السلام عليكم ورحمة الله وبركاته
انا بحس اني بخس بسرعة موت انا ساعات ابص في المرايا ألاقي خدود في وشي و الدنيا زي الفل لو قعدت يوم واحد بس مكلتش كويس او كلت مثلا سندوتش جبنة بس ابص في المرايا احس اني خسيت اتنين تلاته كيلو و ان وشي اللي كان فيه خدود الصبح دلوقتي رفيع و خاسس حتى لما بآجي أوزن احنا عندنا ميزان في البيت يعني بوزن كل يوم تقريبا بحس إن لو في يوم مكلتش كويس و اجي اوزن بلاقيني نقصت كيلو و لو قعدت كلت كويس يومين ورا بعض الاقيني زدت كيلو و نص و خسيتهم تاني مع اني مش بعاني من اي امراض و مش بعمل مجهود كبير و لا رياضة و لا اي حاجه وانا عاوزة اتخن
السلام عليكم، أنا شايفة إن الموضوع نفسي أكتر من كون إن فيه مشكلة صحية بتعاني منها... تقريبا خوفك من النحافة عمل لك نوع من الوسواس من ناحية الوزن. مفيش نزول سريع بالشكل ده... يعني مش كل نص ساعة هتبصي في المرايا تلاقي نفسك نزلتِ ولا حتى لو وزنتِ نفسك كل يوم. الميزان أصلا بيفرق خلال اليوم وبيتأثر بالأكل والشرب والدورة الشهرية ولو وزنتِ نفسك أول ما تصحي من النوم وبعدين خلال اليوم بعد الأكل والشرب طبيعي هتلاقي فرق. فالميزان مش مقياس. وعامة لو هتتابعي وزنك فيُفضل كل أسبوع وفي موعد ثابت. ممكن يفيدك المقال ده عن قياس الوزن وامتى أفضل وقت توزني نفسك فيه https://www.webteb.com/articles/افضل-وقت-لقياس-الوزن_23200 ** اهتمي بأكلك ومارسي رياضة، الرياضة هتوزع الدهون في جسمك كويس وهتحسن نفسيتك وتساعدك في إنك تكوني مرنة ومتكونش زيادة وزن على الفاضي. إذا الموضوع قالقك جدًا ممكن تبقي تتابعي مع طبيب لكن إن شاء الله مفيش مشكلة.
تم النشر السبت، ٢٥ يناير ٢٠٢٥
روحي اكشفي او اعملي تحليل ممكن عندك حاجه بتخلي الحرق عندك زياده وحاولي تمشي على نظام غذائي عملي نظام الاكل على عدد مرات وبين كل وجبة وجبه وجبه خفيفه ابحثي عن الأكلات او المشروبات اللي بتزيد الوزن واهم حاجه عملي تحاليل يكمن عندك نقص حاجه في جسم وانت مش عندك علم مش شرط بتشتكي من حاجه ممكن يبقى عندك حاجه وانت مش عارفه
تم النشر السبت، ٢٥ يناير ٢٠٢٥
وع بصي خليني اقول لك على حاجه مهمه جدا اولا لما بتلاقي انه كان في خدود والخدود نزلت هو مش شرط يكون حسان قد ما هو ممكن يكون بسبب المجهود يعني ممكن يبقى علامه ارهاق لو انت نمتي كويس بتشربي ميه كويس هتلاقي وشك شكله احسن وخدودي شكلها احسن لو قللتي في الميه او ما شربتيش ميه كويس وما نمتيش كويس هتقومي تلاقيه وشك ااا بقى شكله كانه خاسس لانه بس بيبقى مرهق فده مش شرط يكون خسسان طيب متابعتك لوزنك بالشكل اللي هو بس مجرد الوزن على الميزان مش مش علامه لان انا كده زدت او قليت ليه لانه نص كيلو والحاجات دي ده ممكن يكون كميه المايه بتنقص من الجسم او بتزيد لاسباب كثيره مختلفه يعني ممكن تاكلي حاجات مملحه زياده يكون في ميه اكثر في الجسم فتوزني تلاقيه في وزن زياده. تبدئي الميه تخرج من جسمك فتلاقي الوزن ده اقل وهكذا لو انت عاوزه تخلي جسمك متناسق وكويس وزنك كويس محافظه عليه اهم حاجه انك تحافظي على اكلك ان هو يكون اكل صحي ومتوازن يعني ما تسيبيش نفسك فتره طويله قوي من غير اكل ولا تيجي في وقت تاكلي اكله دسمه مره واحده يعني خلي لكيه نظام اكل متوازن هو ده اللي هيساعدك افضل حاجه يعني ولو عاوزه تتابعي وزنك فتابعيه بال الميزان اللي بيوضح التفاصيل اللي هو بيقول في قد ايه عضلات وفي قد ايه دهون وفيه قد ايه ميه لانه هو ده تقدري بيه تحددي اكثر هل انت كده محافظه على وزنك ولا انهي نقطه اللي بتتاثر من يوم للتاني او من اسبوع للثاني برده بطبيعه الوزن كل يوم كل يومليكم السلام ورحمه الله وبركاته.
تم النشر الجمعة، ٢٤ يناير ٢٠٢٥
وعليكم السلام ورحمة الله وبركاته. أختي الكريمة، إن شعورك بنقصان الوزن بشكل سريع قد يثير بعض القلق، وأفهم تمامًا كيف يمكن أن يؤثر ذلك على ثقتك بنفسك وصورتك الذاتية. من الطبيعي أن يختلف الوزن من يوم لآخر حسب النظام الغذائي والممارسات اليومية، ولكن إذا كنت تعانين من نقص حاد في الوزن وتبحثين عن طرق لزيادة الوزن بشكل صحي، فإليك بعض النصائح: زيادة عدد الوجبات : حاولي تناول خمس إلى ست وجبات صغيرة خلال اليوم بدلاً من ثلاث وجبات كبيرة. هذا سيساعدك في زيادة السعرات الحرارية بشكل تدريجي. اختيار الأطعمة الغنية بالسعرات : ركزي على تناول الأطعمة الغنية بالسعرات الحرارية مثل المكسرات، والأفوكادو، وزيوت الطهي الصحية، والحليب الكامل الدسم، والكاربوهايدرات الكاملة. تناول البروتين : احرصي على تناول مصادر جيدة للبروتين مثل اللحوم، والأسماك، والبيض، والبقوليات، فالبروتين ضروري لبناء العضلات وزيادة الوزن بشكل صحي. شرب السوائل بعد الأكل : تجنبي شرب السوائل قبل تناول الوجبات حتى لا تشعري بالشبع بسرعة. استشارة طبيب : نظرًا لأنك تشعرين بقلق حيال فقدان الوزن، قد يكون من الأفضل مراجعة طبيب مختص أو أخصائي تغذية للتأكد من عدم وجود مشاكل صحية أساسية. تذكري، الهدف هو زيادة وزنك بشكل صحي وآمن. اختاري الأطعمة المغذية وتجنبي الأطعمة غير الصحية. وفقك الله في تحقيق ما تسعين إليه، وعيشي حياتك بصحة وسعادة. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الجمعة، ٢٤ يناير ٢٠٢٥
السلام عليكم.. اذكر مره عندما ذهبت لعمل جديد كان ليلا وانا لا استطيع السهر كنت آأتي الصبح انظر في مرآتي اجد خدي اصبح مجعدا وبشرتي تدهورت وكنت حزين جدا واصابها الجفاف. هذه وساوس تصيب الإنسان ممكن لانه مركز في شكله اكتر او الشيطان يريد يحزنه حتي يضعفه ويوقعه في ذنب. ليس منطقي مايحدث وتحدثي بشكل عقلاني اكثر وسوف تظهر كل الأمور علي حقيقتها.
تم النشر السبت، ٢٥ يناير ٢٠٢٥
لعرض السؤال في فدني اضغط هنا