السلام عليكم لو سمحتوا انا الفتره دى فترة الأجازة بتاعتى وداخله تالته ثانوى بإذن الله بس بحس ان انا جوايا مشاعر مكبوته مش عارفه اطلعها ومش بعرف اتكلم مع حد اقوله الى جوايا لا مامتى ولا اختى لانهم مابيهتموش هما بيحبونى وكل حاجه بس مابيهتموش بزعلى وبيقولو ان انا لسه صغيره وزهق ايه الى بحس بيه وان دا وهم ف دماغى بس بجد انا فعلا لما بقعد لوحدى كدا بحس ان انا زهقانه وعايزه اعيط ولو فضلت قاعده لوحدى هاعيط ف بشغل نفسى ف اى حاجه و المشكله ان الفتره دى لازم ارفه عن نفسى عشان انا داخله تالته ثانوى وهاتبقى سنة طويلة ولازم اعيش حياتى اليومين دول بس حاسه انى بصحى عشان انام بقضى يومى وخلاص يعنى ماما قالتلى اسمع الرقية الشرعيه ودى حاجة تانيه انا مش فاهماها لما بسمع الرقية ببقى عايزه اتاوب بس مش بعرف مش بتطلع بس ببقى حاسه بيها جوايا ف بجد انا ماعرفش ليه
لو حد عنده فكره ازاى اطلع نفسى من الى انا فيه و أرفه عن نفسى مع العلم انى مش عايشه فى مدينة كبيرة ولو حد عنده فكره عند عدم القدرة على التثاؤب لو سمحتو يفهمنى وآسفه انى طولت
اولا السلام عليكم ثانيا انت كشخص داخله على ثالثه ثانوي بالفعل من المفروض معك من دلوقتي انا من نهايه شهر وهو من نص خمسه من اول ما اخلص امتحانات لحد فتره 15/7 مثلا او عشرين سبعه اول ما الدروس الجديده تبدا كل دي فتره المفروض انت بتقضيها فتره رفاهيه طيب الفتره دي انت هتعملي فيها ازاي هتحاولي مش هتقضي اليوم عشان بتقضي اليوم لا هتتحاولي تتعلمي انشطه جديده زي انك تتعلمي مهاره. العمل التعاوني حاولوا تطوعي في اي عمل الكتروني سواء في جمعيه خيريه انك تمسكي لهم النشاط الدعائي بتاعهم او انك تتعلمي لغه جديده او انك تتعلمي الديزاين او انك تتعلمي الكتابه او انك تتعلمي الرسم حاولي تنمي مهارتك في حاجه من المهارات دي بالاضافه الى ان الوقت ده حاولي تخرجي حاولوا تشوفوا صاحباتك قبل ما تخشي على يعني الموضوع الدروس اكتر فمش هتلحقوا تشوفوا بعض ممكن هم مثلا في ادب وانت في علمي حاولي مثلا لو في حد قريبكم في منطقه بعيده وفي محادثه بعيده ممكن تروح تقضي عندهم يومين ثلاثه حاولي مثلا زي ما قلت لك في اي حاجه جديده تعليم اي حاجه جديده. بالاضافه الى حاول انك تعيشي حياتك طالما نايمه في البيت تتحركي فبالتالي النجمه عليك منين حلول. يعني هنجمع منين حلول طالما انت نايمه الحلول ممكن تطلع لك وتظهر لك لوحدك وانت بتتمشي او انت خارجه اخرجت بس هيروح يشتري حاجه جديده حاجه ب 500 600 جنيه انت ممكن تطلعي تجيبي حاجه ب 100 جنيه مش معك ممكن تطلعي تجيبي طرحه ب 50 جنيه هتقولي لي في طرحه ب 50 جنيه ما اعرفش على حسب المدينه اللي انت ساكنه فيها وهكذا الموضوع بيختلف حاولي تعملي نشاط جديد في حياتك. الفكره كلها انك حاولي تعملي حاجه جديده في حياتك حاولي استمتعي بالفتره دي فكره الضغط او اللي انت مضغوطاه ده حاولي تطلعيها على ورقك اكتبي مذكراتك واكتب مذكراتك فضفضي للورقه انا مش هتعرف البني ادمين للورق. بس اما بالنسبه للموضوع التساوي ده ما اعرفش بصراحه عنه حاجه ما قالتش حاجه قبل كده عشان.
تم النشر الأحد، ٢٦ مايو ٢٠٢٤
ممكن تستغلي الأجازه بإنك تتعلمي حاجة جديدة مهتمه بيها أو تنمي موهبة عندك أو تطوري لغتك وكله متاح عن طريق كورسات اونلاين مجانية تقدري تبحثي عن المجال المهتمة بيه وممكن تقوليلي إهتماماتك وهساعدك بمصادر كويسة
تم النشر الأحد، ٢٦ مايو ٢٠٢٤
مرحبًا، يبدو أنك تمرين بفترة صعبة. من الطبيعي أن تشعري بالمشاعر المكبوتة والزهق أحيانًا خاصة مع اقتراب امتحاناتك وضغوط الحياة اليومية. عندما تكون المشاعر مكبوتة، يمكن أن تؤثر على حالتك العامة وتزيد من الضغط. أولاً، ابدئي بتأمل مشاعرك وتفهمها. لا تخجلي من مشاركتها مع أحد تثقين به، حتى لو كانوا لا يبديون اهتمامًا في البداية. قد يتغير رد فعلهم عندما يشعرون بصدق مشاعرك واحتياجاتك. ثانيًا، احرصي على الراحة النفسية والجسدية خلال العطلة. جربي ممارسة التأمل، اليوغا، أو أي نشاط يساعدك في الاسترخاء وتهدئة العقل. ثالثًا، لا تترددي في البحث عن مساعدة من متخصصين في الصحة النفسية إذا استمرت المشاعر السلبية وأثرت على حياتك اليومية بشكل كبير. أما بالنسبة لصعوبة التثاؤب، قد يكون ذلك ناتجًا عن التوتر والقلق. حاولي ممارسة التمرينات التنفسية العميقة والاسترخاء قبل النوم، وابتعدي عن المنبهات مثل الشاشات قبل النوم. في النهاية، تذكري أن العمل على نفسك ورعاية صحتك النفسية مهم جدًا. كل الأمور ستبدو أفضل مع الوقت والاهتمام الذاتي. انا هنا إذا احتجتي مساعدة او نصيحة.
تم النشر الأحد، ٢٦ مايو ٢٠٢٤
طيب يعني في كوتش قبلي قالب كم نصيحه كويسه جدا جدا يعني يا ريت تاخدي بها مختلف الحاجات اللي ممكن تعمليها عشان تستغلي الفتره دي تكوني بترفعي عن نفسك. وانا عايزاك تفكري اصلا ايه الحاجات اللي انت بتحسي لما بتعمليها بسعاده لو لقيت الاجابه ما فيش اي حاجه بعملها بتبسطني فهنا بقى ايه؟ الازمه لانه ده معنى انك في الحاجات اللي مش عارفاها عن نفسك او انت بقيتي فاكره ان ما فيش حاجه هتبسطك وده بيبقى مش حاجه حقيقيه موضوع الرقيه الشرعيه اسمعي كلام ماما واسمعيها كذا يوم متتاليين ورا بعض ما تفصليش يوم ما تسمعيهاش لحد ما تلاقي موضوع التفاؤل ده بدا يحصل معاكي ان انت محتاجاها. ما تنتظريش انه لازم يحصل تفاؤب يعني فده يبقى معناه كده تمام هي عملت مفعولها احنا مش عايزين كده مش دي قصتنا خالص احنا بس علشان لو ده يعني عيني انت واخداها او حسب او حاجه ان شاء الله يعني ربنا يرفعه عنك بايات الرقيه باذن الله. دي ضروري جدا جدا ويا ريت تهتمي بانك تقراي اذكار الصباح واذكار المساء وما تغفليش يوم عن انك ما تقرايهوش.
تم النشر الأحد، ٢٦ مايو ٢٠٢٤
حبيبتي اولا ربنا يعينك ويصلح حالك يارب ، انك ترفهي عن نفسك مش لازم خروج او فسح مثلا ممكن نفصلي يوم من المذاكرة تروقي اوضتك وتاخدي شاور وتلبسي لبس جميل وتحطي بيرفوم مثلا وتشربي حاجة بتحبها او ايا كان وتتفرجي ع مسلسل او اي حاجه صدقيني كنت ف ٣ ثانوي بعمل كدا لان حرفيا مكنش عندي ولا صاحبة واهلي كانوا مش بيهتموا بخنقتي زيك ، حاجة تانية لازم تفهميها الاهل بيخافوا جدا عليكي وكل حاجه بس هما عقلهم غيرنا ف طبيعي بيستهتروا بكلامنا لما نقول زهق وكدر ف لازم تعذريهم هما شايفين مشكلتك دي متجيش حاجة جمب مشكلتهم ربنا يعينا جميعا ، وصلي ياحبيبتي دايمت واقرأي قرآن كل ماتحسي انك معدش عندك طاقة اشحني طاقتك بكدا ودايما ابعدي عن اي افكار سلبيه وحاولي تاخدي الفترة دي انها كدا كدا هتعدي وهيجي عليكي ايام تقولي ولا يوم من ايم الفترة دي والله انا مجربة ، وربنا يصلحلك الحال وينجحك ويجبر بخاطرك يارب ♥️
تم النشر الأحد، ٢٦ مايو ٢٠٢٤
لعرض السؤال في فدني اضغط هنا