انا عندي 19 سنة معنديش ثقة في نفسي من صغري، وكنت وأنا صغيرة بيتنمروا عليا وساعات مثلا في البيت بنبقى داخلين على سنة دراسية جديدة فأنا بطلب حاجات زي علب ألوان والحاجات دي كنت لسه صغيرة بس كنت لما بطلب كدا يقولي انتي فاشلة اصلا مش بتذاكري بتعملي ايه الحاجات دي
كبرت وطول عمري من وأنا صغيره مهما بزعل مش بقول لحد وبدخل بليل اوضتي اعيط براحتي وازعل براحتي
أنا معنديش ثقه بنفسي وبحاول احسن الموضوع دا من صغري ومش اجتماعية بتوتر اوي لما بتعامل مع حد جديد
أنا تخينه الايام دي، لما بطلب حاجه ليا زي حاجات للبشره او للشعر علشان يعني احسن بشرتي وشعري اخويا يقول لي مش هجيب حاجه، تحسين ايه حسني نفسك الاول قصده اخس وكدا وبيقولها بطريقه وحشه اللي هو تهتمي بإيه وانتي كدا شوفي نفسك الاول
الكلمه دي بتأثر فيا بجد بعد الكلام اللي علي طول بيقوله لي بحس أن ثقتي انعدمت اكتر. وبفضل أبص لنفسي في المرايا وأطلع كل العيوب اللي فيا ويقارن نفسي بالبنات وأصحابي وبكره نفسي وبقول لنفسي أن عمر ما حد هيحبني وعمري ما هتجوز وبقيت مطلبش منه حاجه خالص لو عاوزه حاجه ممكن احوش واجيب مثلا حاجه رخيصه على ادي اللي هي مش بتحسن اي حاجه
رغم اني نفسي في حاجات أحلى بس الفلوس الي باخدها مش مكفيه اصلا اللي انا عاوزه ومبقتش اطلب حاجه منه بس ثقتي حرفيا راحت وكمان ساعات ببقى في الجامعه بلاقي الولاد بتبصلي ساعات بقرف وعمر ما حد أعجب بيا ومش عارفه اعمل ايه هو أي حاجه حرفيا بطلبها بيسد نفسي وفي الآخر بعيط ومش بقول حتى لما بتعب مش بقول لحد حتي لو بموت وبكتفي اني اخد مسكن وانام وخلاص
أنا عارفة الموضوع صعب خاصة لما بيكون من أقرب الناس لينا واللي المفروض يكونوا الداعم الأول لكن فرضنا الدعم ده مش لاقينه منهم والعكس كمان يكونوا بيهدموا فينا، هل نسمح لده إنه يفضل عقبة في حياتنا ونساعدهم بنفسنا على هدمها أكتر وأكتر؟ الإخوات والأهل ساعات مش بيعرفوا يتعاملوا وممكن يقولوا كلام جارح من قبيل التشجيع أو الانتقاد أو حتى مجرد خناقات ومضايقات ومش بيفهموا إن الكلام ده بيأثر بطريقة سلبية. يعني ممكن لو اتكلمتِ مع حد هيقول لك أنتِ اللي حساسة وأنا مقصدش كلام يجرحك. فأنتِ قدامك خيارين، يا تقعدي تتكلمي مع أخوكِ بصراحة وتفتحي قلبك، متتعامليش مع بعصبية وندية، اتكلمي بهدوء وحسسيه بحزنك وتأثرك وعرفيه إنك بتحبيه وهو أخوكِ وسندك وإن كنتِ مش هتلاقي السند منه هتلاقيه من مين؟ وحاولي أكتر من مرة ولا تيأسي منه، إذا كان مفيش فائدة في النهاية قُدامك خيار إنك تتجاهلي انتقاداته وتتعاملي كأنك مش بتسمعيها وتقعدي مع نفسك وتبرمجي عقليتك على الأفكار الإيجابية... مش هتضحكي على نفسك، لأ... هتقولي أفكار إيجابية حقيقية فعلا... أنتِ جميلة وكل خلق ربنا جميل. أنتِ حتى لو جسمك زايد شوية فده مش معناه إنك وحشة، معناه بس إنك استسلمتِ لليأس ورتم الحياة وعدم الثقة بنفسك وصدقتِ إنك متقدريش تبقي نسخة أفضل من نفسك. أنتِ تستحقي الحب، وأول حد لازم تاخدي منه الحب هو نفسك، إذا مش متقبلة نفسك ولا بتحبيها فصعب تطلبي من الناس تحبك. حبك لنفسك وثقتك بها بينعكس على الخارج وبيجذب الناس لك والعكس بيحصل والناس بتلقط الهالة السلبية اللي أنتِ مصدراها من جواك عن نفسكِ وبيعاملوكِ على أساسها. ** على فكرة، الأولاد ممكن يكونوا مش بيبصوا لك أصلا وأنتِ اللي نفسيتك وشكك في نفسك هي اللي خيلت لكِ إنهم بيبصوا بقرف. ولو حتى فيه حد ناقص بيبص بنظرات فيها انتقاص فده يدل على نفسيته هو ومش على مشكلة فيكِ ودول لا تسمحي لهم أبدًا يهزوا نفسك. وبلاش تفكري إنك عاوزة تبقي حلوة عشان ولد يعجب بك ويصاحبك. ربنا يحفظك من العلاقات الحرام والنظرات الحرام... نظمي حياتك واهتمي بصحتك ونفسيتك عشان نفسك وعشان انتِ تستحقي ده مش عشان تعجبي حد. بالتوفيق يا قمر.
تم النشر الاثنين، ١٣ يناير ٢٠٢٥
أختي العزيزة، أشعر بمعاناتك وأتفهم تماماً ما تمرين به. إن الثقة بالنفس موضوع حساس ويؤثر في حياة الفرد بشكل كبير، وأنت لست وحدك في هذا. ما تعرضت له من تنمر ومن كلمات قاسية من أخيك يمكن أن يكون له أثر عميق، ولكن تذكري أن تلك التعليقات لا تعكس قيمتك الحقيقية. أولاً، كوني لطيفة مع نفسك. يجب أن تدركي أن كل شخص له عيوبه ومزاياه، ولا يجوز لك أن تقارني نفسك بالآخرين. كل شخص مميز بطريقته، ويجب أن تتذكري ذلك. بالنسبة لأخيك، من المهم أن تحاولي التواصل معه بطريقة صادقة وهادئة. قد لا يدرك تأثير كلماته على مشاعرك. حاولي أن تخبريه كيف تؤثر عليك تلك التعليقات. لم يكن لديه النية للإيذاء، ولكن التفاهم بينكما قد يسهم في تحسين العلاقة. إذا واجهتك صعوبة في التعبير عن مشاعرك، يمكنك كتابة ما تشعرين به في رسالة له، قد يساعدك ذلك في توضيح الأمور بطريقة لطيفة وغير مباشرة. قد يكون من المفيد أيضاً البحث عن نشاطات أو هوايات تساهم في بناء ثقتك بنفسك مثل الانضمام إلى مجموعات أو ورش عمل تساعدك في التواصل مع الآخرين واكتساب المهارات الاجتماعية. تذكري أن الله خلقك بصفات فريدة، واستثمري الوقت في تحسين نفسك بطرق تشعرين فيها بالسعادة، سواء كان ذلك من خلال العناية بنفسك أو تطوير مهارات جديدة. إذا شعرت أن ضغوطات الحياة تؤثر بشكل كبير على صحتك النفسية، قد يكون من المفيد البحث عن المساعدة من مختص نفسي ليقدم لك الدعم الذي تحتاجينه. كوني دائماً متفائلة، وأدعي الله أن يمنحك القوة والثقة التي تبحثين عنها.
تم النشر الأحد، ١٢ يناير ٢٠٢٥
بصي يا قمرايه انتي مش وحشه ولو كان في حد وحش فهو اخوكي علشان مش بيدعمك مهما كنتي بس سيبك منو ، المهم دلوقت انتي بتقولي انك زايده في الوزن بصي يا ستي اول حاجه اشتغلي علي نفسك حسني منها يعني انتي وزنك زايد نزلي تطبيق التمارين في البيت واسمعي نصائح للخسارة الوزن وفي مشروب البقدونس والجرجير والكلام ده حلو جدآ بينزل كل الدهون وكل حاجه وحشه في البطن ، تاني خطوه ادعمي نفسك بكلام حلو بعني انتي بتقولي بتفضلي تقولي حاجات سلبيه لنفسك غيري من ده وقولي كلام إيجابي زي مثلاً لو نازلة رايحه حتة افقي في المرايه وقولي لنفسك اي الجمال ده انتي حلوه انهارده وكده فهمتي، وقولي لاخوكي لو ضايقك تاني ملكش دعوه بيا خليك في نفسك او لو مسمعش الكلام قولي لمامتك او بابكي هما لاخوات الولاد كده رخمين ، تالت خطوه لو مش شاطره اوي في دراستك اهتمي بيها وثقفي نفسك واتعلمي علشان نفسك صدقيني مش علشان حد وكل حاجه ان قولتها لك علشان نفسك وقربي من ربنا صلي لو مش بتصلي ابدأي حياه جديده مع نفسك وخليكي قدها واتصاحبي عل صحبه تدعمك في الحاجه الحلوه وميكدبوش عليكي وبس ياقمر ربنا يوفقك يارب وإن شاء الله اكون فيدتك يلا وريهم همتك واشتغلي علي نفسك وركزي عليها.
تم النشر الاثنين، ١٣ يناير ٢٠٢٥
حبيبه قلبي ،مقدره مشاعرك انتي حساسه بزياده لازم تثقي بنفسك انتي جميله (لقد خلقنا الإنسان في أحسن تقويم)، انتي بنوته جميله ولا تهتمي يا بنتي الاخوات دايما ناقر ونقير بالذات الولاد والبنات بجد كده بالعكس والله انتي غاليه عند اخوكي وبيحبك وانتي هو بس بينكشك حاولي تاخديها بطريقه هزار متخديش كله لمشاعرك ،وثقي في نفسك ،اهتمي بنفسك كبنوته ،متقارنيش نفسك بحد ابدا انتي جميله كونك انتي ،هوني علي نفسك وعلي قلبك يا جميله، قربي من ربنا قوي علاقتك بربنا انتي تقريبا كده اولي جامعه اعقدي النيه ان قبل التخرج إن شاء الله هختم القرآن ،ادعي ربنا بالزوج الصالح الله ،قربي من اخوكي اتكلمي معاه ، قربي من صحابك ، ولا تهتمي بالولاد تبص بقرف ولا لاء دول كائن غريب يبنتي اصلا ،الي هيعحب بيكي هيجي لبيتك يطلبك بأدب خليكي عندك ثقه انك جميله جدا لو عملتي دايت انا بعمل ده عشاني انا عشان صحتي وحياتي متحطيش في بالك كلام الناس اصلا ،لما تتعبي قولي لماما بلاش اخوكي ع صحتك ،أسأل لكي الصلاح والجَبر وأن يرزقك بالزوج الصالح الي يستاهل قلبك يارب .
تم النشر الأحد، ١٢ يناير ٢٠٢٥
لعرض السؤال في فدني اضغط هنا