عادي اسأل خطيبي ايه اللى خلاك تفكر تخطبني
واحنا لسه مخطوبين من أقل من أسبوع هوا قريبي
السلام عليكم ورحمه الله وبركاته عادي جدا ان انت تسالي خطيبك بس بلاش تقولي له ايه اللي خلاك تفكر تخطبني لان طريقه السؤال دي ممكن تبين انه يعني ان انت مقلله من نفسك وكانك مش شايفه ان فيك حاجه تخلي فيه حد يشوفك مناسبه ان هو يحب يتقدم ويخطبك ويشوفك مناسبه ان انت تكوني زوجه ممكن نسأل بطريقه تانيه لطيفه علشان يعني نعرف هو كان باصص لنا ازاي او ايه اللي لفت انتباهه فممكن نقول له ايه بقى اكثر ميزه فيا خلتك تتقدم وتفاتح اهلي في موضوع الخطوبه دي هتكون صيغة ألطف هتبين ان انت واثقه في نفسك وانك مقدره نفسك وعارفه ان عندك مميزات ممكن تلفت الانتباه لك وتخلي حد يشوف ان انت يعني فيكي صفات تخليه يحب ان انت تكوني الشخص اللي موجود جنبه في حياته كزوجه. اسألي براحتك خالص والخطوبه هو ده الهدف بتاعها تسألي كل الاسئله اللي انت عاوزه تعرفي اجابتها مفيش حاجه اسمها السؤال ده انا مش هينفع أسأله علشان ما نجيش في وقت نقول اصل انا الحته دي ما عرفتهاش في وقت الخطوبه كل الاسئله ممكن نسألها لكن بس زي ما عملنا في السؤال ده. نشوف افضل طريقه نسال بيها علشان ما نبقاش وصلنا اي فكره مش لطيفه او ما نبقاش في اسئله ثانيه ممكن نكون هنسأل في حاجات تخص الشخص ما نبقاش جرحناه شخصيا واحنا بنسأل.
تم النشر الأربعاء، ٢٦ فبراير ٢٠٢٥
ممكن بس مش بالأسلوب دا . . . مثلا تقولي له ايه اللي انت محتاجه في شريكة حياتك ولقيته في؟ يعني خلي السؤال جميل في أسلوبه كدا وميبقاش مضمونه تقليل منك.
تم النشر الخميس، ٢٧ فبراير ٢٠٢٥
وعليكم السلام ورحمة الله وبركاته. سؤال رائع ومشروع، وخصوصًا في بداية فترة الخطوبة. يمكنكِ طرح هذا السؤال بكل بساطة وأسلوب لطيف، فهو يساعد على تعزيز التواصل بينكما وفهم كل منكما للآخر بشكل أفضل. يمكنك أن تقولي له مثلاً: "أنا مهتمة بمعرفة المزيد عن الأفكار والمشاعر التي ساعدتك على اتخاذ قرار الخطوبة مني. ما الذي جذبك إليَّ؟". هذا النوع من الأسئلة يعزز العلاقة ويعطيكِ فكرة أوضح عن مشاعره وأهدافه، مما يساعدكما في بناء أساس قوي لعلاقتكما المستقبلية. تذكري دائمًا أن الحوار المفتوح والصادق هو مفتاح أي علاقة ناجحة. بالتوفيق!
تم النشر الأربعاء، ٢٦ فبراير ٢٠٢٥
اسأليه ...ايه اللي لاقيته فيا ..خلاك تقرر تاخذ خطوة الخطوبة ممكن تراسليني ابعتلك أسئلة للمخطوبين هتخليكي تفهمي طبيعة شخصية بشكل اعمق
تم النشر الخميس، ٢٧ فبراير ٢٠٢٥
هوا في الاغلب الناس بتقول عادي بس انا بقولك بلاش لان مش كل الشباب بتعرف تعبر و ممكن اسلوبه في التعبير متفهميهوش لكن حاولي ترميله كلام غير مباشر تفهمي منه و كده
تم النشر الخميس، ٢٧ فبراير ٢٠٢٥
ازاي اراسلك
تم النشر الخميس، ٢٧ فبراير ٢٠٢٥
لعرض السؤال في فدني اضغط هنا