جلد الذات وطول الوقت احاسب نفسي على صغائر الأمور ، من الحاجات ال بتعوق سعادتى وطول الوقت مش بعرف استمتع بحياتى بسبب كثرة التفكير فى كل الامور
ما العمل ؟
وكيف اتقبل فكرة أنه كلنا بشر وعادى انو نغلط !
أول حاجه انتي ليه مش متقبلة فكرة اننا بشر وطبيعي اننا نغلط؟ هل معتقدة ان مفيش حد بيغلط مثلا ؟ امتى الفكرة بدأت تكون في اسلوب حياتك؟
تم النشر السبت، ١ يوليو ٢٠٢٣
عليك بناء الصبر في نفسك وهذا ان تعود نفسك على الصبر وهذا الحياة ناقصه مهما فعلت
تم النشر الأحد، ٢ يوليو ٢٠٢٣
كان عندى نفس المشكله لحد ما قررت ابص للجانب الإيجابي هو انى مع كل غلطه بتعلم حاجه حتى لما كنت بعمل حاجه كبيره فى عز ما انا مضايقه كنت بفضل اقول لنفسى بصوت عالى ولا يهمك الاهم انك اتعلمتى كذا كذا عشان لو الموقف اتكرر هتعملى كذا كذا انت ممكن تعمل مع نفسك كدا
تم النشر الأحد، ٢ يوليو ٢٠٢٣
أنا متفهمة حالك بالذات فى موضوع الوسواس ده بس حقيقي كلنا غلطنا.. سيدنا آدم غلط وسيدنا يونس غلط ويعتبر كل البشر غلطوا المهم إنك تتعلمي من الغلط وتحللي سلوكك وقتها الغلط ده عملتيه ليه وازاي؟ ولو كان الغلط مش عادي مكانش ربنا خلى في إختيار التوبة ماهو خلقنا بنغلط وخلق مع ذلك إختيار إنك تتوبي عشان دي فطرة فالإنسان ملهوش تحكم فيها وبرضو لو كان الغلط عيب مكانش ربنا خلقنا بيه كل ما تجيلك الأفكار دي شوفي غيرك اللي بيغلط برضو وشوفي اللي بيغلط غلطات أكبر وبتأثر على المجتمع اللي حواليه وفالآخر بيتجاوز الموضوع برضو وبيصلح غلطه ودي مش حاجة وحشة ١٠٠٪ على فكرة ده معناه إنك بتراعي ربنا فى الحاجة اللي بتعمليها وبتسعي لإنك تبقي أحسن نسخة ممكنة فى نفسك بس خلي الموضوع ده بنسبة متوسطة متضغطيش على نفسك زيادة بالذات لو الغلطا بسيطة وافتكري إن كل اللي شافك غلطتي هينسى مش هيقعد يقول ايه ده! دي غلطت ويقعد يتكلم ويفكر فالموضوع كل يوم الحقيقة إن الدماغ نفسه والشخص ده نايم بيشيل الفكرو والذاكرة دي تلقائياً واحنا مخلوقين عشان نعبد ربنا ونغلط ونتوب ونجرب ونشوف ونعمر فالأرض.. اللي بتمري بيه ده تجربة بشرية طبيعية بل وواجبة فى بعض الأحيان ولو حابة تستشيري حد خبير فى موضوع الوساوس أو دكتور نفسي ده مش هيخليكي مجنونة زي ما الناس مفترضة كلنا عندنا مشاكل نفسية الفوبيا من أي حاجة ذات نفسها محطوطة فى قسم المشاكل والأمراض النفسية وبرضو لو فى حد معاكي علطول أو معاكي بنسبة كبيرة فى يومك قوليله الكلام ده ولما تغلطي ارجعيله وقوليله أنا عملت كزا وهو يساعدك ويقنعك إنه عادي ومع التكرار الفكرة هتترسخ فى دماغك وحاولي لما تجيلك الوساوس تعملي أي نوع من أنواع العبادة وتشغلي نفسك فالتيليفزيون أو فيديوهات بتضحك عالموبايل أو تكلمي حد بتجبيه وهكذا وربنا معاكي
تم النشر السبت، ١ يوليو ٢٠٢٣
تذكر أن الأخطاء جزء من الحياة وأنها تساعدنا على التعلم والنمو. حاول التعاطف مع نفسك بنفس الطريقة التي تتعاطف بها مع الآخرين عندما يرتكبون أخطاء.
تم النشر السبت، ١ يوليو ٢٠٢٣
عليك أن تتحلى بالصبر وأن تقرأ سيره النبي عليه الصلاة والسلام كيف صبر على اذيه المشركين رجموه بالحجارة و طردوه من من أحب البقاع عليه
تم النشر الأحد، ٢ يوليو ٢٠٢٣
عادي ما نرتكب اخطاء ده طبيعي احنا بشر وكلنا بنغلط وكلنا عندنا عيوب بنعمل ذنوب بس العبره اننا نتوب ونرجع او لما نعمل خطأ نحاول نصححه ومنكرروش تاني ونتعلم منه دي فطرة النفس البشريه اللي لازم تفهميها احنا مش ملايكه معصومين من الخطأ. اخطأي وحاولي تاني واتعلمي من أخطائك ولما تذنبي ارجعي الي الله وتوبي وارحمي نفسك من كثرة اللوم وتأنيب الضمير
تم النشر السبت، ١ يوليو ٢٠٢٣
كل بن آدم خطاء وخير الخطائون التوابون
تم النشر السبت، ١ يوليو ٢٠٢٣
انا مثلك في نفس الفكر ولكني عندي النفس اللوامه شبيهه لذلك فأنا تغلبت على ذلك بإقناع نفسي ككلامها بداخلي كلاما مقنعا أو الهاءها بشئ اخر وكل ذلك من غير كلام كل ذلك بداخلي انا من اتحكم بكل وظائف جسمي ولا اسمح لشئ ما بالسيطره عليه غيري
تم النشر السبت، ١ يوليو ٢٠٢٣
حاول تقبل فكرة إنك إنسان ومش معصوم من الغلط. كلنا بنغلط وده جزء من طبيعة البشر. متركزش على الأخطاء البسيطة.
تم النشر السبت، ١ يوليو ٢٠٢٣
لعرض السؤال في فدني اضغط هنا