
🥺🤎🤎🤎🤎🤎🦋
تم النشر الأربعاء، ٦ ديسمبر ٢٠٢٣
تغيير الروتين اليومي له عامل اساسي ع تغيير النفسية زي الرياضة او خروج ونتمشي او نقرا قصص او نقعد مع حد بتحبه وما شبه ذلك
تم النشر الأحد، ١٠ ديسمبر ٢٠٢٣
اولا ربنا يشفيكي شفاء لا يغادر سقمك ثانيا يا ستي بتقولي معندكيش صحاب لا أنا كده هزعل امال احنا كلنا هنا بنعمل اي وثالثا بقي اسمعي التكاسل هو عدوك الوحيد ان تاجيل عمالك اليوميوالتباطئ في تنفيذه سيطول لفتره زمنيه والمطلوب لانجاز الهدف الذي تسعي إليه وإن تقطع وقت الراحه مقبول ولكن التمادي في الراحه كسل لا يمكن تاجيل عمل اليوم الي الغد سيتركم ما عاليكي عمله وتطول المده اكثر والتكاسل عدوك الاكبر تشجع واترك منطقه الراحه انت صاحب القرار
تم النشر الأربعاء، ٦ ديسمبر ٢٠٢٣
شوفي الاسئلة ديه واجاباتها ... كلها متعلقة بالشغف واجاباتها هتفيدك باذن الله - https://fedni.net/q/83176427/نصيحة-لان-عندى-حلم-عايزة-احققه https://fedni.net/q/86119725/نفسيتي-متدمره https://fedni.net/q/62651146/ما-هو-الحل-لعودة-الشغف https://fedni.net/q/17274725/ازاي-ارجع-الشغف-والحماس https://fedni.net/q/73170642/علاج-للكسل-و-فقدان-الشغف https://fedni.net/q/71815497/علاج-للتكاسل https://fedni.net/q/94012902/تايهه-ومش-لاقيه-نفسي https://fedni.net/q/12827284/بإختصار-انا-كنت-شاطره-جداا-بس https://fedni.net/q/49797452/مش-عارف-احدد-حلمي-ولا-ارسم
تم النشر الخميس، ٧ ديسمبر ٢٠٢٣
اولا اسألي هل قدمتي واجباتك قبل ماتطلبي حقوقك في الراحة النفسية والسعادة والمحبة.. وبعدين اسألي ربنا مطالبك، اتقربي من صحابك بتوع المدرسة او قرايبك او الجيران، لازم يكون فيه صحبة لازم للطبيعة البشرية .. حتى لو مش نفس العمر
تم النشر الخميس، ٧ ديسمبر ٢٠٢٣
لعرض السؤال في فدني اضغط هنا