السلام عليكم ورحمه الله وبركاته
أنا اسفه عاللي هقوله بس انا فعلا فعلا محتاجه مساعده،انا مش بعرف خالص اهتم بنفسي،بحاول بس ببوظ الدنيا اكتر .يعني أنا وشي كله حبوب وتصبغات ومش عارفه اعالجه وروحت عند اكتر من دكتوره وبرضو مفيش فايده أو بتروح شويه وترجع تاني .ودا فعلا تعبني نفسيا وخاصة أن وشي اسمر فمع الحبوب والتصبغات.ومش عارفه اهتم بنظافتي الشخصيه بمعني إزالة الشعر مش بعرف خالص وجربت كتير بيحصل التهابات وبتقلب باسمرار رهيب .أنا حرفيا نفسيتى تعبت ومش عارفه اعمل اى جربت حلول كتير مش عارفه وبشرتي بتحسس بسرعه.اعمل اى بجد مش عارفه اعمل حاجه .
وسؤال تاني معلش هل لو ماما دخلت ساعدتني سمعت أنه حرام هل دا حقيقى؟؟؟ أنا اسفه بجد عالاسئله دي
حبيبتي الموضوع مش صعب لو التزمتي بشوية حاجات في موضوع الحبوب إبعدي تماما عن أي حاجه فيها أملاح وخاصة الشيبسي والإندومي وماشابه ذلك هتفرق جدا والمخللات واشربي ميه كتير واعتمدي علي غذاء صحي واغسلي وجهك كتير وأبعدي عن العرق تماما بالنسبه للنظافه الشخصيه علشان ترتاحي من الموضوع ده تماما مافيش أحسن من إنك تعملي ليزر هتلتزمي في البدايه 8 جلسات كل شهر جلسه وبعد كده هتحصلي علي نتائج رائعه ممكن تعملي كل كم شهر صدقيني دي من أحسن الطرق وخاصتا لو بشرتك حساسه لكن بيريح فعلا أنصحك بكده أفضل لكن لازم تبحثي عن دكتوره تكون شاطره وجهاز ليزر يكون كفء وحد يكون مجرب وشكر في المكان
تم النشر الأربعاء، ١٧ يوليو ٢٠٢٤
وعليكُم السَّلام و رحمةُ اللَّـهِ وبركاتُه ^^ إضافَةة للـإجابات الموجودة، ممكن تستخدمِي سِيروم فيتامِن سي تجبيه من الصيدليه ، كل يوم قبل ما تنامي وممكن يوم وِ يوم.
تم النشر الأربعاء، ١٧ يوليو ٢٠٢٤
عليكم السلام ورحمة الله وبركاته أعتقد أنك في فترة مراهقة، فإذا كان الأمر كذلك فستمر هذه الفترة بإذن الله لكن انتبهي أن حدة الحبوب تزداد مع السكريات والأكل غير الصحي عامة. أما إذا كنت انتهيت من مرحلة حب الشباب وما زالت الحبوب تزعجك جربي واحدة من المنتجات الطبيعية، عن نفسي جربت صابونة الوجه من براند اسمه سيرا، هي ممتازة وأكثر ولكن حدث لي معهم موقف على إثره ألغيت تعاملاتي معهم، ويوجد خيارات أخرى لم أجربها بعد مثل دكتور روز. بالنسبة لسنن الفطرة، ما هي؟ طبقيها. واهتمي بنظافة أسنانك وملابسك وشعرك. لا تسمعي أي مقطع من المقاطع التي تضع فيها الفتيات ألف منتج عند مرآة الحمام وتخبرنا عن روتين عنايتها، سوف تتعقدي إن فعلتِ. فقط اغسلي وجهك بصابونة أو غسول مناسب. رائحتك طيبة تسخدمين مزيلًا لرائحة التعرق، وملابسك نظيفة وأسنانك كذلك. وتطبقين سنن الفطرة. التزمي على هذا فترة ثم يمكنك البحث عن المستوى التالي لاحقًا.
تم النشر الأربعاء، ١٧ يوليو ٢٠٢٤
وعليكم السلام ورحمة الله وبركاته، أهلا بيكي يا حبيبتي. أنا هنا علشان أساعدك وأدعمك، مفيش داعي تتأسفي على حاجة. كلنا بنواجه تحديات في حياتنا ومشاكل في العناية بالنفس، والعبرة إننا نحاول نلاقي حلول ونكون لطيفين مع نفسنا. أولا بالنسبة لموضوع البشرة: العناية بالبشرة حاجة ممكن تكون محبطة أحيانا، بس أهم حاجة إنك تلتزمي بروتين بسيط ومناسب لبشرتك. ومادام بشرتك بتتحسس بسرعة، فمهم جدا تستخدمي منتجات خالية من العطور والكحول. جربي تستخدمي: غسول وجه لطيف مخصص للبشرة الحساسة. كريم مرطب خالي من العطور. واقي شمس لحماية بشرتك من الضرر. وفي حالة إن كان عندك حبوب، ممكن تحاولي تستخدمي منتجات تحتوي على مكونات زي حمض الساليسيليك أو بنزويل بيروكسيد، بس بشكل معتدل عشان بشرتك ما تتأذيش. بالنسبة لنظافة الجسم وإزالة الشعر: جربي تشوفي طرق ثانية زي الشمع أو الحلاوة، لأنها ممكن تكون ألطف على الجلد. ولو كنتي بتتعرضي لالتهابات وإسمرار بعد إزالة الشعر، ممكن تستخدمي كريمات مخصصة للتقليل من التهيج مثل كريمات الألومنيوم كلورايد. غير كده، حاولي ترطبي بشرتك كويس باستمرار. أما بخصوص مساعده مامتك ليكي، من الناحية الدينية الأمر ده يعتمد على تفسير العلماء والفقهاء، بس في الآخر، لو بتعاني من مشكلة صحية وبتحتاجي المساعدة، فمفيش حرج إن شاء الله. الأهم إنك تكوني مرتاحة وما تتعرضيش لأذى. وفى النهاية، لو بتحسي إن حالتك النفسية تعبانة جدا، ما تتردديش تستشيري متخصص نفسي يساعدك تتخطي الوقت الصعب ده. خدي بالك من نفسك يا حبيبتي، وكل حاجة هتكون كويسة إن شاء الله. أنا هنا دايما لو احتاجتي حاجة.
تم النشر الثلاثاء، ١٦ يوليو ٢٠٢٤
استشيري دكتوره متخصصه افضل
تم النشر الأربعاء، ١٧ يوليو ٢٠٢٤
لعرض السؤال في فدني اضغط هنا