جوزي حسبي الله ونعم الوكيل في عمل علاقة كاملة مع واحدة بالصدفه بمسك الفون لقيت متسجل ليهم هو كان بيصورها بس،الفون هي قالتله انت حاطط الفون ف وشي لية ف قلب الفون بس الصوت طالع جيبها شقتي ع سريري انا بعيط منهارة انا لسة ولاده ونفسيتي زفت انا مش عارفة اعمل اي انا وجهته بس هو مش عارف يقول حاجة والنبي قوليلو اعمل اي بيعتذر و يقولي سامحني علشان خاطر ابننا بس انا مش عارفه ومش قادره اتعامل
مش حاجة سهله ابدااا ولا تاخدى قرار فيها بسرعه محدش فينا يقدر يديكى رأى مطلق كده ( سامحى او ما تسامحيش ) القصه دى بتاع التغاقل بين الازواج ليها حسابات كتييره اوى اللى مهم تخليه يسيبك فترة محددة انتى تطلبيها ..عشان تكونى قادره تعملى اللى هقولك عليه هتصلى وتسبحى وتستغفرى كتيير لحد ما تحسى انك نفسك رايق مش مولع نار ( حتى لو بتعيطى ) هتراجعى صفات الراجل ده مميزاته وعيوبه هتراجعى رصيدة معاكى ...عمل عشانك زيادة عن واجباته الرئيسية بكل ود قد ايه هتراجعى كل مره حصل فيها مشكلة بينكم اتصرف ازاى هتراجعى هو عامل ازاى مع اهلك هتسألى نفسك ( هل كنتى تشكى انه 1% انه ممكن يعمل كده ابدا ) لو كل الحاجات دى اجاباتها فى شكل ايجابى اكتر من الشكل السلبى هيكون الاولى انك تعامليه انه انسان واذنب وضعفه غلبه ...وعليه حق كبير ...ولك ان تقررى وتطلبى ما يرضيكى ويعتبر بمثابة استغفار وعقاب حقيقى على حجم الخطأ + شروط فى حالة لا قدر الله تكرر الخطأ لو كل الحاجات اجاباتها سلبيه اكتر من ايجابيه ..فلك حق الابتعاد عن ما يؤذيكى بالشكل اللى تقرريه ويجعلك قادره على تحمل القادم من الحياه اسأل الله ان يلهمك البصيره وخير القرار
تم النشر الأربعاء، ١١ أكتوبر ٢٠٢٣
مش هضيف حاجةة بس حابةة أقول لحضرتِك ان أي حد بيقولِك اللي خان مرة هيخون تانِي و الكلام ده شوفِي جوزك ده بني آدم ومحدش معصوم من الغلط احنا كُلنا بني آدم وبنغلط وبنرجع ونتوب وبنغلط وبنرجع،مش ببر اللي هو عمله بس حبيت أوضح لحضرتِك النُقطةة دي وحمد لله على سلامةة حضرتِك ربّ يبارك فِ البيبي.🤲🏻💗💗💗💗💗💗💗💗🌷""".
تم النشر السبت، ١٤ أكتوبر ٢٠٢٣
بصراحه ده في الاول وفي الاخر قرارك .. يعني انتي الوحيدة اللي تقدري تقولي اسامحه او لا. فيه شخص قادر على المسامحه وفيه حد تاني لا .. مهما كان الامر. ف لو انتي قادرة سامحي .. لو مش قادرة خلاص. بس ده لا يعني انك متاخديش موقف منه طبعا ف الاول، علشان يحس بندمه. وفي تلك كل الحالات فكري كويس قبل اي قرار.
تم النشر الأربعاء، ١١ أكتوبر ٢٠٢٣
الراجل الخاين او اللي عنده استعداد للخيانه ليه مؤشرات من البدايه ...مهم جدا انتي الاول تكوني واعيه بنفسك وبيه هل هو مش على درجه بالالتزام من البدايه وانتي عارفه ده ؟! لو هو فعلا مكنش ملتزم وكان عنده علاقات وصحاب ستات بعلمك فااعذريني انتي كده قابله بيه من البدايه ...فامهم تعرفي ده وعليه بتبني قرارك ...اما لو مش ده طبيعته وان ده حصل باستدراج مثلا او لحظه ضعف وانا اشك في الاحتمال ده ...مهم تعرفي ايه اللي وصلوا لانه يكسر كل الحواجز الاخلاقيه ويعمل كده !؟ العلاقه اللي بنكم مستقره والا لا ...هل بيعرف يكلمك ويتفاهم معاكي ولا لا ..انتي اصلا واخده بالك منه والا لا ؟! لو كان الموضوع خيانه بس مع انه صعب جدا كان ممكن تكون ضعف منه لكن التسجيل دي حاجه غير اخلاقيه بالمره وبتبين سوء خلق شديد.. محتاجه تدعي كتير وتستخيري واعرفي ان قرار الانفصال حمايه ليكي ولابنك ..ولو قررتي ترجعي مهم جدا يبقا فيه وقفه شديده محتاج حد كبير من اهلك يقفلوا ويشد عليه ويبقا نظام حياتكم بعد كده مختلف ...يفهم انه ده ميثاق غليظ وان اللي فات حاجه واللي جاي بعد ابنك حاجه تانيه خالص .... كلنا بشر ووارد نغلط اكيد الغلطات مش بنفس الحجم لكن كل بني ادم بيحتاج فرصه لكن خلي بالك هي فرصه ...لو حصل حاجه تاني بعد الفرصه دي مهم جدا تقفي مع نفسك وتعرفي هل هو فعلا يستحق انك تكملي معاه هل هو عنده اللي يكفيكي انتي كزوجه هو محلل ليه انه يتزوج تاني وتالت ...هل ده حل مطروح ؟! لانه احيانا الزواج الثاني بيكون عفه وبيعمل توازن للراجل لو هو اصلا هيعرف يعدل بينك وبين الزوجه التانيه ...لكن والله لو انتي بتخافي من انك لو اطلقتي هتبقا اخر الدنيا ...لا في كتير اطلقوا ورحموا نفسهم من بلاوي كان ممكن تحصل ..بس هو محتاج حد يخليه يفوق ويشتغل على نفسه ويقرب من ربنا
تم النشر السبت، ١٤ أكتوبر ٢٠٢٣
ممكن يكون صورك انتي كمان وانتي معا حاولي تبعدي عنو
تم النشر السبت، ١٤ أكتوبر ٢٠٢٣
السلام عليكم ورحمة الله وبركاته... اختي العزيزه حاولي ان تتعاملي بحكمة و رحمه هو غلط و طلب منك السماح لازم تعرفي ان كلنا مؤهلين للغلط بس لازم تردي عليه صح و يكون الرد تعامل قربيه من ربنا احنا بقينا في زمن كلنا بنفكر نحل المشاكل غلط لا تنسي انه راجل و اي غلط يعيبه هو مش انتي تاني حاجه لازم تشوفي اي ينقصه من التقرب الى الله و قربيه منه احنا منزعجين ان هو خانك و مش منزعجه انه لو مش بيصلي يبقى كافر و زواجك منه باطل هو ده سبب الخيانه و الكره و المشاكل كلنا نسينا الايمان و بنركز على فتن الحياة لعلها رسالة تقرب من الله و نصيحه مني بلاش تعاندي و تسمعي كلام الي يقولك سامحي بس مش بسهوله لما تفتحي باب الرحمه و التسامح دايما متل الله وقتها هتكسبيه بس نصيحه قربيه من ربنا
تم النشر الجمعة، ١٣ أكتوبر ٢٠٢٣
من رأيي الشخصي إن إكتر حاجة مينفعش الست تسامح فيها هي الخيانة اللي بيخون مرة هيخون ألف مرة تانية إلا من رحم ربي ، بس أنتي بتقولي إن بينكم طفل يعني ملهوش ذنب إنه يعاني طول حياته بسبب إنك مختارتيش اب مناسب ليه ، ممكن تخليه يبعد فترة تحاولي تصفي دماغك وترتاحي شوية وبعدين حاولي تسامحيه بس مش بسهولة خليه يندم أنه فكر بس يعمل حاجة زي كده
تم النشر الأربعاء، ١١ أكتوبر ٢٠٢٣
المهم متسامحيش بالساهل
تم النشر الأربعاء، ١١ أكتوبر ٢٠٢٣
لعرض السؤال في فدني اضغط هنا