انا بجد عندي قله تقدير ل ذاتي بسبب مجموع ثانويه عامه اتخذلت بطريقه توجع دخلت كليه طبيه ف جامعه اهليه بس اقل من الي كنت عيزاه ، المشكله اني شايله ماده الترم الي فات وبجد انا مش حباها ولا حابه مكان الجامعه عشان صحرا ومفيهوش حياه وغربه وانا بحب اهلي جدا حياتي متدمره اوي بجد من ساعه تالته ثانوي وانا حياتي واقفه حاولت اتخطى بس مش عارفه ،ف تالته ثانوي روحت ل دكتور كتبلي على نوع مهدئ لحد دلوقتي مش بعرف انام من غيرو لما بحس نفسي مش كويسه ومخنوقه باخده بينيمني على طول ولما ببطله بيجيلي صداع رهيب ، انا حاسه اني شاطره بس انا الي مش بعمل حاجه ونفسي افرح اهلي بجد عايزه حل غير اني اروح ل معالج نفسي عشان انا متغربه ف مكان بعيد وصحرا وقليل لما بنزل اجازات كمان عشان كليتي صعبه
طبيعي الخذلان او عدم تحقيق حلمنا بيوجعنا ، ولكن هنا محتاجين نحدد اسباب تعبنا وزعلنا ، او اكتر شيء مأثر عليكي ؟ هل هو ان التخصص مختلف عن حلمنا او بعدنا اكثر عن اهلنا ؟ او فقط الجامعه او مكانها هو المشكله ؟ الخذلان سببه توقعاتنا وأننا لانريد او نتقبل غيرها . السؤال هنا هل دائما اختياراتنا هي الصح والأنسب ؟ هل لو أعطينا فرصه وبدأنا ننظر للظروف والحياه الجديده من زاويه مختلفه ، هل سأجد فيها بعض المميزات ؟ او كل شيء غير مناسب ! او كل شيء هنا هو عكس رغبتي فقط ! حاولي تكتبي مميزات وعيوب الجامعه الجديده والظروف الجديده وما تقبليه ومالا تقبليه اجعلي الصوره كلها امامك حتي عقلك وذهنك يستريح ثم اكتبي إذا كانت الظروف كما ارغب تماماً ما هي الإيجابيات والسلبيات ايضا ؟ وكل يوم لو حدث موقف جديد اكتبيه وعلي نهايه الشهر سيصبح لديك تصور كامل واضح وراحه من الأفكار الكثيره
تم النشر الثلاثاء، ٢٣ أبريل ٢٠٢٤
مش أخر الدنيا إن شاء الله الحياه هتبقي منصفه ليكي وهتعيشي حياتك وهتفتكري الكلام ده وهتستغربي من نفسك
تم النشر الأربعاء، ٢٤ أبريل ٢٠٢٤
انا هقول لك مشكله عدم تخطي مجموع الثانويه العامه وما حدث في الثانويه العامه هي ايه؟ هي ان احنا مش مقتنعين ان الحياه مراحل ان احنا متستسلمين كده وكان الدنيا بتبدا من بعد مجموع الثانويه العامه او بتنتهي من بعد مجموع الثانويه العامه الكلام ده مش حقيقي الثانويه العامه دي مجرد مرحله دراسيه حصل فيها اللي حصل ان ايه هو لسه في مراحل بعدها نقدر نختار انه ها هنقضي مرحله اللي جايه ازاي ايا كان ظروفها وبرضو المرحله اللي بعدها دي نعيد على انها مرحله مش الدنيا وقفت هنا.
تم النشر الثلاثاء، ٢٣ أبريل ٢٠٢٤
هوني على نفسك الدراسة ممكن تتعب الإنسان نفسيا لو صعبة اقترح تاخذي إجازة صغيرة تعملي فيها حاجة حلوة اتفكي عن نفسك شوية اتصاحبي بنت من البنات الشاطرة و الإيجابية و النشيطة تعملي لنفسك روتين جميل فيه صلاة و قران و دراسة منظمة واخر اليوم تعطي نفسك مكافأة صغيرة ممكن لو بتسوي دايت اتكون حبة شوكلاتة وتقدري تلعبي رياضة بس من نوع الرياضة الي اتخلي ضربات القلب مرتفعة و تغير المود و النفسية جربي اقرا كتاب العادات الذرية و عادات صغيرة أما موضوع الكلية معرفش لازم تدرسي الموضوع كويس قبل ل تروحي كلية ثانية أو تعملي فيها أي حاجة
تم النشر الثلاثاء، ٢٣ أبريل ٢٠٢٤
وقعت في فخ الفشل الذي ذكره د. جيفري يونج ابدأي بكتابة انجازاتك كلها ومهاراتك ومواهبك , ثم عليك تقبل الذي حصل لأنه لن يتغير , والتقبل أن تقر بالواقع كما هو الآن ليس كما يجب أن يكون , وأوقف إصدار الأحكام على نفسك ويوجد معالجين نفسيين أون لاين " ويمكنك التواصل معي "
تم النشر الأربعاء، ٢٤ أبريل ٢٠٢٤
لعرض السؤال في فدني اضغط هنا