من فتره حسيت بخوف وقلق شديد جدا من الموت والامراض والموضوع زاد عن حده لدرجه اني مكنتش بعرف انام كويس ومبعرفش ازاكر ولا اعمل اي حاجه غير ان انا افكر في الموضوع ده وده بقي اكبر هم عندي دلوقتي اي وجع احس بيه ف جسمي ابحث عنه واخاف يكون مرض خطير وروحت لاكتر من دكتور وقااي ان عندي القولون العصبي لكن الاعراض التانيه زي الرعشه والدوخه والصداع اسبابها نفسيه ايه الحل للتخلص من الافكار
أولا لديك القولون العصبى وهو عامل رئيسي في ذلك .. ثانيا لديك وسواس قهري أو بمعني صحيح وسواس المرض .. وهو ما يجعل صاحبه يقوم دائما بالبحث عن كل صغيرة وكبيرة علي الإنترنت وهذا أكبر خطأ .. أولا سيدتي لابد أن تعلمي عندما تقومي بالبحث ستجدي أن كل الأعراض متشابهة وكل الأعراض تقول لك انك مصابة بالسرطان . أو بمعني صحيح انت من يترك كل الأمراض المذكورة وتركزي فقط انك مريضة مرض خطير . وهذا ما يذيد من حزنك وهمك وعدم ممارسة يومك بشكل طبيعي ويسرق منك فرحتك . اذن واخيرا لابد ان تتركي هذه الخرافات وعيشي حياتك بشكل طبيعي وانت بصحة جيدة ولا داعي لكل هذا
تم النشر الأربعاء، ٢٠ ديسمبر ٢٠٢٣
سأشرح لك بالتفصيل ما تشعرين به وما تقومي بفعله .. أولا ينتابك شعور القلق والخوف دائما من الإصابة بأمراض خطيرة ودائما ما تقومي بالبحث في جسدك والتركيز مع جسدك بشكل كبير . مثال (لماذا وجهي أصفر : اذن انا مريضة كبد .. لماذا هذا الجانب منتفخ : اذن هذا سرطان ) ومهما ذهبتي للدكتور وقام بفحصك وأكد لك انك خالية من الأمراض ستشككي في كلام الدكتور نفسه .. واحيانا متقلبه المزاج
تم النشر الأربعاء، ٢٠ ديسمبر ٢٠٢٣
تمام شكرا لحضرتك علي كلامك الجميل ده ❤️
تم النشر الثلاثاء، ٣١ أكتوبر ٢٠٢٣
عارفه المثل بتاع اليخاف من العفريت يطلعله، طول ما انتى خايفه من الموت والمرض هتفضلى تتخيليهم فى كل مكان، اولا عايزاكى تعرفى حاجه كل الناس بتخاف من الموت بلا إستثناء وانه كلنا هنموت كدا كدا فبلاش الخوف يسيطر عليكى لدرجه يأثر على حياتك، الحياه ابسط من كدا بكتير خوفك وقلقك ده ما هو إلا طريقه تعكنن عليكى عيشتك وتخليكى علطول فى قلقانه ومتوتره، جربى تاخدى شاور كدا وتهدى وتشربى بعديها حاجه سخنه وترتاحى وتعملى حاجه بتحبيها قراءه مثلا روايه او حتى تنزلى تتمشى لوحدك وتحاولى تبطلى تفكير زايد فى الموضوع واقنعى نفسك انه عادى يحصل الحيصل ده مش هياثر على حياتك ♥️
تم النشر الثلاثاء، ٣١ أكتوبر ٢٠٢٣
حضرتك محتاج زيارة لمتخصص للتأكد الموضوع محتاج تدخل دوائي او لا. وبعدين جلسات لعلاج موضوع الوسواس
تم النشر الاثنين، ٣٠ أكتوبر ٢٠٢٣
لا، انا مرشد واخصائي نفسي
تم النشر الاثنين، ٣٠ أكتوبر ٢٠٢٣
حضرتك دكتور
تم النشر الاثنين، ٣٠ أكتوبر ٢٠٢٣
لعرض السؤال في فدني اضغط هنا