هل يمكن للعرب في ظل الظروف الراهنة والتضييق عليهم في الرآي بالنسبة لقضاياهم المختلفة مثل غزة والاحتلال وغيره أن ينشئوا موقع او منصة تنافس مواقع التواصل الاجتماعي التي تستغلنا وتجعلنا عملاء عندها ..
علي الرغم من كثرة الأموال للعرب ولكن توجيه تلك الأموال تكون في الغالب في أمور ومواضيع تافهه لاتضيف لنا كعرب أو مسلمين شئ الا لتوافه وفسافس الأمور .. فهل يمكن أن يأتي يوم ونري ذلك
السلام عليكم ورحمه الله وبركاته. الحقيقه هو السؤال اللي احنا بنساله اكثر هل العرب عندهم استعداد ان هم يبدأوا يكونوا في مكان يجمعوا وهم بس يكون بيعبر عنهم هم اكثر من ان هم يبقوا يعني يشتغلوا زي الكوبي فقط لا غير من الخارج وتكون دي حاجه يعني هي دي اللي شايفين انها بترفع من شأننا ان احنا شبه بره هو ده السؤال يعني لانه لو على المنصات زي ما في اجابات كتير كده قالوا لك انه بالفعل في منصات موجوده وفي منصات للاسف رغم انها كانت موجوده ورغم حتى وقت المقاطعه كنا بنحاول ان احنا يعني نقول يا جماعه خلينا نروح على المنصات دي ونبدأ نكبرها وده هيكون من أكبر الضربات في مسألة المقاطعة لكن للأسف التوجه كان برضه للمعتاد وهنا خليني أقول لك إنه للأسف مسألة منطقة الراحة والسم اللي بيتحط في العسل في الحاجات اللي بنستهلكها هو اللي بيؤدي لكده احنا دلوقتي بيبدأوا يحطوا لنا تفاصيل التفاصيل دي بنبدا نعتاد عليها ونحس انه خلاص هي دي أفضل شيء فلما بنشوف المختلف، حتى لو المختلف ده افضل بس بنحس ان ولا رجعوني للي احنا اللي متعودين عليه خلاص احنا بقينا عارفين بيتجاب منين وبقينا بنعمله اوتوماتيك فيعني ليه نبدا نتعود على حاجه جديده الركون لمنطقه الراحه هو للاسف اللي بيخلينا ما نقدرش ناخذ الخطوه دي وحتى لو يعني خلاص عندنا الحماس قوي بنلاقي نفسنا مش لاقيين القوه كفايه اللي احنا نعمل بها ده فيعني احنا ندعي ربنا ربنا يبدل احوالنا الى احسن حال ولو حاليا حتى مفيش منصه عربيه فالافضل ان احنا نبدا ان احنا نخلص نفسنا من الاعتياد اللي حصل لنا في المنصات اللي احنا عايزين نبعد عنها عشان الموضوع يبقى اسهل أول ما يبقى فيه منصه عربيه نقدر نتوجه لها ونكون الموضوع اسهل ومنحسش بصعوبه.
تم النشر الخميس، ٢٠ مارس ٢٠٢٥
هو أكيد ممكن بس المشكلة في التمويل، المنصات دي بتبقى محتاجة سيرفرات قادرة تتحمل العدد الكبير من الزوار المفترض وجودهم عليها ومحتاجة برمجة وإدارة فالبتأكيد كل ده هيحتاج تمويل كبير. زي ما قلت للأسف أموال العرب متوجهة للتوافه، والأشخاص اللي بتهدم في مجتمعاتنا أكتر من اللي بيحاولوا يبنوا فكل محاولة بناء بتلاقي قصادها هدم وتثبيط وقتل لأي مشروع طامح راغب في تغيير واقعنا للأفضل. فيه كذا تطبيق تواصل اتعمل لكن أعتقد فيه منهم توقف وبعضهم كان محتاج تحسينات كتير عشان الناس تتقبله وتتعامل عليه فيه على ما أذكر (I top) مش عارفة هل ما زال شغال ولا قفل، و كان فيه تطبيق (Baaz) كان جميل بس كان محتاج تسويق وبعض التحسينات لجذب جمهور أكبر، رسالتهم وقت إغلاق التطبيق أعتقد بتلخص حالنا والأسباب اللي بتعوق الشباب الطموحيين عن إطلاق تطبيق منافس. تقريبا فيه منصات أخرى لكن بيظل قلة المستخدمين وقلة الدعم المادي مهدد لإغلاقهم في أي وقت.
تم النشر الخميس، ٢٠ مارس ٢٠٢٥
https://www.eldunya.com/
تم النشر الخميس، ٢٠ مارس ٢٠٢٥
بالتأكيد، من الممكن إنشاء منصة تواصل اجتماعي خاصة بالعرب تتبنى قضاياهم وتحترم قيمهم وتوجهاتهم. إن الحاجة إلى منصات تعبر عن وجهات نظرنا وتكون بديلة عن المنصات الأخرى التي قد تستغلنا أمرٌ ضروري ومهم. يمكن للأفراد والشركات العربية أن يستثمروا في تطوير هذه المنصات، خاصة أن هناك الكثير من الكفاءات والخبرات الفنية والإبداعية في العالم العربي. من المهم أن تُوجه الأموال والموارد نحو تحقيق هذا الهدف، وذلك من خلال التوعية وخلق بيئة تجذب الاستثمار في المشاريع التقنية التي تخدم المجتمع. كما يمكن تعزيز التعاون بين المطورين والمستثمرين من خلال إنشاء مجتمعات تعمل على تبادل الأفكار وتطويرها. علاوة على ذلك، سيكون من الضروري التركيز على بناء مجتمع يقدر القيم والمبادئ الإسلامية، ويعبر عن قضايا الشعوب العربية بموضوعية وصدق. يمكن أن يكون هذا حلاً فعّالاً لتجاوز التضييق الذي نعاني منه في القضايا الحساسة. إذن، بفضل الإرادة الجماعية والدعم المالي والمعنوي، يمكن أن يولد هذا النوع من المنصات في المستقبل القريب. علينا أن نعرف أن كل رحلة تبدأ بخطوة، لذا دعونا نبادر بالخطوات الصغيرة نحو تحقيق هذا الهدف.
تم النشر الثلاثاء، ١٨ مارس ٢٠٢٥
العرب فقدوا عزتهم يوم تفريطهم فى دينهم ، وتعود عزتهم ونصرهم يوم ينصروا الله ويعودوا لدينهم .. وأقصد بالعودة للدين اى تطبيق ما أمر الله وما شرعه وتجنب ما نهى الله عنه .. فهى ليست قضية أموال فنحن لا ينقصنا شىء الا ما ذكرته آنفاً ..
تم النشر الأربعاء، ١٩ مارس ٢٠٢٥
في مواقع كتير تبع العرب فعلا ولكن للأسف مش مشهوره زي ثريد اللي شايفه إنه منافس لx
تم النشر الخميس، ٢٠ مارس ٢٠٢٥
بالفعل في منصة اسمها "الدنيا" ، ولكن مش عليها تفاعل كفاية لان مش عليها عدد كافي ومش منتشرة اوي ، محتاجة تمويل ودعاية كبيرة
تم النشر الخميس، ٢٠ مارس ٢٠٢٥
طبعا وغير كده عندك شباب كتير جدا شغوفة بالفكرة دي لكن مش لاقيين دعم مادي يساعدهم في تكملة حلمهم ولكن لو فيه دعم صدقني انت هتشوف منصات اقوي من فيسبوك وغيرها بمراحل
تم النشر الخميس، ٢٠ مارس ٢٠٢٥
اكيد وخصوصا أن في بعض الشباب فعليا بدءوا يعملو كدا ولكن التمويل ضعيف ف تطبيقاتهم مش معروفة غير علي بعض الناس وفئة محدودة جدا يعنى اظن أن نقصهم شوية تطوير ف التطبيق و وتمويل واظن فعلا الفترة الجاية دا هيحصل أنا حاليا مش متذكرة اسم التطبيق ولكنه موجود ع جوجل بلاي تقريبا
تم النشر الأربعاء، ١٩ مارس ٢٠٢٥
https://qabilah.com
تم النشر الخميس، ٢٠ مارس ٢٠٢٥
فكره حلوه بس ملهاش دعوه اللي عايز يكون كويس هيبقا كويس مهما كانت الظروف واللي عايز يكون وحش هيبقا وحش ومع احترامي حتى لو كان قدام الكعبه الشريفه مسأله اختيار الفرد هو عايز ايه وبالتوفيق للجميع
تم النشر الخميس، ٢٠ مارس ٢٠٢٥
لعرض السؤال في فدني اضغط هنا