انا بحب شخص ف الاول مكنتش بحبه وهو كان بيحبني كنت بس بفليرت عليه مجرد اعجاب بس بس هو كان بيحبني اوڤر حصل مشاكل كتير وبعدنا اكتر من مره لاسباب كتيره وكانت ف مره بعدت عشان كنت بحب شخص تاني وهو كان رافضني تماما بس كان عامل انه بيحبني الشخص التاني دا هو الاكس واول حب في حياتي وكان ف الاول بيحبني بس لما ضمن وجودي اتقلب عليا و كل اللي الاهتمام اللي كان بيدهولي انتهي وكل الحب وكل حاجه كان بيدهالي انتهت فضلت اسأل نفسي هل العيب فيا وفضلت انا اللي احاول عشانه لدرجه اني من كتر محاولاتي وهو يرفضها انا صعبت علي دفعتي كلها ولاد وبنات واي حد كان بيشوفني لاني احلي منه بكتير وهو ميستاهلنيش ابدا ابدا انا اعلي منه ف كل حاجه بس انا حبيته من غير ما اشوف شكله علي العموم انا معنديش مشكله مع الشكل ف اي حاجه لان الشكل مش كل حاجه المهم اني اتعافيت من الشخص دا بعد فتره كبيره وكان الشخص اللي معايا حاليا اللي اتكلمت عنه دا كان لسه مفيش بيني وبينه اي حاجه لحد لما عرف خلاص اني اتعافيت من الاكس عشان كان عارف قد اي انا كنت بحبه قرر يقول ليا انه بيحبني قعدنا فتره كبيره اهتمامه بيا كل يوم بيكبر كان بيعمل حاجات بسيطه بس كانت بتفرحني وكلامه كان بيطمني قولتله اني بحبه مره ف مره لقيت نفسي اتعلقت بيه اكتر ولقيت نفسي بغرق ف تفاصيله وف كل حاجه لقيت نفسي حبيته اكتر من اول حب ودي كانت صعبه كان نفسه اني اثق فيه ووثقت فيه كان نفسه اني اهتم بيه واهتميت بيه كان نفسه اني احبه اكتر من حبي للشخص الاول وحبيته فعلا بعد 6 شهور من علاقتنا عرف اني كنت متكلمه عليه مع صحبتي ( اتكلمت عليه مع صحبتي ومكانش في بيني وبينه حاجه وكنت بحب الاكس وكنت لسه متعافتش منه ولا من حبه قولت ل صحبتي اني كان نفسي اكمل حياتي مع حبي الاول وقولتلها اني مش هحب الشخص الجديد اللي ف حياتي دا وانا عارفه من جوايا اني هحبه وهتعلق بيه بس كنت بكدب نفسي عشان كنت لسه خايفه اتعلق ب حد تاني) شاف الكلام دا وبعد عني ودي الغلطه الوحيده اللي عملتها ف حياتي ولحد دلوقتي مش قادر ينساها ودايما بيعاقبني عليها و بقا كل شويه بيقول ليا احمدي ربنا اني لسه مكمل معاكي بعد اللي حصل واللي شوفته دا وبيقول ليا كلام كتير بحس انه معايا شفقه مش حب ومش قادره اخليه يرجع معايا زي الاول اتغير 180 درجه وقال ليا انه كدا ومش هيتغير لانه دا هوا وانا مكنتش اعرفه علي حقيقته وانه بس معايا عشان بيحبني لاكن غير كدا المفروض ميكونش يفكر اصلا يرجعلي لاني اتكلمت عليه وهو مش هيقدر ينسي كدا ابدا ومش هيعرف يرجع معايا زي الاول ابدا واهتمامه قل وكلامه الحلو قل وكل حاجه قلت وبقا بيفرض رايه عليا واي خناقه بينا لازم بيفتح الموضوع دا والغلط دا عشان يأنب ضميري اكتر انت عايزه حل اعمله اخليه ميضمنش وجودي وف نفس الوقت يكون متطمن اني موجوده وعايزه اخلي اهتمامه يرجع زي الاول وشغفه للعلاقه يرجع تاني وعايزاه ينسي الغلطه اللي عملتها ملحوظه (انا اتأسفت اكتر من مره و حاولت معاه كتير وخليت صحبتي تكلمه لانه كان رافض الكلام معايا وحسسني اني غلطت غلطه كبيره مع ان اللي بيحب بيسامح وبينسي مهما ان كانت الغلطه) انا بجد متعلقه بيه تعلق مرضي ومش عارفه اعمل اي ومش عايزاه يبعد عني وعايزه شغفه يرجعلي تاني واحس اني رجعته معايا تاني زي الاول
انا برضومريت بموضوع متشابه لده بس مع زوجي بس الموضوع يخص اهلي حصل خلافات بينا وكل مانتخافق يقولي انتي شبة أهلك واول ما نتصالح يقولي انتي غيرهم تماما .ع الحال بقالنا ٩ سنين من اول يوم زواج
تم النشر الأحد، ٢١ يوليو ٢٠٢٤
حبيبة قلبي، أقدر مشاعرك وحيرتك وفعلاً موضوعك معقد وبيحتاج شوية تفكير وحلول. أول حاجة، لازم تكوني واثقة من نفسك وتعرفي إنك تستحقي الحب والاهتمام من الشخص اللي معاك. كلنا بنغلط، وكونه مش قادر يسامحك ويفتح نفس الموضوع كل ما يكون في خناقة، ده بيأثر سلبًا على العلاقة. نفكر مع بعض في كام نقطة عشان نحاول نوصل لحل: حديث مفتوح وصريح : اقعدوا مع بعض وتكلموا بصراحة. قولي له كل الكلام اللي في قلبك، وقوليله إنك بتحبيه وبتحمليه مسؤولية إنه يحافظ على علاقة صحية بدل ما يفتح جروح قديمة. حدود صحية : حاولي تحطي حدود لنفسك ولعلاقتكم. إذا هو مش قادر يسامح وينسى، العلاقة ممكن تتحول لعلاقة مسمومة، وده مش كويس لك ولا ليه. الاهتمام بنفسك : ما تنسيش إنك لازم تهتمي بنفسك وتقدريها. مش معقول تكوني طول الوقت بتسعي وراه وهو مش بيشوف مجهودك. استشاري علاقات : ممكن تفكروا بزيارة مستشار علاقات أو معالجة نفسية. أحياناً وجود طرف ثالث محترف يساعد يحل المشاكل من جذورها. المفاجآت البسيطة : حاولي تفاجئيه بحاجات بسيطة تفتكروا ذكريات كويسة مع بعض. ده ممكن يساعد في تجديد مشاعره. راحة نفسية : العزلة المؤقتة ممكن تكون حل إذا الاتنين محتاجين تفكروا بهدوء، بس يكون اتفاق بينكم ومن غير انفاعلات. في النهاية، لازم تكوني مستعدة لأي نتيجة، لأن المهم إنك تكوني مبسوطة وسعيدة في العلاقة، مش تكوني مضغوطة ومتعبة نفسياً. أنا هنا دايمًا لو احتجتي حد تتكلمي معاه أو تطلبي نصيحة، خدي الأمور بهدوء وكل حاجة هتتحل ان شاء الله.
تم النشر السبت، ٢٠ يوليو ٢٠٢٤
لعرض السؤال في فدني اضغط هنا