انا بنت عندي 16 سنه من وانا صغيره كنت شاطره جدا جدا ف دراستي ودايما بطلع من الاوائل ودايما عندي ثقه ف نفسي واني اقدر اعمل اي حاجه مستحيله وكان الكل بياخدني مثال للادب والاخلاق والشطاره و الجمال وكل حاجه فيا كانت مظبوطه المهم فضلت كدا لحد لما دخلت الاعدادي كان عندي صحااب كتير وانا ف ابتدائي كان عندي مشاكل مع بنت عمي كانت بتغير مني وكانت بتضربني وكانت بتشدني من شعري جامد عشان تقطعه وكانت بتعمل حاجات كتيره وحشه بس انا عمري ما كرهتها وكانت فاشله جدا بس عمري ما عايرتها ولا حتى كرهتها ونقلت مدرسه تانيه عشانها وبقيت ف مدرستي التانيه دي محبوبه برضو من كل الناس بصراحه كان عندي ثقه ف نفسي تهد جبال بمعني الكلمه كل دا اتغير وحياتي اتشقلبت 180 درجه انا لما دخلت الاعدادي كان مستوايا عادي كنت شاطره اوقات واوقات بس كنت شاطره لحد ف بقيت ف تانيه اعدادي نهايه الترم التاني ونهايه الامتحانات يعتبر داخله تالته اعدادي اتعرفت علي بنت واتصاحبت عليها غيرلتي حياتي للاوحش 180 درجه عرفتني علي كل حاجه وحشه واوحشهم الارتباط وسكه الولاد كان معاها الاكونت بتاعي بتكلم من عليه ولاد علي اساس ان دي انا ودا اللي دخلني ف مشاكل وحصل ليا كميه مشاكل الفتره دي وكان كله عارفني وبيتكلمو عني والولاد تفبرك اسكرينات ليا وتعمل شاتات غلط وحاجات كتيره وكان كله عايز يكلمني حرفياا المهم كنت مبنامش من العياط وكنت فاكره ان دي اسوء فتره ف حياتي بس الفتره دي عدت واتعودت علي كدا كنت بسمع كلام عني لاول مره بسمعه ف حياتي مكنتش لسه عارفه ان سبب كل دا صاحبتي منها لله مش هسامحها ابدا طول حياتي المهم في ولد من ضمن الولاد دي كان عايز يتعرف عليا انا كنت رافضه بس بعتلي ريكويست علي انستجرام فضل حوالي اسبوع لحد لما قبلته بسبب صحبتي دي برضو المهم الولد دا كلمني واتكلمنا حسيته مختلف عن الكل ونضيف وابن ناس ودماغه زيي و نفس استايل لبسي ونفس تفكيري وذوقي الموسيقي وكل حاجه حسيت ان ربنا بيعوضني ب الشخص دا كان ف الاول مدلوق ب طريقه غريبه وكان مهتم بيا وبيقول ليا كلام حلو وانا كنت اول مره اسمع الكلام دا من حد واكون حباه كدا وحاسه ب احساس غريبه يعني مش زي ما اي حد بيقول ليا انتي حلوه او او لا لا لما هو كان يقول ليا حاجه كنت احس اني اجمل واحده ف الدنيا واني اسعد انسانه ف الدنيا كلها حرفيا المهم قعدنا فتره مش كبيره وهو قال ليا بحبك قعدت زي يومين وقولتله وانا كمان بصراحه انا مكنتش بحبه انا كنت معجبه بس ب كل حاجه مشتركه بينا كنت كرفاله مش ب مزاجي لا انا اصلا مكنتش مهتمه ليه ولا ل وجوده ف حياتي كان عادي حصل اول مشكله بينا وعمل ليا بلوك عشان قريبي عرف وراح كلمه وكدا وقريبي دا اصلا كان عايز يكلمني بس انا رفضته واختارت الشخص اللي كلمته دا المهم اول مشكله حصلت بينا عمل ليا بلوك كنت مستغربه بصراحه لان انا مكنتش عملت حاجه يعني بس دخل ليا صاحبه وخلاه يكلمني عشان يعرفني اللي حصل وكدا وانا قولتله متخافش و خليت قريبي يبعد عني وعنه وكدا واتكلمنا تاني المهم بدء اهتمامه بيا يزيد يوم بعد يوم وكلامه الحلو يزيد وكل حاجه بيعملها كان بيضاعفها اليوم اللي بعده لحد لما خلاني حبيته حب لدرجه كبيره لدرجه اني كان ممكن ابيع نفسي واهلي وكل حياتي عشانه بس المهم لما ضمن وجودي بقيت انا الطرف اللي بيدي بس ومش بياخد حاجه بقيت انا الطرف اللي بيتأذي بعد لما ضمن وجودي ف حياته بدء يظهر ع حقيقه ويكلم بنات وانا اعرف منهم ولما اواجهه يقول ليا محصلش او يحط مبرر اهبل المشكله كنت بصدق كل كلمه بيقولها ليا عشان كنت واثقه فيه اكتر ما بثق ف نفسي المهم كان بيفضل يقول ليا ازاي واحده قمر زيك تحبني انا كل الحب دا كنت بفضل اقوله ميقللش من نفسه وانه حلو واديله ثقه ف نفسه لحد لما شاف نفسه عليا المهم كان بيحاول يأذيني ب كل الطرق يكلم صحابي البنات وانا معاه يعمل اللي بيدايقني ميهتمش ليا يتجاهلني معتش يسمعني ولا عايز يحل مشاكلي ولا اي حاجه وانا كنت بحط مببررات لكل دا وكنت بصرف عليه وكل لما اجيبله حاجه طريقه تتغير للاحسن يومين او يوم ويرجع تاني وحش انا حاولت معاه وجيت علي كرامتي بشكل مبالغ فيه لدرجه اني صعبت علي كل صحابه وعلي دفعتي كلها وعلي كله المهم اتصاحبت علي بنت ملتزمه شويه ف لبسها بس كانت مرتبطه وبتقابل كمان وبخليه يلمس جسمها ويمسك ايديها وانا كان عمري ما عملت كدا البنت دي كانت صحبتي وانا مصاحبه البنت الاولي اللي حكيت عنها ف الاول المهم اتصاحبت عليها وحبيتهت لقيته بيقارني دايما بيها فضلت استحمل كلامه برضو وكنت بعتذر حتي لو مش انا اللي غلطانه المهم البنت دي عرفت من الولد اللي هي بتكلمه ان صاحبتي الاولي اللي حكيت عنها ف الاول دي راحت قالت للولد اللي هي بتكلمه اني وحشه وميكب وهيا بتصرف عليا وكلام مؤذي جدا بصراحه المهم مكنتش قادره اواجهه صحبتي ب اللي عرفته لحد وكنت بتعامل معاها عادي وبحاول انسي لحد لما عرفت ف يوم ان الموضوع بدء يزيد عن حده المهم قطعت كلام معاها وصاحبتي المتدينه دي برضو قطعت كلام معاها عشان طلعت مش بتحبني وكنت مصاحبه بنت من 4 ابتدائي لحد 2 اعدادي وباعتني يعني كله باعني وكل اللي حبيتهم باعوني وخذلوني الولد اللي حبيته دا خلاني افقد ثقتي ف نفسي واهلي وشكلي وكل حاجه واسلوبي مع اهلي بقا وحش جدا جدا وبقيت بقعد دايما لوحدي وبفكر وبقول هل انا وحشه؟؟ طيب ما كدا يبقي العيب فيا انا ما الكل بعد يبقي العيب فيا انا لحد لما تعبت جامد بجد وكنت طول اليوم بنام مع ضغط من اهلي عشان اذاكر وكل دا المهم اني ف الاخر جبت مجموع وحش ف اعدادي ودخلت خدمات وبنت عمي جابت مجموع احسن مني وماما كانت بتعايرني بيها دايما بس مكانتش ف دماغي والله مكنتش بحط ف دماغي اي حاجه من دي المهم دخلت اولي ثانوي وكنت ف الاول كويسه بس الولد ظهر ف حياتي تاني وفكرني بيه لحد لما خلاني ارجع تاني ورجعت واتعلقت وحبيته اكتر بس ف المره دي كانت اكتر مره هو بيأذيني فيها بجد لحد لما سبته ولاول مره ف حياتي كنت اخد خطوه توجعني بس حسيت اني قرفت كدا وقولت هشوفه هيحاول عشاني ولا لا عملت نفسي اني عملتله بلوك عشان اشوفه هيكلمني ولا لا ومكنتش ببعتله علي اي حاجه بس قبل ما اسيبه جبتله هديه عيد ميلاده و ب المره كنت اصالحه عشان كان زعلان مني عشان زعلته المهم بعدنا والمره دي مكنتش موجوعه من جوايا زي كل مره بس فقدت الثقه ف كل الناس ومكانش عندي استعداد ادخل حد تاني حياتي لحد لما كان ف ولد بصراحه كنت معجبه بيه بس عادي مكانش ف دماغي بس هو كان بيحبني المهم اتكلمنا كتير واتكلمنا فضلنا نتكلم كتير اوي وعملنا بلوكات ل بعض بسبب مشاكل عندي انا وكل مره كنا بنرجع نتكلم تاني عادي المهم حبينا بعض وهو حبني اكتر وكان دايما بيحاول يعوضني ويخليني اثق فيه وقبل اي حاجه اثق ف نفسي واحب نفسي بصراحه عمل معايا كل حاجه حلوه وانا حبيته لدرجه كبيره حبيته اكتر ما حبيت الشخص الاول اللي كان ف حياتي حبيته بجد عشان كان بيتمنالي الرضا ارضا حرفيا حسيت معاه ب الامان والدفي وطعم الحب الحقيقي بس غلطت اكتر من مره كانت كل الغلطات عباره عن اني مش بسمع كلامه بس ف مره غلطت واتكلمت مع واحده صحبتي عليه ب طريقه وحشه قولت اني عايزه اخلع منه عشان ساعتها معنديش ثقه ف حد ومكنتش حبيته وكنا صحاب وكنا ف بدايه علاقتنا اصلا ك صحاب هو لما عرف وشاف الكلام لما كان معاه الاكونت بتاعي زعل وبعد عني فتره بعدنا 6 ايام وانا اللي كنت بحاول عشانه وخليت صحبتي تكلمه وبجد الفتره دي حاولت معاه كتير ولما رجعنا لبعض تاني فضلت استحمل كلامه ليا وكنت بكون زعلانه بس كنت بقول من حقه وكل دا وفضلت اعتزر كتييييير اوي اوي اوي اوي اوي اوي وكان كل مره نتخانق فيها يقول ليا انه جه علي كرامته عشاني بس بجد انا بحبه واتعلقت بيه وهو بيحبني بس مش معايا زي الاول خالص واتغير مش قادره استحمل كلامه ليا وقت الخناق معتش عارفه اعمل اي اتعلقت بيه انا لما بحب حد بتعلق بيه تعلق مرضي ومبكونش عايزه غيره بجد وانا فعلا مش عايزه غيره بس مش عارفه اعمل اي هو هل انا استاهل اتعامل وحش من الناس اللي دخلو حياتي؟؟! هو انا بجد وحشه!؟ انا تعبانه من جوايا اخدت مهدئات ومنومات وجربت انتحر كتييييير اوي اوي اوي اوي عملت كاتينج واخدت سم وادويه كتيره عشان محتاجه ارتاح ومحتاجه اعرف هل انا وحشه؟؟؟
أنا عن نفسي شيقاكي إنسانة قوية الي حتى الآن قادرة توقفي وتحكي عن الي صار معك و بتحاولي تغيري نفسك برأي اقطعي علاقتك مع كل هاي الناس وقوي صلتك بربك وحاولي تشغلي وقتك عشان ما تفكريش فيهم مثلا إقرأي كتاب أو إتعلمي شغلة بتحليلها مارسي الرياضة وركزي على صحتك ومذاكراك وإنك تكوري نفسك وصدقيني إنتي مش وحشة بس الناس الي فحياتك بتستمع وهي بتأذيكي فابعدي عنهم وهاد الطريق مظلم ونهايتوا مش خير حاولي تقعدي مع نفسك إفهمي نفسك وفكري ليه كل هاد صار شو السبب الأول هل قلة إهتمام من عيلتك خلاكي محتاجة عواطف من الناس أم في أسباب ثانية إنتي أكيد لما تفكري وتقعدي مع نفسك حتلاقي الجواب وبتمنالك أنو تقدري توقفي ثاني وتتغير وترجعي مثل ما كنتي وأحسن من صحة وجمال وثقافة ودين وعلم وأكيد لو صبيتي كل الطاقة الي ضيعتها بعلاقات توكسيك بحاجة مفيدة حتى إنسان مميز ومختلف عن الي حوليه وبتمنالك التوفيق أي مساعدة مجتمع فدني دائما موجود 🦋🥀
تم النشر الخميس، ١٨ يوليو ٢٠٢٤
المفروض بعد كل اللي حصل دا تبعدي عن اي شخص يحاول ياذيكي وسيب الفون وارتاحي شويه وارجعي لربك وقربي من ربنا وان شاء الله مش هيخذلك. واهم حاجه كرامتك ومتجيش ع نفسك مقابل حب حد حتي لو اغلي الناس ليكي اهم حاجه حالتك النفسيه وانت ما شاء الله كنت شاطره وواثقه بنفسك ومش كل شويه تجلدي ف ذاتك وتقول انا وحشه وكدا طووول مانت بتقول كدا عقلك الاواعي هيثبت الفكره دي وخلاص كدا كل شويه هتقولي ع نفسك كدا وزي مقولت لحضرتك انت قولت انا كنت شاطره جدا وواثقه ف نفسي فانتي بقا ارجعي للي كنت عليه اكيد مش هتيجي مره واحده بس لو حاولت هتوصلي وانت قدها وواثق ف ربنا ثم فيكي ونصيحه مني بلاش تمشي ورا كلام الناس لو مشيتس وراه هتروحي ف ستين داهيه اهم حاجه اعملي اللي يتحبيه واعملي كل اللي نفسك فيه بس ميكونش حرام وفكك من موضوع الولاد دا غير انو حرام كفايه بتعصي ربنا عشان وانو كمان بيدمرك حرفيا كل مره اكتر من اللي قبلها. وبرضو قربي من اهلك واقعدي معاهم وانسي الفون خالص وامسحي ارقامهم كلهم واي حاجه تفكرك بيهم امسحي اكونتات السوشيال كلها ولو عايزه تعملي غيرها اعملي واتعلمي بقا مش اي حد يبقي صحبك واختار صحبتك اللي تعينك ع دينك واديكي جريتي وكلهم خذلوكي وقربي من ربنا جامد وواظبطي ع الصلاه وورد القران واسال الله لكي الهدايه والثبات
تم النشر الخميس، ١٨ يوليو ٢٠٢٤
سوف أسألك سؤالًا: لو أن طفلًا صغيرًا معكِ أراد وضع يده في قابس الكهرباء أو أراد اللعب بالسكينة أو إمساك إناء ساخن، هل ستتركيه؟ طيب لو بكى وصرخ وغضب منكِ لأنك من وجهة نظره القاصرة فأنت تحرميه، هل ستطاوعيه فيما يريد؟ بلا شك لن تفعلي، طيب لماذا؟ لأنه لا يعرف مصلحته، ولا يرى الأمور على حقيقتها. طيب الصواب هنا أن تبعديه تمامًا عن مصدر الأذى، وإذا فعلتِ ذلك فهذا معناه أنك تحبينه وتحاولين حمايته. ولله المثل الأعلى، ربك خالقك ومولاك يغار على قلبك، فيبعد عنك من هم مصدر الأذى لك، وسيأتي اليوم الذي تسجدي لله شاكرة على ذلك. ابتعدي عن هذا الطريق المظلم وانتبهي لدراستك وعظمي قدر نظر الله إليك ولا تخوني ثقة أهلك.
تم النشر الأربعاء، ١٧ يوليو ٢٠٢٤
اولاً حبيبتي، خليني أقولك إن اللي انتي مريتي بيه مش سهل، وانت قوية عشان لسة واقفة وبتحاولي تفهمي نفسك. الأهم في الحكاية دي كلها إننا نفكر ازاي نتخطى الصعوبات ونبدأ نحب نفسنا تاني. سيبي الماضي: حاولي تنسي كل اللي فات. الناس اللي أذوك مش يستاهلوا جزء من وقتك أو تفكيرك. لازم تركزي على نفسك دلوقتي. اهتمي بنفسك: ركزي على حاجات بتحبيها وبتفرحك. لو في هواية معينة زي الرسم، الرياضة، أو القراءة، حاولي تديها وقت أكتر. العلاقات السامة: الولد اللي بيعاملك وحش مش يستاهلك. العلاقة اللي بتأذيكي وتخليكي تحسي بالضيق مش علاقة صحية. أنتي تستحقي حد يحبك ويقدرك بجد. الثقة بالنفس: اعملي كل يوم حاجة صغيرة تعزز ثقتك بنفسك. ممكن تبدأي بكتابة ثلاث حاجات حلوة عن نفسك كل يوم. الصديقات: خلي لكي دايرة أصدقاء صغيرة وباختيار دقيق، ناس بتحبيهم وبيحبوكي بجد، ويرفعوا من معنوياتك. استعيني بمتخصص: مش غلط تلجئي لمعالج نفسي أو مدرب حياة عشان يساعدك تتخطى اللي انتي فيه. هم متخصصين وعارفين إزاي يساعدوكي. وأخيرًا، حاولي دايمًا تفتكري إنك مش وحشة، الظروف الصعبة بتمر على الكل، والأهم إزاي بنواجهها ونكبر منها. انتي أقوى وأجمل مما تتخيلي ❤️.
تم النشر الأربعاء، ١٧ يوليو ٢٠٢٤
لعرض السؤال في فدني اضغط هنا