انا كنت من غير حجاب لحد أولي ثانوي بعدين اتحجبت في السنه دي بس جات عليا سنه ثالثه ثانوي حاليا بقيت عايزه اقلع الحجاب مع العلم اني انا اللي لابسه الحجاب بارادتي
بصي هو ده بسبب انك بتتعاملي مع الحجاب على انه بارادتك ومزاجك مش على انه فرض ربنا امرنا به وواجب علينا تنفيذه بمجرد البلوغ ربنا سبحانه وتعالى هو ال بيقدر لكل واحده الوقت ال المفروض تتحجب فيه ببلوغها فانت المفروض تتعاملي معاه على انه فرض مش على انه حاجه راجعه لارادتك ومزاجك تلبسيه ارضاء لله سبحانه وتعالى وتنفيذا لامره وتيقنا منك ان ده الاصلح والافضل وال هيحفظك بإذن الله من شرور كتيرة فدقد لا تدركيها دلوقتي لازم كمان تاخدي بالك ان دي من وسوسه الشيطان واغواؤه ان كل فترة هيزن عليكي بافكار معينه تخليكي عاوزة تقلعيه فحاولي تنتصري عليه ومتستجيبيش له حاولي تشوفي ايه ال جد عليكي السنه دي خلاك عاوزة تقلعيه هل وسوسة شيطان فقط ولا حد من صاحباتك علق على حجابك ولا حصل موقف معين خلى الفكرة دي تسيكر عليك وارجعي استشعري انك بتاخدي ثواب على لبسه تعاملي معاه زي الصلاة والصيام كده انت صايمه ليه؟ ارضاء لله سبحانه وتعالى مش عشان ارادتك تصومس سنه وتبطلي سنه مثلا ربنا يثبتك على الحق
تم النشر الثلاثاء، ٢٨ مارس ٢٠٢٣
متبصيش للشكل الخارجي بصي لنقطة انك لبستي الحجاب عشان ترضى ربنا مش عشان ترضي الناس فلما يكون ربنا راضي عنك اعتقد وجهة نظر الناس ملهاش اي لازمة ابدا المهم صدق النية مع الله وادعي ربنا يثبتك خصوصا اننا ف ايام مفترجة حبي نفسك بالحجاب وخليكي مبسوطة أن ربنا كرمك بالخطوة دي حتى لو انتي مش متقبلة شكلك بالحجاب حاليا تحملي نفسك ع طاعة ربنا حتى لو غصب عنك طاعة ربنا ورضا ربنا مش سهل لازم نسعى له لحد ما ربنا يهدينا وربنا قال (وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ) وربنا هيكرمك ان شاء الله ويثبتك وعن حب واقتناع ربنا يثبتك على طاعته
تم النشر الاثنين، ٢٧ مارس ٢٠٢٣
في مبدأ بصراحه حببني ف الحجاب جدا هو ايه اني حلوه جدا من غير حجاب شكلي مع شعري شكلي حلو جدا طب اغطيه ليه ؟ عشان شكلي حلو جدا وان الحلو الي فيا مش من حق اي حد يشوفه اعتبري شعرك ملكيه خاصه ليكي مش من حق اي حد يشوفه الا الي يستهله طب مين يستاهل يشوف احلى مافيكي؟ اهلك بباكي اخواتك الشباب جدك خالك عمك وبعد كده جوزك وده الي مخليكي غاليه دايما لان في حاجه حلوه قوي انتي مدارياها عن الناس كلهم وممكن تحبي شكلك بالحجاب ف غيري انواع طرحك وطريقه لفه الحجاب بتاعتك والوانها واتصوري بيهم شوفي اكتر حاجه عينك ارتاحت فيها البسيها بيها وكمان اعرفي انك بتاخدي ثواب كبير ع مجاهدتك لنفسك وانك تقلعيه ف حافظي ع الثواب ده
تم النشر الثلاثاء، ٢٨ مارس ٢٠٢٣
حاولي تقرأي قرآن وتتقربي من ربنا اكتر وكمان احنا ف شهر مبارك ف استغلي الفرصه دي والنذوه دي والاحساس ده مر ع كل حد فينا بس هي مجرد وسوسه شيطان م اكتر وخليكي فاكره ان الحجاب بيذيدك جمال والله ف بجد متاخديش الخطوة دي غير ما تكوني مفكره فيها ميت مره و مفكره ف نتايجها وتفكري ف اي اللي هيحصل وكمان عاوزين الواحد يتقدم خطوة لقدام م ترجعي يجميله💕
تم النشر الاثنين، ٢٧ مارس ٢٠٢٣
حاولي تتابعي دورات دينيه لعلها تفيدك وتزود لك معلومات معينه دينيه وعندك اكاديميه ميراث واكاديميه الحسيني دول احسن اكاديميتين بيعملوا دورات دينيه حلوه وعندك كمان دكتور علاء حامد عامل دوره الداء والدواء وانوار الكهف الدورتين دول جمال قوي حرفيا وهتلاقي كل الحاجات دي موجوده على التليجرام وحاولي تتواصلي مع اي ادمن من اكاديميه ميراث تكون بترد بسرعه عليك تساعدك وحاولي ما تفوتيش يوم من اول النهارده الا وتتابعي كل يوم حلقه واحده على الاقل من اي دوره انت داخلاها وصدقيني هتلاحظي الفرق في المستقبل واكاديميه ميراث دلوقتي عامله دوره اسمها عباد الرحمن وخلاص احنا في اخر حلقه هم خمس حلقات بس كل حلقه اقل من نص ساعه فحاولي تنضمي في اقرب وقت عشان تلحقي تمتحني
تم النشر الثلاثاء، ١٨ يوليو ٢٠٢٣
اى تقلبات طبيعية جدا فى المرحلة دى ..مع ضغط الامتحانات والحر والقلق ...بيبقي نوع من محاولة تشتيت النفس عن كل ده انك تلاقى فكرة تطلعلك كده ملهاش علاقة بكل ده ..وكأنك بتفصلى بيها عن كل الضغوطات الاخرى. متستجيبيش لاى افكار وقت التوتر او الضغط لو فى وقت تانى عادى كنت هنصحك زى ما ناس كتير نصحتك نصايح مختلفة وجميلة وفى صميم مسألة الحجاب. لكن انا هنصحك تعملى اى نشاط مختلف مع حد من صحابك وياسلام لو كان لبه علاقة بالمسجد ...جربي كده وقوليلى
تم النشر الثلاثاء، ٢٨ مارس ٢٠٢٣
بصي ياعسليه اقعدي مع نفسك وشوفي هتستفيدي ايه لو قلعتي الحجاب يعني هل تظني أن الفاكهه المكشوفة وعليها ذباب حد هيحبها زي الفاكهه النضيفه.جاوبي انتي وكمان انتي لو عارفه هتموتي امتي وعارفه الموعد تقدري تقلعي الحجاب وتتدلعي شويه انا عارفه أن المغريات كتير حوليكي بس علي قد المغريات ربنا جعل الاجر كمان تذكري بتتعرضي لفتنه من صحابك والبلوجر من مكياج ولبس بس صدقيني الآخرة خير وابقي وافتكري حديث النبي عليه الصلاة والسلام يوم الحساب لما بتيجي الدنيا في شكلها الحقيقي بيكون ايه؟امراة عجوز شمطاء رثه الثياب نتنه الريح وربنا يقول هي دي الدنيا اللي انتوا مكنتوش شايفين حقيقتها .خدي رمضان فرصه وادعي ربنا يثبتك علي الطاعه لأن الاختبار الحقيقي مش انك لبستي الحجاب ابدا والله .اختبارك صدقك في العمل اللي بتعمليه بيكون بالثبات علي الطاعه واختاري صحبه صالحه تعينك علي الطاعه وتشجعك وتثبتك وافتكري أن الصاحب ساحب ياما للخير ياأم للشر.وافتكري أننا كبشر كلنا محاسبون في النهايه هنتحاسب وعملنا اللي بيحدد جنه بلاموت أو نار والعياذ بالله بلاموت بردة.وزي مقلتلك لو عارفه هتكوني امتي اقلعي الحجاب وعيشي حياتك وتمتعي بيها زي مانتي عايزة بس خدي بالك التنازلات بتبدا ديما بحاجه بمعني النهاردة هتقلعي حجابك بكرة هتلبسي عريان وهكذا حفظك الله وثبتكي وانار دربك بقربه ويبعد شياطين الانس عنك لانك طالما الحجاب لوحدك يبقي فيكي خير وربنا بيحبك اسمعي رضوي الشربيني وهي بترد علي واحدة عايزة تقلع الحجاب قالتلها انتي احسن مني وأشجع مني وقالتلها اوعي تعملي زي
تم النشر الثلاثاء، ٢٨ مارس ٢٠٢٣
شكرا جدا علي كلام حضرتك انا فهمت
تم النشر الأربعاء، ٢٩ مارس ٢٠٢٣
الحجاب فرض فرضه ربنا سبحانه وتعالي عليكي زي ما فرض علينا احنا الرجالة القتال والحرب والدفاع عن اهلنا وارضنا. وعسي ان تكرهو شيئا وهو خيرلكم وعسي ان تحبو شيئا وهو شر لكم والله يعلم وانتم لا تعلمون. نصيحتي لكي اختاري صديقات يأخذن بيديك إلي الجنة وابعدي عن مصدر تلك الوساوس.
تم النشر الثلاثاء، ٢٨ مارس ٢٠٢٣
بصي حاولي تقربي من ربنا وحسسي نفسك ان الحجاب مزودك جمال لأنه فعلا بيزودنا جمال وهو الستر بس لو مش قادره ساعتها دا قرارك بس قبل متتخذي اي فعل لازم تكوني فكرتي عشان مش ينفع كل شويه تلبسيه وتقلعيه فخدي قرار الي يرضي ضميرك وقلبك
تم النشر الاثنين، ٢٧ مارس ٢٠٢٣
لعرض السؤال في فدني اضغط هنا