كان حصلي مشاكل زمان مابين مامتي وبابايا وكانت صعبه جدا والحمدلله عدت وعدا عليها سنتين وشويه المهم اني مش عارفه اتخطى اللي كنت بشوفوا في المشاكل خالص وكنا دايما بطلب من مامتي انها توديني لدكتور ولما تسأل السبب مكنتش بعرف ارد وبحس الكلام اتحبس جوايا ،وانا اتغيرت جدا بعد المشاكل دي مثلا اني ممكن ابقى مبسوطه وفجأه اقلب واحس اني عايزه اهرب ،لو احس اني مش طايقه اي حد حواليا رغم ان بجد محدش زعلني فحاجه ،ثقتي فنفسي بتقل وبحس ان كل اللي حواليا احسن مني فكل حاجه وبقيت بستغرب نفسي جدا وساعات بيجي وقت وبحس اني عايزه اعيط وبفتكر كل حاجه حصلت ،وحقيقي انا فدوامه ومش حاسه بفرحه ولا عارفه احاول فحياتي وبحس دايما اني فاقده الشغف رغم ان اللي حواليا بيفرحوني وبفرح فعلا بس برجع بعديها ازعل تاني ومش عارفه اعمل اي حقيقي ومش حابه اني افضل كده
كرري طلبك مرة تانية لمامتك انك محتاجة تتكلمي مع اخصائي او معالج نفسي ، وخليكي مجهزة الرد لو سالتك عن السبب قوليلها انك حاسة ان فترة المشاكل اللى مريتي بيها معاهم اثرت عليكي ، وانك محتاجة تتكلمي مع حد برة العيلة يكون تخصصه نفسي ، عشان يقدر يساعدك تتكلمي وتتحسن نفسيتك لانك مش قادرة تتكلمي معاها ولا مع باباكي اوقات ممكن نتحط في مشكلة ونعدي منها ، وتعدي سنين بعدها ولكن يفضل اثرالمواقف دي او المشاكل دي ماثرة على مشاعرنا وافكارنا وتصرفاتنا ومبنقدرش نساعد نفسنا ، وبنحتاج لحد يكون فاهم وعارف ازاي يساعدنا نتحسن عشان نقدر نكمل حياتنا بنفسية افضل ونقدر نحقق اهدافنا ونعيش حياتنا صح
تم النشر الأحد، ١١ أغسطس ٢٠٢٤
أول حاجة، أنا آسفة إنك مريتي بكل الحاجات دي، واضح إن اللي حصل كان صعب جدًا. المهم إنك هنا دلوقتي وفكرتي في التغيير، وده بحد ذاته خطوة جبارة. بصي، كدا أنا شايفة إنك محتاجة تعملي شوية خطوات علشان تتخطي اللي مضى. حاولي تعملي حاجة تحبيها، زي الرسم أو الرياضة أو حتى المشي في الطبيعة. الحاجات دي ممكن تساعدك تعبري عن مشاعرك بطرق إيجابية. كمان، التفكير في الاستشارة النفسية ممكن يكون مفيد. لو استخدمتي الخدمة دي، هتلاقي مساحة آمنة تحكي فيها عن كل اللي جواك ويكون عندك دعم. المشاعر اللي حسيتها طبيعي جدًا بعدها، بس حاولي تفتحي قلبك وتشاركي حد من أصحابك أو عيلتك. ده هيخفف عنك كتير. أخيرًا، حاولي تتقبلي نفسك كده زي ما انتي، وتؤمني إنك قادرة على التغيير والإحساس بالسعادة. انتِ قوية، وعندك القدرة تتخطّي كل ده.
تم النشر الأحد، ١١ أغسطس ٢٠٢٤
لعرض السؤال في فدني اضغط هنا