جالي انترفيو في شركه تانيه هيبقي بعد فتره
ولما زميلي عرف والمدير وزميلي ده قلي المدير عاوزه وشايف انك بتأدي حلو هنا والخ الخ الخ
...بس بجد انا مش حاسس بذاتي خالص مش حاسس بنفسي كدا او اني عايش
غالبا المدير هيقول كدا لمصلحه الشغل لانه في موقف صعب جدا انه يجيب حد تاني يعلمه في الفتره دي بالتحديد ويشيل ورديه لوحده ...
بس انا مش شايف نفسي في المكان ده او الوظيفه دي خالص وتايهه اوي اوي
كنت عاوز اشتغل في البرمجه بس محصلش نصيب فمحتار جدا
هل اكمل مذكره برمجه وهو مجال غير مجالي اصلا ولا اذاكر تغذيه علاجه علي الاقل ضمن مجالي
مش عارف وخايف اندم بصراحه
انا يمكن بكره شويه الشغل الفيه صوت عالي وخناق وتجمعات وناس كتتر عشان كدا كنت بميل شويه للبرمجه
فدالوقت محتار جدا هختار ايه وعلي اساس ايه
وفكره اني مش حاسس بذاتي خالص
وديما مهما عملت ومهما حاولت شايف انه كان ممكن اعمل اكتر كان ممكن اتعب اكتر واكتر
مجرد التفكير حرفيا بيجهدني لدرجه اوقات من كتر تفكير مش بعمل حاجه وبخش انام من شعور الاجهاد
فيه منهجية بنستخدمها في تحديد مجال العمل تحت اسم جدول رفق .. الراء رغبة ، الفاء فرصة ، القاف قدرة ابحث عنه لمعرفة طريقة تطبيقه والاستفادة منه ، استشر صديق ذو خبرة وحكمة تثق في رأيه ، استخير ربنا سبحانه وتعالى ،، ادعو الله أن يوفقك لاختيار ما ينفعك . استعن بالله ولا تعجز واعلم أن كل إنسان ميسر لما خُلق له . وممكن تتوجه إلى كاريير كوتش يفيدك بشكل أكثر فاعلية عشان يقدر يتعرف على مواطن القوة والمعرفة عندك !
تم النشر الجمعة، ١٠ مايو ٢٠٢٤
الحل هو صلاة الاستخارة ودعاء الاستخارة وربنا يقدملك اللي فيه الخير ويوفقك
تم النشر السبت، ١١ مايو ٢٠٢٤
هناك مقولة لغاندى عن التغيير "إذا كان التغيير هو قانون الطبيعة، فإن المقاومة هي عبثية. لا يجب أن نخاف من التغيير، فهو فرصة للتطور والتجديد" ذكرت شئ فى غاية الأهمية عندما قلت"مش حاسس بذاتى" يجب دراسة الموضوع من جميع الجوانب مثلا العرض الذى تم تقديمه إليك من العمل الاخر هل هو عرض مجدى وأفضل من عملك حاليا؟ فرصتك للتطور والنمو والابداع هل ستكون افضل؟ العائد المادى ؟ واهم شئ أود أن اذكرك به هو البحث عن شغفك اذا كنت تميل للبرمجة فأدرس وتعلم وتطور ولا يشترط ان تعمل بمجال دراستك طول الوقت فكثير من الناس قاموا بتغيير تخصصهم ودراستهم وعملهم لمجالات يفضلوها ونجحوا وابدعوا كل انسان لديه قوة داخلية يجب ان يكتشفها والأهم أن تشعر بذاتك وتشعر بقدراتك ولا تشعر باليأس استخر الله تعالى ولا تتعجل وادرس الجوانب المذكورة اعلى ولا تخف من التغيير فهو قانون الطبيعة وموفق ان شاءالله
تم النشر السبت، ١١ مايو ٢٠٢٤
اعمل استخاره، واستعن بالله وتوكل عليه واعرف ان الخير فيما كتبه الله ومتفكرررش متفكرش ابدا اكتر من اللزوم اعمل استخاره وشوف نتيجتها لو محستش بحاجه فاي طريق تسلكه سيكون خيرا ان شاء الله
تم النشر الجمعة، ١٠ مايو ٢٠٢٤
يستحسن تبص للفرصه للي قدامك وتستغلها بم ان هي حاجه ف مجالك وحاول تقوي نفسك ف مجالك اوي وف شغلك وتظهر نفسك ومتفكرش ف انك مش قادر تعمل حاجه وآمن بنفسك وقدراتك ولم توصل لحاجه كويسه اوي في مجالك تقدر تشتغل ف البرمجه ويبقا معاك الاتنين بس اوعي تضيع فرصه الشغل منك
تم النشر الجمعة، ١٠ مايو ٢٠٢٤
التغذية العلاجية مش مستقبل اوى و كمان ناس كتيرة دخلت فيها و بقت هوجة . البرمجة شغل جميل و بيتيح انك تشتغل بمرتبات عالية فى شركات محلية و أجنبية و مرتب شهر منها لو انت تميزت فيها يكفيك سنة هنا في مصر . بمعنى اصح البرمجة هى المستقبل . و كمان لو عاوز تشتغل عن بعد بتشتغل من البيت عادى جدا. مش محتاج تنزل و تطلع و فيها مميزات جميلة . لا حد يقرفك و لا يكشر فى وشك و لا يركب فوق دماغك . فى البرمجة الشغل بوقت محدد و انت الرقيب على نفسك . انت ريس نفسك من الاخر . لكن التغذية العلاجية شغل تقليدى عادى و مش مربح اوى و عقبال ما تعمل اسم تأخد سنين.
تم النشر الجمعة، ١٠ مايو ٢٠٢٤
صلي صلاة استخارة وربنا يقدملك اللي فيه الخير
تم النشر السبت، ١١ مايو ٢٠٢٤
متسيبش شغل غير لما تلاقي شغل تاني احسن منه
تم النشر السبت، ١١ مايو ٢٠٢٤
بص طور من نفسك في حاجة انت فهمتها وخليك ديما حاطط في دماغك انك تبقا الاحسن في مجالك هتلاقي نفسك حسيت بذاتك
تم النشر السبت، ١١ مايو ٢٠٢٤
مش بقالي كتير انا خريج ٢٠٢٣ اصلا
تم النشر السبت، ١١ مايو ٢٠٢٤
بص انت لو مش مهم في الشركة او في المكانة الي انت فيها مكنش المدير اتكلم معاك بطريقة احسن طور نفسك في مجالك وسيبك من مجالات تانية انت بدات في ده مش لسا هتروح تبدأ في مجال تاني من نقطة الصفر 🙂
تم النشر السبت، ١١ مايو ٢٠٢٤
فيه منهجية بنستخدمها في تحديد مجال العمل تحت اسم جدول رفق .. الراء رغبة ، الفاء فرصة ، القاف قدرة ابحث عنه لمعرفة طريقة تطبيقه والاستفادة منه ، استشر صديق ذو خبرة وحكمة تثق في رأيه ، استخير ربنا سبحانه وتعالى ،، ادعو الله أن يوفقك لاختيار ما ينفعك . استعن بالله ولا تعجز واعلم أن كل إنسان ميسر لما خُلق له . وممكن تتوجه إلى كاريير كوتش يفيدك بشكل أكثر فاعلية عشان يقدر يتعرف على مواطن القوة والمعرفة عندك !
تم النشر الجمعة، ١٠ مايو ٢٠٢٤
لعرض السؤال في فدني اضغط هنا