النهارده 10/11 اسوأ يوم عدا عليا ف حياتى .....
النهارده كنت قاعده وماسكه التليفون لقيتو فصل في حطيتو علي الشاحن وقولت هنام بعدين لقيت انى مش جايلى نوم كأن ربنا مش عايزنى انام عشان حاجه معينه تحصل المهم ، قولت علي ما التليفون يتشحن همسك تليفون بابا ف لقيت عندو تيك توك قولت اكيد مش بيفتحو اصل بابا كبير ملوش ف جو التيك توك والكلام ده بس للاسف لقيت عندو اكونت علي التيك المشكله ان انا جايه ببحث عن حاجه معينه لقيت يجماعه سجل البحث عنو حجات مرعبه خلتنى مش قادره استوعب من الصدمه باحث عن كلام وحش جدا وفيديوهات سيئه ونساء بدون ملابس وحجات كتير وعامل فولو لناس كتير اوى محتواها جنسي وانا مش عارفه ماما قصرت ف ايه يعنى عشان يعمل كده المشكله انى فتحت الكومنتات لقيتو بيبعت بستان كتير ف الكومنتات مره يقول لواحده هاتيلي بوسه ومره يقول لواحده انتى جسمك حلو وكلام غيرو ولقيت كمان جاي ليه البلاغات كتير اوى من التيك توك عشان بيشتم بألفاظ العقل ميستوعبهاش ألفاظ حتى الناس الي متربتش متقولهاش المهم يجماعه انا قلقانه وتعبانه ومش عارفه ابطل تفكير وكمان مش عاوزه اعرف حد
اكتر حاجه مديقانى فى الموضوع أن بابا حد كويس معانا وانسان طيب وبيحبنا اووووي بابا كان قاطع صلاه تقريبا طول عمرى عارفه انو مش منتظم يدوبك بيصلي الجمعه وخلاص بابا بيشتغل بعيد عننا ف تقريبا ده السبب الي مخليه يحس بالزهق والعياذ بالله يتفرج علي الحجات دى انا يجماعه عندى 14 سنه وهو عندو 56 بالله عليكم ازاى حد ف سنى ينصحو انصحو بإيه ولا إيه اصلا يجماعه انا خايفه عليه من النار اوووى مش عارفه هو بيعمل كده ف نفسو ليه بصراحه انا بقيت حاسه انو غريب وحاسه انو منافق لأن ازاى حد يبقا كويس اوى كده من برا وهو من جوا افعالو حرام وغلط رغم سنو انا مش عارفه اعمل ايه
المهم يجماعه جاتلي فكره انى اعمل اكونت ست وادخلو علي اساس انى عاوزه اتعرف عليه بعدين اعرف منو الأسباب الي مخلياه يبعد عن ربنا ويعمل كده وليه مش قادر يتحكم في شهواته وكمان عاوزه اعرف ليه ممكن يفكر بالطريقه دى رغم انو كويس معانا المهم يجماعه ماما عصبيه خالص ودايما بتتخانق معاه ماما مش بتاعت رومانسيه يمكن مش حاسس معاها بالراحه بس ايه الي مخليه مستمر اكتر من عشرين سنه عشان يجي علي كبر ويخونها المهم اعمل ايههههه؟؟؟؟؟؟؟؟؟؟؟؟؟
نتكلم فى الصح والغلط بقى ... انتى غلط انك مسكتى تليفون بابا ...ربنا مش هيعوزك تمسكى تليفونه وتشوفى اللى بيعمله ( ده انتى مش ربنا ) طيب انتى مش عاوزة حد يبرر غلطة بس هو فى تبرير للبشر كلهم اصلا .,,مش بابا بس ...انهم بشر مش ملايكة ....كل البشر الحلوين مش مثاليين ...ليهم اخطاء ...اه طبعا تختلف الاخطاء بانواعها وتصنيفاتها انتى (سواء سنك كبير او صغير او لانك موقعتيش فى نفس الغلط) مينفعش تقعدى فى منزلة القاضى وتقولى يصح وميصحش وينفع ومينفعش احنا بنشوف غلط وننكره ..ماشى نخاف على اللى بنحبهم من الذنب وعاقبته...مفهومه نتمنى انهم يكونوا احسن ونتمنى اننا منقعش فى نفس الذنب ..اللهم امين جميعا بابا كويس لنفس الاسباب اللى انتى عارفاها ومتاكده منها ....وعنده خطأ صعب ..ادعيله ربنا يبعده عنه ...وانتى خليكى النبته الصالحه االلى تخليه يتراجع عن ده ...انتى صلى وقوليله تعالى صلى بينا يا بابا اقرأى قران وقوليله تعالى نقرا سوا هاتى حديث بيتكلم عن غض البصر واقعدى اتناقشى معاه فيه عن ذنوب الخلوات وقوليله فهمهانى اكتر كل ده هيكون نوع من التذكرة لوالدك وليكى انتى كمان وان شاء الله يكون سبب فى هدايته .
تم النشر الاثنين، ١٣ نوفمبر ٢٠٢٣
الأصل في لاتجسسوا لما ربنا أمرنا بيها في القراءن كان لنفس ذات السبب اللي حصل معاكي ده انك بتفتيشك لهاتف والدك وتتبع تعليقاته وهاتفه الشخصي وصلتي لكل أسراره واللي فيها طبعا جانب اذاكي احنا بشر مش ملايكه وأفعاله بالرغم انها غلط جدااا جداااا لكن هيكون وراها أسباب لايعلمها الا الله نصيحتي ليكي تناسي تماما مارايتي وادعيله بالهدايه واغلبنا فينا الخير والشر ومحدش معصوم من الخطأ والشيطان شاطر وفي نفوس قويه بتقدر تغلب هوا النفس والشيطان وفي نفوس ضعيفه بيغلبها هوا النفس والشيطان شغلي خطب علي فونك عن المعاصي وخطورتها وسوء الخاتمه وعقوبه تارك الصلاه بصوت عالي ودايما صلي قدامه وقوليله يابابا صلي انا بحبك وعايزه ربنا يرزقك الجنه مش عيب انك تقربيه لربنا وتذكريه والمهم انك تكوني عاقله وان شاء الله ربنا يهديه ويهدي كل عاصي
تم النشر الأربعاء، ١٥ نوفمبر ٢٠٢٣
التيك توك والمواد الأباحيه عمتاً..من اهدافها الأساسيه انها تعمل ف العرب والمسلمين زي ما عملت ف والدك كدا بالظبط وللأسف هما نجحو ف كدا... مشكلتك دي حصلت مع مليون حد غيرك.. فا دي حاجة خطيرة جدا لا يستهان بها ممكن تخشي ع اعدادات التيك توك على موبايل والدك وتلغي وصول الأنترنت للأبلكيشن وبكدا كل ما هييجي يفتحه مش هيشتغل معاه.. جربي
تم النشر الجمعة، ١٠ نوفمبر ٢٠٢٣
اللي بيحصل مع والدك ده حاجه طبيعيه جدا والسبب انه مبيصليش... الأنسان اللي مبيصليش او مش ملتزم عمتاً بيكون ضعيف وهش جداً والشيطان بيتمكن منه بكل سهوله والأنسان عمتاً ضعيف خاصتاً قدام شهواته ونفسه وهواه وربنا قال كدا ...يعني احنا اصلا مفيش حاجه نقدر نستقوى بيها او نقاوم بيها شهواتنا غير دينا وعقيدتنا ع العموم عشان مطلش عليكي..... انا مع الفكرة اللي انتي قولتيها.. كلميه من اكونت فيك وواحده واحده حاولي تتكلمي معاه ف الدين وكلميه عن ذنوب الخلوات وقد اي هيا حاجه خطيرة جدا وابعتيله الحديث ده... النَّبِيِّ صلى الله عليه وسلم أَنَّهُ قَالَ : ( لأَعْلَمَنَّ أَقْوَامًا مِنْ أُمَّتِي يَأْتُونَ يَوْمَ الْقِيَامَةِ بِحَسَنَاتٍ أَمْثَالِ جِبَالِ تِهَامَةَ بِيضًا فَيَجْعَلُهَا اللَّهُ عَزَّ وَجَلَّ هَبَاءً مَنْثُورًا ) قَالَ ثَوْبَانُ : يَا رَسُولَ اللَّهِ صِفْهُمْ لَنَا ، جَلِّهِمْ لَنَا أَنْ لاَ نَكُونَ مِنْهُمْ وَنَحْنُ لاَ نَعْلَمُ ، قَالَ : ( أَمَا إِنَّهُمْ إِخْوَانُكُمْ وَمِنْ جِلْدَتِكُمْ وَيَأْخُذُونَ مِنَ اللَّيْلِ كَمَا تَأْخُذُونَ وَلَكِنَّهُمْ أَقْوَامٌ إِذَا خَلَوْا بِمَحَارِمِ اللَّهِ انْتَهَكُوهَا ) وابعتيله ده بردو قال الحافظ ابن الجوزي رحمه الله : " الحذر الحذر من الذنوب، خصوصًا ذنوب الخلوات ، فإن المبارزة لله تعالى تُسقط العبد من عينه . وأصلح ما بينك وبينه في السر، وقد أصلح لك أحوال العلانية " وحاولي تقنعيه بالتوبه وانه لو مات على المعصيه دي هيهلك وابعتيله الحديث ده مثلا.. قال النبي صلى الله عليه وسلم : ( كُلُّ ابْنِ آدَمَ خَطَّاءٌ ، وَخَيْرُ الْخَطَّائِينَ التَّوَّابُونَ ) وممكن بردو تخترعي قصة عنك وتحكيهاله ويكون فيها موعظة وبتاع واخيرا.. انا عارف انك مصدومة من الحوار ده بس متنسيش بردو انك انت كمان اوقات بتضعفي والشيطان بيتملك منك و بتعملي ذنوب ف الخلوات بس لو ابوكي عرف بيها هيتصدم بردو بس ربنا اللي ساترك وساترنا كلنا فا اتمني متبصيش لوالدك بنظرة كره او اشمأزاز بل بصيله بنظرة شفقة وادعيله كتير بالهدايه والمغفرة ولو فعلا خايفة عليه من النار حاولي تكون بنت صالحة وملتزمة على قد ماتقدري عشان ده هينجيه من العذاب ان شاء الله
تم النشر الجمعة، ١٠ نوفمبر ٢٠٢٣
بصي انتي لسه صغيرة ومش هينفع تنصحي ابوكي عشان مش هتيقبل منك ولو عملتي كده هيحصل فتنة كبيرة اوي بصي انتي تصلي قيام الله وتدعي لربنا ومرة تانية متتبعيش عورات الآخرين
تم النشر الأربعاء، ١٥ نوفمبر ٢٠٢٣
من راي نصيحتك ليه مش هيتقبلها بالعكس ف كذا احتمال انه يتحرج منك ودا هيعمل عنده جلد ذات وان ازاي بنته تشوف الجزء دا ف شخصيته كدا هيقلب معاه بمشاكل نفسيه اكتر والافتراض التاني انه يضربك وف الحاله دي انتي محلتيش حاجه وبعدها معتقدش انه هيديكي فرصه تتكلمي معاه ف حاجه زي دي فا من وجهه نظري انك تحسسيه بالحب اهتمي بيه كا اب وبنته ولو بتعملى دا فا زودي جرعه الاهتمام وقتها هيبقي ليكي الحق تتكلمي معاه ويفضفضلك او لو من النوع اللى مش بيتكلم خاصتا ان سنك صغير فا مش هيدي اهتمام انه يحكي مشاكله لبنوته الصغيره انتي طفله بنسباله فا هنا هتصاحبي ماممتك بس خدي بالك ان افضل طريقه لنصيحه انك متقولهاش باسلوب نصح لا باسلوب ان دا الافضل ليكي كأنك بتخيريها وفي الاخر افضل وقت للاستقرار هو ف السن اللى زي دا اعزريه الدنيا صعبه والشيطان والمغرياات الزمن دا اكتر ومتنسيش تدعيله بالهدايه
تم النشر الثلاثاء، ١٤ نوفمبر ٢٠٢٣
لو مكنتيش تجسستي عليه مكنش كل دة حصل
تم النشر الأحد، ١٢ نوفمبر ٢٠٢٣
متكرهيش والدك ،خليتا متفقين أن اللي بيغمله غلط كبير ،بس مثلا لو مكنتيش دورتي وكدا بالصدفة مكنتيش هتشوفي الكلام دا ،علشان كدا الرسول نهى عن التجسس ،المهم والدك انصحيه يصلي🥺،اعملى اكونت وانصخيه وعرفيه انك حد يعرفه وليه بتعمل كدا اتقي الله في عمرك ،العمر عليه حجه يغني لو لتسأل مش بيصلي ليه ملوش حجه ،ماتكرهيش والدك الإنسان ضعيف بطبعه وخصوصا ذنوب الخلوات الشيطان سببها الأكبر ممكن والدك بيقعد لوحده فبيلاقيه تعود أن يشوف الحاجات دى ،دا غلط كبير لازم توقفيه لانه نفسياً مش كويس ليه .
تم النشر السبت، ١١ نوفمبر ٢٠٢٣
لعرض السؤال في فدني اضغط هنا