انا بقه قصتي ذي قصة الافلام بظبط انا بحب بنت في بين اهالينا خلافات كبيره جدا لدرجة أن احنا مش بتكلم بعض لي سنين للعلم احنا جيران وهي بتحبني جدا وانا كذالك بس اهالينا واقفين لينا قولت لي ولدي اني بحبها وعايز اتجوزها من الاخر كده ضربني لما قولته كده وقالي ملقتش الا دي و لو شفتك بتكلم البت دي تاني مش هتقعد في البيت فضلت في صراع انا وهو فتره كده لحد ما ام البنت جتلي في يوم وقالت لو ابعد عن بنتي احسن لك بتهددني يعني بس انا قولتلها انا بحبها و عايزها في الحلال قالت لو بتحبها ابعد عنها بعد كده البنت جتلي في يوم مضروبه من اخوها قولتلها مين عامل فيكي كده قالت اخويا سمعني وانا بقول لي ماما اني بحبك وبقنعه بيك فضربني انا لما سمعت كده مكنتش شايف قدامي للاسف ضربتو والأمور اتعقدت عن الاول انا مش عارف اعمل اي دلوقتي
ابشع جريمه بيرتكبها الاهالي في حق ولادهم والنتيجه بيتجوزوا الطرفين ناس تانيه وبيكون زواجهم فاشل نصيحتي اصبر اصبر ولعل بعد الصبر جبر وصلي وادعي لربنا في قيام الليل باالحاح وقادر علي كل شيء يقول للشيء كن فيكون
تم النشر الأربعاء، ١٥ نوفمبر ٢٠٢٣
انا شايفه انك تصلي صلة الاستخارة وال هقدره الله لك افعله
تم النشر الثلاثاء، ١٤ نوفمبر ٢٠٢٣
في المشاكل النفسية الكثير من المشاكل ليس لها حل لأنها بتكون متعلقة بالبيئة والأشخاص حوالينا، واحنا مش هنعرف نغير البيئة ولا بعض الأشخاص حوالينا. - نيجي للسؤال التالي هل الحب هو سبب نجاح الحياة الزوجية، الواقع والتجارب بيقولوا لا ، لان في كتير متجوزين عن حب وبيطلقوا بعد شهرين او تلاتة. - هل الحب والجواز هيكون سبب في حل المشاكل بين العائلتين ، دي على حسب المشاكل الموجودة. - فالوضع في هذه المشكلة ان حضرتك تقعد مع والدك وتفهم سبب المشاكل وتحاول تلاقيلها حل بعيدا بقى عن الزواج والحب، لان دي النقطة الاساسية، ولو المشاكل اتحلت يبقى الحمد لله، لو المشاكل متحلتش يبقى النصيحة انك متضرش بنت في سمعتها وتعلقها في علاقة مرفوضة تماما، لان حتى لو فكرة الهروب مطروحة فده ضرر للبنت ولاولادها من بعدها، فانكار واقع المجتمع ليس من الحكمة.
تم النشر الخميس، ١٦ نوفمبر ٢٠٢٣
بتحب بنت جارتكم واهلك مش موافقين واهلها مش موافقين طيب تعال نرسم صوره كده ونشوف احنا نحل الموضوع ده ازاي اوكي هنيجي على الاهل دول ودول واروح اخد البنت دي واخطفها واتجوزها وهم بقى يخبطوا دماغهم في الحيطه زي ما بنقول طيب وبعدين ايه اللي هيحصل هل انا مستعد لخطوه زي دي هل هي مستعده لخطوه زي كده طيب احنا نفكر برضو مع بعض زي ما بنقول بصوت عالي احنا مستعدين لايه وكمل التضحيات اللي انا وهي نقدر نعديها قد ايه انا اقدر اضحي بقد ايه وهي تقدر تضحي بقد ايه؟هتقدر تضحي باهلها طيب انا هقدر اضحي باهلي طب لو احنا اتجوزنا هيحصل ايه بعد الجواز طب نقدر نعتمد على نفسنا وناخد بعضنا ونبدا حياه جديده وبعد كده نشوف الدنيا هتبقى فيها ايه ولا مش هينفع.همم الحياه بتقول وتجارب الحياه بتقول ان القصص اللي زي كده دي ما بتنفعش وبتفشل.ان احنا الاهل مرتبطين بهم.الصح ان احنا نفكر كويس في الموضوع وان احنا نفكر ان الشخص ده مش موجود انا هعمل ايه لو الشخص ده مش موجود انا اعمل ايه هل هموت مفيش حد بيموت عشان حد لكن هي ممكن تقدر تشوف حياتك في مكان تاني وانت تقدر تشوف حياتك في مكان تاني.وتبداوا طريق جديد وانتم علاقتكم ببعض كويسه ان انتم بتتمنوا لبعض الخير.الواقع بيقول كده لكن في ناس بتكسر الواقع ده اه في ناس بتكسر الواقع ده بس بيكون عندها استعداد للتضحيات وحمل مسؤوليه او تحمل مسؤوليه زي كده ان انت هتكون اهلها.
تم النشر الأربعاء، ١٥ نوفمبر ٢٠٢٣
الافضل دلوقتي تبعد عنها عشان تعرف تحل وفي نفس الوقت لا انت تتأذي ولا هي من اهاليكم واعرف ايه السبب الرفض ده وحاول تصلحه هو مش سهل تصلح وتعرف بس علشان لو انت بتحبها بجد يبقي لازم تتعب
تم النشر الثلاثاء، ١٤ نوفمبر ٢٠٢٣
انسب حل للمشكله دي انك تصالح العيلتين على بعض اصلا لو متصالحوش ازاي هتتجوز بنتهم بس لما تيجي تحل الخلاف ميكنش علشان عايز تتجوز لا علشان مافيش داعي اتنين جيران ساكنين ف وش بعض يتخاصموا اكاد اجزم ان الخلاف دا كبر بسبب سوء تفاهم مهما مر عليه سنين مش هيتحل غير لما يقعدوا مع بعض وضعك هيبقي صعب لو مش متفاهمين بس خلى النيه عندك انك هتصالح اتنين عل بعض وباذن الله ربنا هيكون ف عونك وبعدين ف الاخر لما يتصافوا تفتح موضوع الجواز
تم النشر الثلاثاء، ١٤ نوفمبر ٢٠٢٣
من وجهة نظري انك تصلي استخاره وتدعي ربنا يهديك الي ما فيه الخير لك دنيا واخره ولو بعد صلاة الاستخاره لقيت اشاره أو في هدايه في قلبك انك تفضل متمسك بالبنت دي ف اعمل كدا وربنا اكيد هيجمعك بيها لو الأمر دا في خير ليك أما لو لقيت العكس ف ابعد عنها وانساها وادعي ربنا يرزقك ب وحده صالحه تقيه واعلم أن بعد ما تستخير ربنا في الأمر اي كان الطريق الي هتاخده ف دا هيكون الاحسن ليك وليها
تم النشر الثلاثاء، ١٤ نوفمبر ٢٠٢٣
لعرض السؤال في فدني اضغط هنا