ليه الشخص بيكون شايف نفسه كويس اوووى وانه حد كويس مش بياذي حد بالعكس بيساعد وشايف انه بيعمل اقصي جهده لاى حد وف الاخر الناس ترفضه بكل المعانى ازاى اتخطى الشعور بالرفض من الكل ويجبروك انه تكرهه نفسك مع انك بتحب نفسك وشايف انك مش تستاهل كل ده الحاجه الوحيده اللي صح انك لما تضحى بكل حاجه طول الوقت بيتقالك محدش طلب منك ليه اتعرض للرفض من كل اللي اعرفه اهل صحاب وحتى حبيب فكرت كتير العيب فين بس مفيش حاجه تتعمل ومعملتهاش
الشخص يشوف نفسه كويس ويكون واثق فى نفسه كمان. بس ميكونش شايف نفسه كويس وكل هدفه كل الناس يشوفوه كويس ويشكروا فيه. لما يكون ده هدفك من افعالك هتبقي مضغوط طول الوقت زى اللى فى معروض فى فاترينه وعاوز كل اللى يعدى ينبهر ويقول واو جميل. انت اغلى من انك تفكر بالشكل ده ...كده بتضيع قيمة نفسك وقيمة كل حاجة بتعملها. شعور الرفض ده تتقبله بانك تحط نفسك فى موقف اختيار وتفكر نفسك اننا لو معندناش اختيارات اه ولا ، حياتنا هتبقي مسخ ومكرره ومفيش حاجة هتفرق حد عن التانى ( تخيل كده لو كل الاسئلة اجاباتها اه) يبقي لو سألتك بتحب النار ..هتقول اه ....طبعا ده كلام مش منطقى. اهو فكرة انك مش عاوز تتعرض للرفض شبه كده بقي. مهما كنت حلو وافعالك جميلة ...وارد انها متكونش متقدره عند ناس كتير فالناس دى مش هتتقبلك او هتشوف اللى بتعمله مش حلو.بردوا كل ده عادى . تذكر ان الانبياء والرسل لم يجتمع عليهم الكل وفى ناس رفضتهم . وفى انبياء لم يقبلهم احد وكانوا مرفوضين تماما ولم يؤمن بهم احد.
تم النشر الثلاثاء، ٣١ يناير ٢٠٢٣
علشان طبيعي اننا نترفض .. طبيعي ان فيه حد يرفضنا وطبيعي برده ان احنا نرفض ناس تانية. لان مش كل الناس هتكون بتحبنا ولا احنا كمان هنكون بنحب كل الناس. لكن ... هو العيب هنا مش فيهم الحقيقة .. انت محتاج تنظم عطائك للناس .. في جملة انت ذكرتها مهمة جدا وهي (طول الوقت بيتقالك محدش طلب منك) محدش طلب! ليه فعلا بتبذل كل جهدك في الشخص الغلط؟ او في الاشخاص اللي ميستحقوش؟ هما عندهم حق انهم يقولوا كده .. ما هو محدش طلب! في حين انت عايزهم وبتعمل كل حاجة ... بس هما مش مقدرين ده؟ ده معناه ان الاشخاص نفسهم اللي في دايرة حياتك غلط ... وكمان طريقة تعاملك معاهم مش صح ... مينفعش الواحد يفضل يعطي كل حاجة عنده وهو في نظير ده مش بياخد مقابل .. هما اتعودوا ع كده للاسف .. اتعودوا انك موجود .. متاح .. ةتعمل لهم كل حاجة .. اختار دايرة حياتك الصح .. ومين الاشخاص اللي انت تسمح انهم يكونوا موجودين فعلا ومين لأ .. + نظم طريقة عطائك للناس اللي حواليك
تم النشر السبت، ٢٨ يناير ٢٠٢٣
انت بالفعل كويس زي منت شايف نفسك ..مش معنى انك مريت بتجارب الاشخاص فيها مكنوش اسوياء وكانو يسقطوا عليك نظرتهم لذاتهم السيئه انك وحش ..بس ممكن يكون في حاجه تانيه انك بتقدم للي حوليك من غير ميطلبوا بالنسبالك شايف انا بحب الشخص ده ف هجبله نجمه من السما بس هل الشخص ده فعلا يستحقها ؟ مش دايما بيكون يستحق انك تضحي او تقدم حاجه لانها كتير عليه اصلا ومش هيفهم قيمتها ف خد بالك من اختيارك للناس اولا وفعلا متقدمش كتير لشخص ممكن ميستحقش كل الي عندك
تم النشر الجمعة، ٢٧ يناير ٢٠٢٣
الشخص لما بيقدم حاجات كتير بيتزهق منه حاولي تقدمي زي م بيتقدملك بظبط بلاش تزودي عنها لانك مش هتتشكري في الاخر الاهتمام الزيادة بياؤدي لملل حبك لصحابك و قربك منهم اكتر عن الازم هتحسي أنهم بدأوا يزهقو منك الحل 1- تقدمي ليهم زي م بيقدمولك 2- حاولي تكوني مع نفسك و متقدميش اصلا لحد مدام مش بيقدملك حاجة و دي حاجة احسن ليكي 3- اوعي تكرهي نفسك مهما حصل لازم تحبي نفسك و تكوني واثقة في نفسك انك انت كويسة و هو ميستهلوش منك حب زيادة أو أي حاجة زيادة بيقدموها 4- ركزي على نفسك انت و بس متركزيش مع صحابك كتير و اكتر من نفسك لا تكوني غلطانه ركزي على نفسك و بس و بسس اسف اني طولت عليكي
تم النشر الجمعة، ٢٧ يناير ٢٠٢٣
لعرض السؤال في فدني اضغط هنا