انا في ثانوي وبحب ولد من الاعدادي هو جارنا وانا بحبه جدا جدا وبعيط كتير جدا عشان بحسه مش بيحبني وانا عمري ماحاولت اكلمه ولا ابعتله ولا اي حاجه لاني عارفه ان دا حرام و انا لما اشوفه بيبصلي في الشارع انا بدور وشي او ببص بصه باره جدا لدرجه انو ممكن يكون بيكرهني بسبب نظراتي انا بس مش عايزه اتهاون عشان مقعش في غلط و تلقائيا ببصله بصه بارده وبقرف بس انا بحبو جدا ونفسي يحبني او يكون من نصيبي بس انا متاكده انو لو اتقدملي مستحيل امي توافق بيه لانو مش متدين زي ما امي عايزاه بس انا مش عارفه ابطل تفكير فيه وبحلم بيه وبكلم وانا نايمه باسمو وخايفه امي تعرف ومش عارفه اتصرف ازاي ووحاسه اني مكتئبه ومهما احاول اخرج م المود دا مش بعرف
يا أخت! هذا ليس حبًّا، بل هذا مجرّد إعجاب، إنما الحبّ الحقيقيّ يبدأ بالعقد، ويزداد بالزواج، فلا يخدعنك الشيطان، ولّا تنساقي وراء عاطفيتك. فاتقي الله في نفسك وأهلك الذين تعبوا في تربيتك، ولّا تخونين ثيقتهم فيكِ، ومن ترك شيئًا للّه عوّضه الله خيرًا منه، ومَن تعجّل شيئًا قبل أوانه عوقب بحرمانه. فأنتِ في مقام أختي، والأخ لا يُريد لأخته إلا كل خيرٍ، فانتبهي لدراستك، وفرحي أهلك بتفوقك، ولّا تخذليهم، بارك الله فيكِ.
تم النشر الاثنين، ١٧ يوليو ٢٠٢٣
بصي يا اختي انتي ممكن تكوني بتحبي بس اكيد مش بتحبي اكتر من حبك للربك ولا لعائلتك ولا حتى لنفسك ولو هو من نصيبك و ربنا كاتبكم لبعض محدش هيوقف النصيب و طالما ربنا شايف وعارف انتي بتحبيه و بتضحي عشان طاعته هيجير خاطرك و يشفيلك قلبك و لو عايز تتخلصي من اي مشاعر المفروض تعرفي مصدرها او سبيها ممكن بتعبي فراغ عاطفي بحبك ليه او نقص او مشكلة وممكن كمان بتحبيه بدون سبب ما تضغطيش على نفسك وحاولي تقربي علاقتك بربك بدل التعلق بالبشر و حسني علاقتك بنفسك و افهمي انتي عايزة ايه ده هيساعد اوي
تم النشر الأحد، ١٦ يوليو ٢٠٢٣
طبيعي ان فيه ولد يعجب بيك، طبيعي انك تعجبي برده بحد، لأن ديه فترة مراهقة .. والمشاعر ديه كلها طبيعية. لكن اللي مش طبيعي انك تقعدي في الدايرة ديه كتير! يعني ايه بقى؟ احنا اتفقنا في الاول ان عادي انه يكون في حد معجب .. او منجذب .. تمام! اللي مش عادي الكلمة اللي قولتيها (حب) تعرفي ايه عن الحب؟ كل اللي دائر بينكم يعتبر نظرات ..؟ هل بتعتبري ان النظرات ديه حب؟ انتي بتحبيه من انهي ناحية بقى؟ ايه اللي المفروض يحببك في الشخص؟ وايه هو الحب اساسا؟ لما تكبري شوية هتعرفي أن اللي كان كل اللي بيحصل أنه كله مجرد لعب، ومشاعر مراهقة. طبيعي في السن ده، لكن اديها قيمتها الحقيقية، قيمتها هي مجرد مشاعر مراهقة لكل اللي في السن ده لا اكثر ولا اقل.
تم النشر الأربعاء، ١٩ يوليو ٢٠٢٣
السلام عليكم ورحمة الله وبركاته أختي العزيزة، أشكرك على ثقتك ومشاركة مشاعرك معي. أنا أفهم أن هذا وقت صعب بالنسبة لكِ. لكن كما تعلمين، محبة الله وطاعته يجب أن تأتي في المقام الأول. أولاً، أنصحكِ بأن تتجنبي النظر إلى هذا الشاب بصورة غير لائقة. رُبما يكون من الصعب، لكنكِ تستطيعين تجنب هذا بإذن الله. ابتعدي عن الأماكن التي قد ترينه فيها إن أمكن. تذكّري أن الله يراقبنا دائمًا. ثانيًا، ركّزي على نفسكِ وعلى أهدافكِ وأحلامكِ للمستقبل. استغلي وقت فراغكِ في أنشطة بنّاءة مثل القراءة والرياضة وخدمة مجتمعكِ. ثالثًا، تحدثي مع أمك أو أختك الكبرى أو أي امرأة تثقين بحكمتها. اطلبي منها النصيحة والتوجيه بلطف واحترام. لا تخجلي من مشاركة مشاعرك مع من تثقين بهم. رابعًا، توكلي على الله وادعيه أن يرزقكِ الزوج الصالح في الوقت المناسب. أكثري من الاستغفار وقراءة القرآن، فهما مفتاح للسكينة والطمأنينة. أخيرًا، لا تيأسي. ما تمر به الآن مجرد مرحلة عابرة بإذن الله. ثقي أن الله معكِ وسييسر لكِ الخير إن شاء الله. أتمنى لكِ كل التوفيق.
تم النشر الاثنين، ١٧ يوليو ٢٠٢٣
نفس تجربتي في نفس سنك وبنفس مواصفات الشخص دا ،انا لحد دلوقتي بقول إن دي أكتر حاجه ساذجه عملتها في حياتي لأن مكنتش مركزه علي نفسي وعلي حياتي ولما انشغلت ونسيت الموضوع دا خالص أدركت بعدين أن مكنش مستاهل أي شيء من دا ، شكلك حد طيب وجميل ،التفكير والاهتمام دا كله لو وجهتيه ليكي هتكوني أحسن بكتير عن تجربه صدقيني ،ربنا يوفقك 💗
تم النشر الأحد، ١٦ يوليو ٢٠٢٣
عليكي بالدعاء 🤍
تم النشر الاثنين، ١٧ يوليو ٢٠٢٣
الحل هو أن تتوقفي عن مراقبته والتفكير في تفاصيله - اشغلي نفسك بأي حاجة كل ما ييجي على بالك لحد ما التفكير فيه يقل تدريجيا.
تم النشر الأحد، ١٦ يوليو ٢٠٢٣
لعرض السؤال في فدني اضغط هنا