أنا في أول سنه لي في الجامعه أشعر بالفراغ لا أحس بهدف في حياتي ماذا أريد و عندما انظر لحياتي لا أرى لي أصدقاء مجرد زملاء دراسة و لا انا ملتزم في صلاتي وعندما احاول أن اغير من نفسي أفشل و أصبحت لا استطيع المذاكرة مع انه الكليه التي أريدها كلية الهندسه او هذا ما كنت اعتقده اشعر اني أهدر حياتي
🎤 إجابة صوتية
تم النشر الثلاثاء، ٨ أبريل ٢٠٢٥
اتعلم حاجات جديده وكتير في نفس مجالك وغير مجالك برضو ركز في مذاكرتك اكتر وحاول تحط لنفسك هدف وتقدير ودرجات معينه وتوصلها ممكن لو في وقت تنزل تشتغل اي حاجه تنفع جنب الدراسه منه هتغير مودك ومنه هتتعرف على ناس جديده وتشوف الحياه العمليه برضو واكيد الحياه العمليه غير الدراسه تماما وكمان ممكن تتعلم حاجه جديده لغه بقي موهبه حاجه دينيه اللي تحبه. بالنسبه لصحاب هقولك على مثال بسيط جدا انا كنت ساكنه في بلد ونقلت لبلد تانيه وكنت لسه صغير لما نقلت للبلد التانيه قعدت حوالي خمس سنين ويمكن اكتر مليش صحاب سنتين منهم مليش صحاب خالص ومفيش حد راضي يتكلم معايا والباقي كانوا مجرد زمايل بس بحكم اني نقلت من المرحله اللي فيها وكده لما اتصارحت مع نفسي اكتشفت ان العيب مش فيا ولا اي واني لازم اكون صحبه لنفسي الأول وده اللي حصل فعلا صاحبه نفسي واخواتي اوي لدرجه ان كل حاجه كنت بعملها كنت بدبسهم فيها وفعلا احسن صديق ليك بعد نفسك هما اخواتك ومن سنه كده تعبت جامد وتنقلت المستشفى انا كنت متوقعه ان محدش هيسأل عليا ماهما مش صحابي بقي لقيت ان كل الزمايل اللي كنت بقول عليهم جنبي ولحد دلوقتى جنبي وبيدعموني كنت مفكره ان عمر مايبقى ليا أصحاب بس هما فعلا مبقوش صحاب هما بقوا اخوات مضيعش وقتك في الزعل ان ملكش صحاب لان ممكن الناس اللي كنت مفكرهم صحابك يطلعوا ازبل ناس والعكس اللي كنت مفكرهم زمايل يطلعوا اخوات فكر بس في نفسك وحاول تتعرف عليهم اكتر وخليك انت الشخص اللي كنت تتمنى انو يكون صاحبك فاهمني وقرب من اخواتك وصاحبهم لو عندك اخوات يعني لو معندكش قرب من أهلك وقرب من نفسك اكتر واتبسطي بحياتك بجد علشان هتندم وصدقني ربنا دايما بيختار الصح لينا بس احنا مبنفهمش وزي مقلتلك منضيعش وقت واشتغل على نفسك اكتر وربنا معاك ويوفقك
تم النشر الأحد، ٦ أبريل ٢٠٢٥
هو مبدئيا ليه متشتغلش جنب الجامعه، دا مش هيخلي عندك وقت فراغ وفي نفس الوقت هتكون بتزود من مهارات وتطور نفسك في مجالك أحسن حاجه هيفيدك جدا بعد التخرج وعلى فكره في الجامعه انه يكون صحابك اللى حواليك زمايل مش لازم قريبين بس أهم حاجه علاقتك تبقى كويسه مع الكل ولازم أساسي علاقتك بربنا رقم واحد صلاتك خلى ليك ورد يومى حتى لو كل يوم نص صفحه لكن هتفرق جدا جدا والاذكار وطلع صدقه وادعى كتير ربنا يصلح حالك يارب وحال جميع المسلمين بس حقيقي لو صلحت حالك مع ربنا حاجات كتير هتتيسر
تم النشر السبت، ٥ أبريل ٢٠٢٥
أفهم تمامًا مشاعرك، فمرحلة الجامعة يمكن أن تكون معقدة ومحملة بالتحديات. الفراغ والشعور بعدم وجود هدف هي مشاعر طبيعية يمر بها الكثير من الطلاب، خاصة في البداية. أولًا، عليك أن تتذكر أن البحث عن الذات واكتشاف الأهداف هي عملية تحتاج للوقت. قد يكون من المفيد التفكير في الأمور التي تهتم بها بجانب دراستك، مثل الانضمام إلى أنشطة طلابية أو مجموعات دراسية. هذه الأنشطة قد تساعدك في تكوين صداقات حقيقية وتوسيع دائرة معارفك. بالنسبة للصلاة، حاول أن تجعلها جزءًا من روتينك اليومي. الالتزام بالصلاة يعزز الشعور بالتواصل مع الله ويمنحك طاقة إيجابية. حتى إذا كان الأمر صعبًا في البداية، فالتدريج في العودة إلى الصلاة مهم جدًا. إذا كنت تشعر بصعوبة في المذاكرة، جرب تقسيم المواد إلى أجزاء أصغر وتحديد أوقات قصيرة للدراسة مع فترات راحة. يمكنك أيضًا التفكير في تقنيات دراسية مختلفة قد تساعدك في تحسين تركيزك. وأخيرًا، إذا استمرت مشاعرك بالعزلة أو الفشل، قد يكون من المفيد التحدث مع شخص تثق به، سواءً كان أحد أفراد عائلتك أو مستشارًا نفسيًا، للحصول على الدعم المناسب. تذكر أن كل بداية جديدة تحمل تحديات، وأن خطوات صغيرة نحو التغيير قد تؤدي إلى نتائج إيجابية على المدى الطويل.
تم النشر السبت، ٥ أبريل ٢٠٢٥
المشكلة الحقيقية في ترك الصلاة ما أقصد إن حياتك في الدنيا هتبقى أفضل أو لا هذا شيء تاني تسأل الله فيه من فضله لكن أقصد إن الدنيا كلها بطولها وعرضها لا تفيدك بقدر جناح بعوضه لو تركت الصلاة
تم النشر السبت، ٥ أبريل ٢٠٢٥
هدفك هو ان تكمل دراستك ، ومازال العمر امامك ستجد الاصدقاء المهم هو ان تركز على اهدافك وتخصصك وحياتك . والصلاة لاتنسى هي مفتاح لكل شيء
تم النشر الاثنين، ٧ أبريل ٢٠٢٥
حاول أن تقلل من استخدام الهاتف ان كنت تستعمله كتير و حاول ترجع للصلاة وادعي ربك يوفقك و يثبتك وعلم أن الأمر ليس سوى أمر وقت واخير كلامي هدا لن يغيرك ولن يجدي معك نفعا إن لم تكن لديك رغبة وإرادة
تم النشر الاثنين، ٧ أبريل ٢٠٢٥
لعرض السؤال في فدني اضغط هنا