في البداية عايزه احكي مشكله كبيره بمر بيها والي عنده حل ياريت يساعدني بيه لان في امس الحاجه لكدا
زمان كنت اتعرفت على واحد في جروب ع الواتس وحبينا بعض وجت بعد فتره ماما اكتشفت الموضوع ولما اكتشفت ذلتني انا وهو ذل واهانه مفيش زيها بقت عماله تشتري وتبيع فيه وتحطه في مواقف وحشه وخليت اخويا يبعتله رسايل بافظع الشتايم ورغم كل دا هو صبر واستحمل علشاني وكمل معايا رغم كل حاجه حصلت فيه وبعد ما خلص جيش راح اشتغل برا مصر وحوش اول سنه وجه خاطبني وبردو مامتي عاملته بطريقه وحشه وعدم تقدير ليه وبعدين هو سافر وبعت اهله يوم الخطوبه ويلبسوني الشبكه وكدا وماما عملت معاهم موقفين عدم احترام وقله تقدير ليهم وهو لما شاف كل دا قرر انه يسيبني علشان اتاذى من امي جامد وهانته وهانت كرامته وقالي انا عملت كل حاجه علشانك بس عند كرامتي وكرامه اهله كل حاجه تهون وقرر انه يسيبني وانا والله ما ليا ذنب في اي حاجه ولا عمري رضيت ع اي حاجه حصلت وانا اتبهدلت اصلا بسبب ماما واذتني اذى مفيش ام تعمله في بنتها ف مفروض اعمل ايه علشان ميسيبنش لو حد عنده حل يقولي بالله عليكم انا بحبه اوي وهو بيحبني اوي بس هو وجعه زاد اوي
السلام عليكم ورحمه الله وبركاته. طيب يعني انا متفهمه انك متضايقه من مامتك بس؟ هل مامتك في الاساس طبعاه صعب يعني في مواقف كثير عموما بتحرج اللي قدامها ما بتقدرش حد يعني ده طبيعي في طريقتها ولا لا لانه لو ده طبيعي في طريقتها وهي بالشكل ده فكان الاولى ان احنا نعرف الشخص اللي داخل البيت ده انه انا امي هيكون التعامل معاها صعب تمام علشان هو يبقى عارف نقطه زي دي. وهو كمان يوضحها لاهله. طيب لو هي الموضوع لا هي مش طمعان صعب دائما ولكن هي في الموضوع ده واخده موقف صعب وبتتعامل مع الولد بطريقه وحشه هقول ان الام دي شايفه بنتها كانت هي تحبلها ان في شخص ااا يعني يبقى داخل البيت من بابه ومن الاول خالص ااا لكن هي بالنسبه لها دلوقتي ملخص الموضوع كله كان انت كبنتها اتعاملتي بطريقه غلط فكانك خلاص متدبسه في الموضوع. شايفه بطريقتها دي ان هي؟ بتطفش الولد وشايفه ان هو مش مناسب لمجرد بدايه الموضوع خالص. فهنبقى مقدرين موقفها ومقدرين احساسها وهي ليه بتتصرف كده؟ لان احنا لو اخذنا الموضوع قبل ما يجي يخطبك ويدخل يتقدم في البيت لما ظروفه تحسنت فهقول ان هي يعني كام ما غلطتش في حاجه ومش هقول لا ان هي اذيتك واذيته هقول ان هي كانت امم بتحافظ على بنتها بتوجهها للصحه. لكن ما بعد الخطوبه بقى ده موضوع ثاني وان هي تعامل الناس بطريقه مش كويسه طبعا هي ممكن تكون مش عايزه تقول مش قادره تقول قدام الناس دي انا مش بحب ابنكم او انا يعني واخده موقف منه لان هو كان بيكلم بنتي قبل ما يجي يتقدم في البيت لانه هي عارفه انها هتلاقي رد من اي حد انه طيب ما هي بنتك كانت بتتكلم برده فانت بتعيبي على ابننا في ايه؟ انا بحاول افهمك اللي ممكن يكون من اتجاه ماما اللي هو سبب في اللي هي بتعمله ده ااا. مامتك محتاجه ان هي تتراضى في النقطه دي وتقدروا تنساها الولد محتاج ان هو اهله يتقدم لهم اعتذار هم يقبلوه عن الموقف اللي حصل طبعا يا ريت تقولي الموقف اللي حصل عشان يعني نبقى شايفين الصوره واضحه يعني نقدر برده ننصحك اكثر من الموقف اللي هي عملته يعني مع اهله. لكن بما ان هم بالنسبه لهم الموقف ده فيه شكل من اشكال الاهانه وهمم اتضايقوا جدا من اللي حصل معاهم فده حقهم حقهم ان هم يتقدم لهم اعتذار عن اللي حصل. ولحد ما يتراض يعني ان راضي فيهم لحد ما يتردد ده اذا كنت انت فعلا خلاص يعني متمسكه بالشخص ده وشايف ان هو انسب حد ليكي. اييي مانصحكيش ابدا ابدا تصدري فكره للشخص ده حتى وان صارت الامور على خير ان شاء الله وتزوجتيه انك تحسسيه انك ناويه تنفصلي عن اهلك وناويه تبعدي عنهم واا انت مش بتحبي تصرفاتهم وانت دايما عندك اعتراض على اللي هم بيعملوه لان اي اتجاه بالمنظر ده صدقيني مش هيجيب نتائج حلوه في تعاملك ممكن يبقى في وقت خلاف او اي حاجه تحسي ان
تم النشر الثلاثاء، ١٥ أكتوبر ٢٠٢٤
مامتك بس اتعاملت كده عشان علاقتكم قبل الخطوبة وشافت انه بيتسلى بيكي ومش بيدخل البيت من بابه وهكذا انتي اتكلمي مع والدك لو هو متقبله وشايفه كويس وحاولي تخليه يتكلم مع مامتك بهدوء وانتي حاولي تاني تتكلمي مع خطيبك هو الموضوع زعله اكيد لما جه عند اهله وده طبيعي بس انتي حاولي تتكلمي معاه تاني وتالت وتفهميه انك ملكيش ذنب وصححي برضو الصورة قدام اهله وحاولي تمشي الدنيا معاهم عشان ميعادوكيش بعد الجواز بسبب اللي بيحصل دلوقتي
تم النشر الاثنين، ١٤ أكتوبر ٢٠٢٤
عزيزتي، أشعر بمعاناتك وأتفهم الصراع العاطفي الذي تمرين به. إن العلاقة التي تجمعك بخطيبك مهمة للغاية، ولكنها تتأثر بعوامل خارجية، خاصة سلوك والدتك. هنا بعض الخطوات التي يمكنك اتخاذها: التحدث مع والدتك : حاولي أن توضحي لها كيف أثر سلوكها على حياتك وحياة من تحبين. استخدمي أسلوباً هادئاً ومفتوحاً، وأشاركيها مشاعرك بوضوح. التواصل مع خطيبك : تواصلي معه وأخبريه بمشاعرك تجاه المشكلة. عبّري له عن رغبتك في حل الأمور، وأظهري له أنكِ ملتزمة بدعمه والوقوف بجانبه. إشراك أهله : إذا كان من الممكن، حاولي أن تشرحي لأهله الوضع وأن تصفحيهم على سلوك والدتك. التفاهم مع العائلتين يمكن أن يكون له تأثير إيجابي. تحديد أولوياتك : فكري جيداً في ما ترينه مناسباً لحياتك. إذا كانت العلاقة فعلاً مهمة لكِ، يمكن أن تظهري استعدادك للوقوف بجانب خطيبك والعمل سوياً على حل المشاكل. البحث عن نصيحة خارجية : قد يكون من المفيد التحدث إلى شخص موثوق به لعائلتك أو صديقة حكيمة يمكن أن تقدم لك نصيحة. تذكري أن العلاقات تحتاج إلى جهد مشترك من الطرفين، وأنتِ بحاجة إلى التواصل مع الأطراف المتأثرة من الوضع لإيجاد حل يرضي الجميع. أدعو الله أن يرزقك الصبر والتوفيق في هذا الأمر.
تم النشر الأحد، ١٣ أكتوبر ٢٠٢٤
أختي الكريمة، الوضع الذي تصفينه معقد ومؤلم، وفيه تحديات تتعلق بالعلاقات الأسرية والمشاعر بينكِ وبين الشخص الذي تحبينه. أولاً، من المهم أن تدركي أن الأم لها دور كبير في حياة ابنتها، لكن في نفس الوقت، لا ينبغي أن تسيء الأم إلى ابنتها أو من تحب، لأن ذلك قد يؤثر بشكل عميق على مشاعرها وعلى مستقبلها. الله سبحانه وتعالى أمرنا بالإحسان إلى والدينا، ولكن ليس على حساب ظلم أو إهانة النفس. يقول الله تعالى: "وَاخْفِضْ لَهُمَا جَنَاحَ الذُّلِّ مِنَ الرَّحْمَةِ" (الإسراء: 24). الإحسان للأم واجب، لكن لا يعني ذلك قبول الإهانة أو التخلي عن الحق. فيما يخص الشخص الذي تحبينه والذي تعرض للإهانة من أهلك، هذا موقف صعب له أيضًا. الرجل الذي يتعرض للإهانة، خصوصًا في أمور تتعلق بالكرامة، قد يشعر بالجرح العميق. كرامة الإنسان أمر مقدس، ولا يجب أن يُمس بها. يقول النبي صلى الله عليه وسلم: "المسلم أخو المسلم لا يظلمه ولا يخذله ولا يحقره" (رواه مسلم). أما بالنسبة لرفض أمكِ للزواج، فمن الضروري أن تتحدثي معها بهدوء وصراحة. حاولي أن تفهمي منها الأسباب الحقيقية وراء رفضها، وما هي مخاوفها. أحيانًا يكون الأهل لديهم أسباب قد لا تكون واضحة من البداية، وقد تحتاج إلى توضيح ومناقشة. يقول الله تعالى: "وَشَاوِرْهُمْ فِي الْأَمْرِ" (آل عمران: 159)، والمشورة والحوار هما السبيل لحل العديد من الأمور. في نفس الوقت، يجب أن يكون هناك تفاهم واحترام بينكما وبين الشخص الذي تحبينه. إذا كان هذا الشخص متمسكًا بكِ رغم كل ما حدث، فهذا دليل على صدق مشاعره. لكن عليه أيضًا أن يفهم أن هذه الأمور العائلية تحتاج إلى صبر وحكمة، وليس فقط قرارات سريعة. النصيحة الأهم هنا هي اللجوء إلى الله في كل شيء. استخيري الله في أمرك، وحاولي أن توازني بين احترامكِ لأهلكِ وحقوقكِ في اختيار شريك حياتكِ. فالزواج هو اختيار مصيري، ويجب أن يكون عن اقتناع وحب، ولكن أيضًا لا يمكن أن يتم في ظل صراعات مستمرة مع الأهل. أسأل الله أن ييسر لكِ الأمور ويهديكِ إلى ما فيه الخير لكِ ولمن تحبين.
تم النشر الاثنين، ١٤ أكتوبر ٢٠٢٤
ادعي ربنا يكتبلك الخير سواء م الشخص ده او غيره بس خلي دعاءك دايما بكدة انتي متعرفيش في النهاية الشخص ده كويس ولا وحش وعن تجربة شخصية مش كل الناس محل ثقة لان مش كل الناس تستاهل ولو ربنا منع حاجة عنك تأكدي انها في مصلحتك
تم النشر الاثنين، ١٤ أكتوبر ٢٠٢٤
هو ان شاء الله لما نتجوز انا هبعد عن عيلتي خالص علشان هسكن في محافظه تانيه ف هي ممكن نتقابل مره كل شهر او اتنين
تم النشر الاثنين، ١٤ أكتوبر ٢٠٢٤
للاسف الموضوع صعب خصوصا لو الشاب راجل حر ودمه حامي مش هيستحمل كم المواقف دي تاني حاجة الجواز نفسه مش مجرد علاقة بين اتنين لا بين عيلتين غصب عنكم لازم هيحصل مواقف مجمعة واولادكم في المستقبل هيكونوا مربوطين بينكم انتم الاتنين سواء اهلك او اهله ومن رايي ان اهم حاجة في الجواز ان الامور تمشي بهدوء لان الراحة النفسية اهم حاجة
تم النشر الاثنين، ١٤ أكتوبر ٢٠٢٤
ممكن تعرفني افتح معاه الموضوع ازاي علشان هيتاخد الموقف ان خطيبي بيستغنى عني مش هما الي غلطانين لو حكيت كدا
تم النشر الأحد، ١٣ أكتوبر ٢٠٢٤
تكلمي مع والدك إذن واطلبي منه أن ياخذ موقفا ويلطف الجو مع خطيبك
تم النشر الأحد، ١٣ أكتوبر ٢٠٢٤
بابا موجود، ولا مش متوقعه كدا بس انا عمري ما كنت اتوقع الي عملته معاه قبل كدا وعملته معايا واذتني بكل الاشكال بس هو ان شاء الله اذا تم الجواز هعيش في مكان بعيد عنها ومش هنتقابل غير مره كل شهر او شهرين
تم النشر الأحد، ١٣ أكتوبر ٢٠٢٤
من اللي بيده عقدة النكاح عندك (ولي أمرك في كتب الكتاب)؟ وهل تتوقعي والدتك هتعمل لكم مشاكل إذا الموضوع تم وتزوجتم على خير؟
تم النشر الأحد، ١٣ أكتوبر ٢٠٢٤
اه الموقف الاول معاه الاول قبل ما يتقدم هو كان لسه بيبدا حياته وحكالها ظروفه ورغم كدا اذيته بكل طريقه واذتني معاه ولما دخل اول مره كانت الامور كلها تمام بس بعد كدا اتغيرت واتعاملت معاه بعدم تقدير وعملت كدا مع عيلته كمان لما جم يلبسوني الشبكه وهو سمع كلام من اهله يزعل بسبب كدا
تم النشر الأحد، ١٣ أكتوبر ٢٠٢٤
مامتك أخذت الموقف دة بس بسبب علاقتكم ببعض قبل ما يدخل البيت من بابه ويتقدم لك؟
تم النشر الأحد، ١٣ أكتوبر ٢٠٢٤
لعرض السؤال في فدني اضغط هنا