السلام عليكم ورحمة الله وبركاته
انا بنت عمري 18 عايشة في بيت غير سوي نفسيا يعني دايما مشاكل ومحدش مهتم بالتاني يعتبر مش عيلة يعني بدون الدخول في تفاصيل
والدتي شخصية صعب جدا التعامل معاها يعني هي تعتبر الام النرجسية هي ووالدي متجوزين عالورق بس ملهمش اي علاقة ببعض ومش بيتكلموا خالص وعاملها بلوك من كل السوشيال ميديا (هي مسافرة برا بتشتغل بتيجي اجازات بس)
انا طول عمري من ساعة ما اتولدت ببحث عن رضاها وبحاول أرضيها بشتى الطرق ومن كل النواحي دايما بتمسكلي في أول غلطة وتفضل سنين تفكرني بيها ودايما لازم أنفذ اللي بتقوله ولو منفذتوش أبقى قليلة ادب متربتش وبنت عاقة لأهلها مش عايزة ادخل في تفاصيل تعاملها معايا لأنها بجد كتير اوي هحكي بس اقرب موقف
عندي أصدقاء كتير انا بطبعي اجتماعية وبحب صحابي جدا وممكن مهتمة بيهم اكتر من اهلي لاني ببقى عايزة اهرب من مشاكل البيت عن طريقهم كنت بدور عالحنية والحب والاهتمام والتقدير لقتهم في صحابي هي بقى مش عاجبها علاقتي بصحابي عشان شايفة اني بضيع وقتي وان درجاتي مش زي الاول واني بقيت فاشلة (على الرغم من ان درجاتي السابقة برضه مكنتش بتعجبها بس بالنسبة لها كانت سيئة ودلوقت بقت اسوا)
المهم واحدة من صحباتي عندها حالة وفاة وهي في نفس الوقت تبقى قريبتي مامتي طلبت مني محضرش العزا بحجة انها مش عيزاني ادخل البيت اللي فيه العزا دا لان كان فيه مشاكل كتير زمان بس دلوقت خلاص معدش فيه حاجة ودي صديقتي وقريبة مني ودايما مع بعض وصحابي التانيين اكيد كلهم هيروحوا الا انا وكدا هتزعل مني وهيبقى حقها لاني مكنتش جنبها في وقت زي دا بس في نفس الوقت مامتي حلفت عليا مروحش وقالتلي لو روحتي مش مسمحاكي انا مش شيفاكي بس ربنا شايفك
دايما بتستعمل معايا الطريقة دي عشان عارفة اني بخاف ربنا ومحبش اعصيه ولا ازعله بس بجد مش عارفة اعمل اي هل هي حقها تعمل معايا كدا ؟ تطلب مني طلبات هتاذيني انا وتتعبني في علاقاتي ؟
ببايا قالي سيبك منها تعالي معايا وانا رايح ولما قلتله انها حلفت عليا قالي عايزة تيجي تعالي مش عايزة براحتك
مش عايزة ازعل صحبتي مني ومش عايزة اغضب ربنا اعمل اي واتصرف مع امي ازاي لأنها دايما كدا ودايما طلباتها بتبقى بالشكل دا بتحاول تتحكم في حياتي بشكل كامل طول الوقت
🎤 إجابة صوتية
تم النشر السبت، ٥ أبريل ٢٠٢٥
وعليكم السلام ورحمة الله وبركاته. أختي العزيزة، أقدر مشاعرك وظروفك الصعبة التي تعيشينها. من الواضح أنك تعانين من ضغط نفسي كبير بسبب طبيعة علاقتك مع والدتك ومطالبها، وهذا يؤثر على علاقتك بالأصدقاء ورغبتك في التواصل الاجتماعي. في البداية، يجب أن تعرفي أن بر الوالدين يُعتبر فرضًا عظيمًا في الإسلام، ولكن هذا لا يعني أن تتحملي الأذى أو السيطرة التي تؤثر على حياتك بطريقة سلبية. إذ أن بر الوالدين لا يتعارض بنحوٍ ما مع حقك في اختيار الأشياء التي تهمك والسعي وراء صداقات صحية. بخصوص موقفك مع صديقتك، من المهم أن تتحدثي مع والدتك بهدوء ووضوح. قد تقولي لها مثلاً: "أمي، أنا أقدر مشاعرك وأفهم أنك تخافين عليّ، لكن هذا الصديق يحتاجني في وقت صعب ولن أكون قادرة على مساعدته إذا لم أكن بجانبه." إذا كان بإمكانك التوصل إلى حل وسط، مثل حضور العزاء لفترة قصيرة أو مساعدتها في التوعية بالموقف، فقد يكون ذلك جيدًا. ولكن تذكّري، في النهاية، أن تقومي بما يتوافق مع ضميرك ومبادئك واحتياجات من حولك. كذلك، من المهم أن تحاولي إيجاد شخص آخر تتحدثين إليه عن مشاعرك، مثل معالج نفسي أو شخص حكيم في عائلتك، يساعدك على التعامل مع هذه الضغوط. في النهاية، اتكلي على الله بخياراتك وتذكري أنك تستحقين حياة مليئة بالحب والدعم. اشغلي نفسك بالأشياء التي تعزز من روحك وتمنحك السعادة، ولا تترددي في السعي نحو علاقات إيجابية تعزز من صحتك النفسية.
تم النشر الجمعة، ٤ أبريل ٢٠٢٥
🎤 إجابة صوتية
تم النشر السبت، ٥ أبريل ٢٠٢٥
دا ابتلاء .. اصبرى عليها .. اسمعى كلامها ولكن قولى لصحبتك وفهميها اللى انتى فيه بالظبط دون خجل حتى تتفهم موقفك ، أما امك لازم تصبرى عليها وتطيعيها قدر المستطاع مادام فى غير كفر أو معصية لله واصبرى حتى يأتى أمر الله
تم النشر الجمعة، ٤ أبريل ٢٠٢٥
ركزي في تعليمك لانه مستقبلك ، واي مشكله مع امك لازم تتفهميها وتصبري عليها ولو صار لك موقف محرج بسببها اللي حولك ممكن يتفهموا لكن امك الواجب لها الطاعه والصبر واستعيني بالله
تم النشر السبت، ٥ أبريل ٢٠٢٥
مستقبلك اهم حاجه وغير كده الحل المثالي للأشخاص النرجسية هو التجاهل التام
تم النشر السبت، ٥ أبريل ٢٠٢٥
لعرض السؤال في فدني اضغط هنا