السلام عليكم انا بنت عندي 16 سنه في تانيه ثانوي حاليا مشكلتي بدأت من تالته اعدادي حبيت شخص جدا لانه كان بيهتم بيا لكني كنت مستحيل اغير مبدأي واكلمه لانه حرام الناس عارفني بإحترامي واحترام عيلتي
ف كان اهتمامه بيا بيزيد لحد ما دخل كلمني ونا صحباتي ف الوقت ده كانو بيشجعوني اني كنت اكلمه عادي ومفيش فيها أي حاجه ورضيت اني اكلمه لكني كنت احس بالندم والديقه في قلبي بسبب اني عايزه ابعد عن الحاجه دي المهم ربنا قدرني وبعدت عنه وبقالي سنتين يعتبر 【انا عارفه اني صغيره علي الكلام ده بس اتمني المساعده وعدم انتقاضي】لكن بالرغم انو اذاني بعد ما بعت عنه الا اني لسه بحبه وذكريات لسه معايا اتمني حد يساعدني بحل لاني مستحيل أكرر نفس الغلط واني حابه اكون شخص كويس ويتقي ربنا
ده مش حب، ده أشبه بتلذذ المرء بالجروح لازم تصبري على عدم الكلام معاه أو مع غيره، لأن النار محدش بيصبر عليها. ومتسمعيش كلام حد في معصية الله، حتى لو كان والدك ووالدتك
تم النشر الجمعة، ٨ ديسمبر ٢٠٢٣
وعليكم السلام ورحمة الله وبركاته .. حابه احيكي طبعا على فطرتك السليمة، لانك عارفه الحرام من الحلال والصح من الغلط.. لكن صدقيني الفترة ديه مسمى اللي بيحصل فيها فيما يتعلق بالمشاعر هو مش حب .. تقدري تعتبريه تعلق .. او اعجاب .. لانها فترة مراهقة. الفترة ديه اللي بيحكمها شوية حاجات كده زي الاهتمام، والكلام المعسول وهكذا .. ولكن الحب حاجه تانية .. ولكن طبعا علشان انتي بنوته صغيرة ف مش عارفه تفرقي ما بين الحب والاعجاب والتعلق او اساسا ايه ده؟ لان المعظم اول ما بيحس بمشاعر .. يقول بس هو ده الحب.. بس في الحقيقة فيه حاجات كتير اوي غير الحب .. خاصةً في السن الصغير. خليكي على مبدأك وحاولي انك تفكري في كلامي، لانك لو اقتنعتي اساسا انها كانت فترة عابرة ومش حب، وانك انتي اللي اقنعتي نفسك بكده.. الفترة ديه هتعدي صدقيني.
تم النشر الثلاثاء، ٢٨ نوفمبر ٢٠٢٣
لما انتى تقراى القران كتير وتسبحى وتصلى وتزكرى هتلاقى نفسك مش فضيه للأفكار دى
تم النشر الثلاثاء، ٢٨ نوفمبر ٢٠٢٣
وعليكم السلام ورحمة الله وبركاته أولا الحمد لله إنك بعدتي وعارفة أنه غلط أصحابك لازم تبعدي عنهم خالص وحاولي تشغلي نفسك بدراسة أو بحب ربنا وعبادته حاولي تشغلي قلبك بربنا مش هقولك أنه هيكون سهل بس أنتِ قدها واتخلصي من اي حاجة بتذكرك بالموضوع واعرفي أنه كل دا بتؤجري عليه وادعي كتير أن ربنا يهون عليكِ واعرفي أنه لو كان من نصيبك وخير ليكِ فعلا هيكون لكِ بس أهم حاجة اوعي تضعفي وترجعي اثبتي واشغلي نفسك وخصوصا بعبادة ربنا وبس هدعيلك دايما 🤎
تم النشر الثلاثاء، ٢٨ نوفمبر ٢٠٢٣
اولا دي نعمه من ربنا انكو سبتو بعض ودا دليل ع حب ربنا ليكي ثانيا اثبتي علي ما انتي عليه وافتكري ديما ان من ترك شئ لله عوضه الله واكثري الدعاء انك تنسيه الله قادر وربنا هيعوضك لما تكبري زوج تقي نقي صالح مثلك لا يتكلم مع البنات الهي نفسك بالتسبيح والصلاه ع النبي كل ما تفتكري استعيذي من الشيطان واستعيذي من شر نفسك بسرعه والهي نفسك مثلا بحفظ القران لو صفحه كل اسبوع بس يبقي مع معلمه عشان تثبتي وكيد ربنا ابدا ما يسيبك وتوكلي ع ربنا
تم النشر الثلاثاء، ٢٨ نوفمبر ٢٠٢٣
لعرض السؤال في فدني اضغط هنا