انا شاب داخل ٣ أعدادي جبت ٨٧% في ٢ أعدادي لغات خاص ومن غير غش علي فكرة وأبويا رأيه إني ماحولش عربي وجدتي وأمي عايزين يحولوني عربي وانا حاسس إني تايه والمواد انا شاطر فيها يعني دراسات بعرف اذاكرها والماث بفهمها عادي بس الأستاذ نفسه يكون شرحه بسيط والعلوم صراحة بكرها في الحفظ بس في المسائل وكده ببقا محتاج مدرس ويكون برضو شرحه بسيط عشان في أولي اعدادي ترم اول كنت باخد مع مدرس مش بفهم منه حاجة وبعدين لما غيرته ترم تاني كان فيه تغير كبير والعربي انا شاطر فيه بس برضو محتاج مدرس يحل معايا نحو وامتحانات كتير عشان اعرف احل لوحدي والإنجليزي بعرف اذاكره عادي بس انا صراحة برضو مش بتحمس للمذاكرة يعني عارف إن لازم اذاكر عشان يبقا عندي قيمة في مجتمع وإن دي مسؤولية ولازم اكون قدها وحتي في الدين بس انا برضو كل سنة بيتراكم عليا منهج وبحبط بس انا بكون ملتزم في المذاكرة لو كنت مع مجموعة يعني لو باخد درس في بيتي والمدرس بيجي ومعايا واحد صاحبي بذاكر عشان مكنش قليل يعني بس مش لاقي الحاجة إلي تبقا جوايا إلي تلزمني للمذاكرة بس انا بحاول علي طول الاقي حل للي انا فيه
لو انت مرتاح في لغات وماشي كويس فيها وليك صحاب كويسن ودي حاجة مهمة كمل فيها واقعد مع مامتك وجدتك وافهم منهم الاسباب ان ليه عايزنيك تحول الي عربي وبالنسبة للمدرسين اختار المدرس اللي بتفهم منه ولو في حاجة مثلا مش فاهمه دور علي يوتيوب وشوف شرح المدرسين لو دروس بتتراكم عليك حاول تعرف ايه السبب يعني مثلا مواعيد دروس مش منظمة يعني درس صبح ودرس بعد العصر حاول تخليهم كلهم ورا بعض وفر وقت تذاكر فيه لو انت زهقان مثلا حاول تخرج تتمشي مع صحابك ومتنساش قبل ده كله مواظبة علي الصلاة في اوقاتها
تم النشر الثلاثاء، ٢ يوليو ٢٠٢٤
أول حاجة حابة أقولك إن مشاعرك طبيعية جدًا، إنك تايه ومحتار مش حاجة غريبة. قرار التحويل من لغات لعربي مش سهل وبيعتمد على حاجات كتير. خليني أحاول أساعدك تعرف تاخد قرار مناسب ليك بالشكل ده: الراحة النفسية والمعنوية: إذا كنت مرتاح في المدرسة اللي انت فيها دلوقتي وليك أصحاب ومدرسين بيفهموا دماغك، ده ممكن يكون عامل مهم. تحصيلك العلمي: منالك معظم المواد مش بطال وده حاجة جيدة. إذا كنت بتحس إنك ممكن تكون أفضل في العربي، حلو. بس كمان فكّر في الفترات اللي ممكن تحتاج فيها مساعدة زيادة. الأهداف المستقبلية: فكر فيما بعد الإعدادية. لو عندك طموح معين بخصوص الجامعة أو الوظائف، حاول تشوف أي مسار دراسي هيخدم أهدافك بالدرجة الأكبر. الدعم العائلي: من كلامك واضح إن في خواطر متباينة بين أهلك. مهم تتكلم معاهم بصراحة وتحط وجهة نظرك وكمان تقلهم اللي انت شايفه مناسب ليك. مهم كمان تكون انت مقتنع وتعرف توضح ليهم الأسباب. مجموعات المذاكرة: لو بتلاحظ إنك بتركز أكتر في المذاكرة لما بتكون مع مجموعة، حاول تلاقي أصدقاء تتفقوا تذاكروا مع بعض أو تتفقوا على حصص إضافية مع مدرسين يناسبوك. التحفيز الداخلي: إنك حاسس إنه محتاج حاجة تلزمك للمذاكرة ده شعور طبيعي. حاول تكون عندك أهداف صغيرة توصلها كل فترة، والمكافآت الصغيرة لنفسك ممكن تكون حافز. لو بعد كل ده لسه محتار، ممكن تاخد أسبوع تجريب مثلاً، تحاول تتخيل نفسك في كل خيار وتشوف إيه الأحسن. اخيرا، دايمًا افتكر إن المهم هو إنك تكون مرتاح مع القرار اللي هتاخده لأنك انت اللي هتعيش التجربة في النهاية. خليك واثق من نفسك ومن قدراتك وإن شاء الله هتوصل لأحسن قرار ليك.
تم النشر الثلاثاء، ٢ يوليو ٢٠٢٤
بص حواليك .. شوف نماذج ناجحه واخرى مش ناجحه... انا جيالك من المستقبل والموضوع مش كلام وخلاص والله.... هتجتهد وتتعب دلوقت هترتااااااح بإذن الله ومستقبلك هيكون واضح ومرسوم.... ديه شغلتك دلوقت اللى جاى هيكون نتيجه تعبك اللى فى المراحل الأولى من حياتك.... اجتهد واتعب نفسك عشان تجنى ثمار تعبك وانت مرتاح ومبسوط باللى وصلتله
تم النشر الخميس، ٤ يوليو ٢٠٢٤
وعلي فكرة انا صحاب شاطرين بس مش كتير يعني هما ٢ بس مش نفس اهتماماتي وواحد كمان ونفس اهتماماتي وعلي تواصل وبنخرج مع بعض عادي وبنكلم علي طول علي واتس وبنشجع بعض علي العبادة بس هوه شهر ده مسافر
تم النشر الثلاثاء، ٢ يوليو ٢٠٢٤
لعرض السؤال في فدني اضغط هنا