عايزه اسال علي حاجه
انا محبطه ومكتئبه من وقت ما فسخت خطوبتي انا الي فسختها بقالي ٤ شهور ومن وقتها وانا مكتئبه يئست من كل حاجه شغل تعليم بقيت بلا هدف حتي العباده بقيت متأثرا جامد بشكل سلبي فظيع
واكتئبت اكتر لما عرفت انه خطب مع انه مش فارق معايا وانا اصلا الي طلبت نبعد لاني مكنتش مرتاحه بس اهلي دائما بيجيبوا سرته واني عمري ما القي زيه
واني خسرته ودا بيخليني محبطه اكتر بقيت مدمنه سوشيال مديا مبعملش حاجه مفيده في حياتي حتي حفظ القران وقفته والاذكار وققفته وكان ليا ورد نعني من الاذكار وقفته وانتكست بقالي اكتر من سنه لما بعمل اي حاجه جديده مش بأكملها وبفشل فيها وكلام اهلي سلبي جداااا ومأثر عليا اوووي
مش عارفه اعمل اي
وبيجيلي شعور هو ازاي يتجرا إنه يخطب وعادي كدا مع ان دا حقه جدا بس مش قادره اتسوعب ولا بتخطي مش فاهمه في اي واعمل اي تعبانه نفسيا 💔
هقولك على سببين أساسيين هما اللي عاملين معاكى كده السبب الأول/ كلام أهلك ديما وتأنبيهم لكى علشان سبتي الشخص ده السبب الثاني/ وده مهم جدا إنك لسه بتفكري في الشخص ده انا عارف إنه مش فارق معاكى بس هو لسه في بالك علشان كده لازم تنسيه خالص وتفكري في مواصفات شريك حياتك الجديد اللي نفسك فيه حابب اقولك حاجه تطمنك وإنها فترة وهتعدى لما هتدخلى مرحلة حب وارتباط ثانية مع الشخص الصح صدقيني هترجعى احسن من الاول ربنا يريح بالك ويرزقك بابن الحلال اللي يسعدك
تم النشر الاثنين، ٨ يوليو ٢٠٢٤
شكرا علي مشاركتك 🌷 اني اقبل الشعور دا بيسمح للشعور انه يمر بسلام إنكاري للشعور بيقيم جوايا عاركة قايمه ليل نهار جوه دماغي وشعور بالغضب والحزن الزيادة الذي يؤدي للاكتئاب احيانا وبيأثر علي حياتي وأداء أدواري فالحياة بالسلب بالظبط زي الموجه ناخد نفس ونغطس لحد ماتعدي من فوق راسنا ونكمل استمتاع بعدها انما لو صدناها هنوقع فالميه وممكن نتأذي انتي اخدتي قرار بالانفصال واكيد مش من فراغ احترمي قرارك للآخر من جواكي كمان ومش عشان انتي اللي طالبه الانفصال مش هتكوني مضايقة الطبيعي انك هتضايقي فمتنكريش ده علي نفسك كلام اهلك قدامك بس انك تتعاملي معاه بالرفض انك تبلغيهم انك مش عايزه تتكلمي فالموضوع ده بكل هدوء وإصرارك علي ده مره علي مره ده هيبني جواكي حاجز ضد الكلام نفسه فمش هيأثر عليكي راجعي أدوارك فالحياة وحاولي تقومي بيها علي قدر استطاعتك كونك تعدي يوم واحد بإنجاز واحد فده فحد ذاته انجاز متقارنيش نفسك بقبل كده قارني نفسك باليوم اللي قبله وحسنيه علي قدر استطاعتك ركزي مع نفسك واحتياجاتك
تم النشر الثلاثاء، ٩ يوليو ٢٠٢٤
متسيبيش نفسك للوضع ده اوعي تعملي كدا مممكن يكون صعب عليكي لأن من الاهل والمجتمع من ناحية واحساسك بالذنب انو انتي الي عملتي كدا من ناحية تانيه حاولي تبعدي كل ده عنك وخلي فكره انو هو مش فارق معاكي دي عامل عشان تخرجك من الي انتي فيه اخرجي ولو ينفع وتعرفي سافري وممكن لو لقيتي أهلك بيتكلموا فالموضوع ده كتير واجهيهم وقوللهم انك مش ناقصة الكلام ده وانو ينسوه وانو العوض أكيد هييجي بس كل حاجه فوقتها اصبرى خلاص ممكن يكون ده نصيبه وممكن بردو هو قعد فتره واكتئب بس اهلو كانوا عايزين يجوزوه فكان سهل بالنسبالهم إنهم يروحوا ويتقدموا عشان ياخد خطوه فحياته انتي كمان استني الي تحسي نعاه بالخب والسعاده بجد ومعلي متلاقيه متعديش متضايقه اخرجي سافري مع عيلتك حتي اتفرجي علي مسلسلات كومدي تركي مصري كوري اي حاجه متشغليش اغاني حزينه كل شويه وتعدي تعيطي عليها متحطيش نفسك فالموقف ده إحنا مشكلتنا كبنات ان احنا بندايق نفسنينا بنفسنا نعد نعيط ونفتكر الي مدايقنا باتفه الخجات او اي كلمه فأغنيه حاولي تخرجي من ده تخطي افرحي جربي تصحي كدا تبتسمي تروحي جيم رياضه احجزي من دلوقتي اخرجي انشالله مع أختك متفكريش نفسك بيه وابعدي عن اي حاجه سلبيه بتأثر عليكي ممكن تبعدي عن كلام الناس الرخم والي يدايقك او تقدري تواجهي الي بتحبيه يعني الناس الي بتحبيها اتكلمي معاهم وقوللهم نفتح صفحه جديده وننسي الكلام ده والموضوع ده وتستاذني انو محدش يفتحوا وخلاص ومحدش يقدر يقول حاجه لو اتكلمتي معاه باحترام وتبعدي عن الاغاني و الفديوهات الحزينه اي صور متعلقه بيه هدايا كدا وطبعا بنهايه الكلام و أهم حاجه هقولها هي الدعاء والتقرب من الله دي اكتر حاجه اوعي تبعدي عنها آخر حاجه هي ممكن تخليها تتأثر بعلاقاتك مع الناس هي علاقتك مع ربنا دي فحته والباقي كدا كلو فحته بالعكس ده انتي لما تلاقي نفسك بالحاله دي الحاجة الوحيدة الي ممكن تخرجك من ده هو الصلاه وكلامك مع ربنا والدعوه ليه الدعوه من القلب و هتوصل بسرعة لما ربنا يعرف إنك محتاجة ليه مش هيسيبك وهيعوضك مش انتي الي تسيبيه. صلي وادعي وادعي كتير ولو عايزه تعيطي عيطي مع ربنا وإنتي بتسجدي فضي الي فقلبك ساعتها اقرأي قرآن ادعيله استغفرى وأكيد ربنا هيباركاك فحياتك
تم النشر الاثنين، ٨ يوليو ٢٠٢٤
فى البدايه كده.دى مرحله بتمرى بيها بعد الانفصال فلازم تكونى قويه وتحاولى تخرجى منها لانها ممكن تأثر على حياتك كلها بشكل سلبى. حاولى تركزى فى المرحلة اللى انتى فيها حاليا وان الموقف الحالى أمر واقع ولازم اتقبل ده ابدائى انك ترجعى تانى تقوى علاقتك بربنا دى اهم حاجه لازم تبدائى بيها لأنها هتساعدك جدا انك تغيرى من روتين يومك ده هيساعدك فى التغيير ابدائى فكرى نفسك تعملى ايه وتبدائى فيه من جديد لو ليكى صديقه قريبه أو لايف كوتش اتكلمى دايما معاهم وشاركيهم افكارك اكتبى كل اللى بتحسى بيه ونفسك تحققيه وازاى ممكن توصلى لده متنسيش الرياضه بتغير كتير جدا وهتساعدك تفرغى اى طاقه سلبيه وهتبعدك شويه عن السوشيال ميديا حاولى تتجنبى عن أى مناقشات تنتهى بنتيجة واراء سلبية ممكن تأثر عليكى وترهقك انك تبدئى من جديد محتاجه انك تكونى صبورة وهتلاقى نتيجة مختلفه وافتكرى دايما أن ربنا معاكى فى كل خطواتك وبيساعدك.وانك قوية وهتقدرى 🌷
تم النشر الاثنين، ٨ يوليو ٢٠٢٤
حبيبتي، أنا فاهمة شعورك وصعب أوي إنك تكوني في الحالة دي. أول حاجة لازم تعرفيها إن مشاعر الفقد والحزن بعد فسخ الخطوبة ده طبيعي وبيحتاج وقت للتكيف. اول حاجة، لازم تعطي لنفسك الوقت إنك تتعافي. الحزن والانكسار مش حاجة تتحل بسرعة. كمان من الطبيعي إنك تحسي بالحيرة والإحباط، لكن تذكري إنك اخترتي القرار اللي حسيتِ إنه كان الأفضل ليكِ ولصحتك النفسية. بخصوص كلام أهلك، حاولي إنك توضحي لهم إنك محتاجة دعمهم مش لومهم. لو مش قادرين يستوعبوا ده، هتحتاجي تعملي مسافة بينهم وبين مشاعرك علشان ما يضغطوش عليكي أكتر. مهم إنك تلاقي حاجة تفرغ طاقتك فيها. يمكنك تبدأي حاجة بتحبيها أو حتى تجربة جديدة. أفتكري أيام لما كنت بتحفظي القرآن والأذكار، دي حاجات هتجيب الراحة لقلبك وتخليك قريبة من ربنا. أما عن السوشيال ميديا، حاولي تقللي الوقت اللي بتقضيه عليها. السوشيال ميديا ممكن تكون مصدر ضغط نفسي وزيادة مشاعر الحزن. ما تستسيغيش تحبي نفسك بشوية حاجات صغيرة، زي قراءة كتاب بتحبيه، ممارسة الرياضة، أو حتى التطوع في عمل خيري. الأساس إنك تلاقي حاجة تفتح نفسك للحياة تاني. وأخيرًا، لو حسيت إنك مش قادرة تعملي ده لوحدك، ممكن تلجئي لمتخصص نفسي يساعدك. دا مش عيب وممكن يكون حاجة تفيدك جدًا. تذكري دايمًا إنك قوية وقادرة تخرجي من الحالة دي. أنا هنا معاك وأي وقت تحبّي تتكلمي أنا موجودة. ❤️
تم النشر السبت، ٦ يوليو ٢٠٢٤
اقدر انصحك واقولك انك تبصي بنظره مستقبل خدي الا يحبك مش الا انتي تحبيه عشان متدنميش و متحرجيش انسان او تشوفي نفسك عليه اوي عشان ربنا ميحطكيش في نفس موقف اقدر اقولك كده عن تجربه متبصيش تحت رجليكي متضعيش سنين عشان شويه ايام فرصه الا بتروج مبتجيش تاني
تم النشر الاثنين، ٨ يوليو ٢٠٢٤
لعرض السؤال في فدني اضغط هنا