شئ منطقي من جواكي تحسي انك فرحانه، لان في المثال اللي ذكرتيه وهو إن شخص مثلا كان في موقف ما معاكي بيتعامل بطريقة مش لطيفة، وبعد كدا شافك في وضع زي ما بتقولي " واخده وضعك ومركزك فيه" وكأن الموقف ده هو اللي أخد حقك، وحسسك بالانتصار. لكن السؤال المهم هنا، ليه بتحسي بالتوتر؟ خايفة ليتكرر نفس الموقف المحرج ده تاني، فتعبيرات جسمك بتعبر عن ده تلقائيا؟ طيب لو خايفة يبقى ايه الحل مثلا؟ جربتي انك تاخدي حقك بالادب وبالاسلوب الكويس أكيد، في نفس اللحظة اللي بيقوم فيها أي شخص بموقف محرج معاكي؟ لو مجربتيش تعملي ده، هيفضل احساس التوتر والخوف جواكي. اعملي حدود لأي شخص حواليكي، تلقائي جدا هتلاقي الكل التزم حدوده معاكي، وانتِ من جواكي نفسيتك هتتحسن، وثقتك في نفسك هترجعلك. احتمال كبير اول موقف تحاولي تعملي فيه كدا يكون صعب، ممكن تفضلي تحاولي كدا برده لعدة مرات، وممكن من أول مرة، لكن الأكيد أن الموضوع يستاهل، وانت تستاهلي تبقى احسن.
تم النشر الخميس، ٤ أغسطس ٢٠٢٢
في البدايه سؤالك جميل جدا وعجبني، الشخص ده باختصار انتي اللي مهتمه بوجوده ف حياتك او ممكن تكون عاوز منه اي حاجه زي اهتمام مثلا او خدمه حتي والحاله التانيه أن الشخص ممكن يكون نقيضك زي انو تفوق عليكي فنقطه معينه أو حتي بتتم مقارنتك بيه من خلال ناس تانيه او منك لنفسك، طب والحل، كلميني لو احتاجتي مساعده
تم النشر الاثنين، ٥ ديسمبر ٢٠٢٢
لانه للاسف اثر بموقفه عليكي .. انتي محتاجة بس تتصرفي على طبيعتك قدامه على قد ما تقدري وتفكري نفسك بوضعك وقدرك عشان تدي لنفسك ثقة هتلاقي التوتر هدي بالتدريج
تم النشر الاثنين، ٥ ديسمبر ٢٠٢٢
متخليش ثقتك فى نفسك تتهز بالعكس انتى بتقولى انك فى مكان وواخدك وضعك الوظيفى كويس فمرى فى الشغل وبس
تم النشر الاثنين، ٨ أغسطس ٢٠٢٢
لعرض السؤال في فدني اضغط هنا