انا مرتبطه ب شخص والحمد لله علاقتنا كويسه ب بعض بس المشكله ان هو ع طول بيقولى غيرتك اوڤر اوى هو دكتور صيدلانى وبيشتغل مدرس ف طبيعى ف بنات كتير ف حياته سواء ف كليته أو ف شغله بس هو بيشتغل ثانوى ف الفرق بينه وبين الطلاب مش كبير يعن ست سنين أو كده ف انا بغير عليه بطريقه صعبه جدا وانا معترفه ب دا ومامتى ع طول تقولى الراجل مش بيحب كده وهو تعب منى اوى بسبب الغيره والنكد انا نكديه جدا وبحب أن هو يحصل مشاكل عشان نفضل نتخانق معرفش بحس ب المتعه مع ان بفضل اعيط والحاجه دى بتكسرنى بس حاجه أن فيا حاجه غلط انا بحس ان انا بحب أذى نفسى وأذى مشاعرى برتاح لما نقعد نتخانق مفيش يوم بيعدى غير واحنا متخانقين بسببى وبسبب نكدى وغيرتى بيحصل مواقف كتير مش مستاهل ان انا انكد أو اغير وانا بتجنن وبيحصلى حاله معرفش انا وصلت لها ازاى وهو عصبى جدا يعن بيزعق اوى وممكن يكسر اى حاجه حواليه لو اتعصب بس دا لو جاب آخره لأن هو حنين أوى بجد بس انا والله معرفش مالى وكمان طريقتى معاه وحشه جدا مع ان انا بحبه جدا جدا ونفسى نكمل حياتنا سوا وهو والله كويس معايا يعن طلبت منو باسورد الاكونتات بتاعته والله ما اتأخر وفعلا ادهالى وانا اللى بقعد اقرأ شتات قديمه بينه هو واى واحده زميلته وانا عارفه ان انا هتجرح بس بعمل كده برده واقعد اعيط واتخيل حجات مش ف الواقع واقلب عليه مع ان هو معملش حاجه ولو كان عاوز يخبى عنى حاجه مكنش قالى الباسورد بس مثلا دخلت الاكونت لقيته عامل ريبلاى ع استيت بتاعت واحده قريبته اصغر منو مثلا ب سبع سنين بيقولها منوره ي جميل عملت عليها حوار وع طول يقولى انتى عيله ومينفعش تكونى مراتى ب التصرفات دى مع ان والله دا ملوش دعوه ب عيله ولا كبيره انا مش صغيره اصلا بس دى من غيرتى
غيرتى مش طبيعيه ونكدى مش طبيعى بحب أذى نفسى ب مشاعرى يعن انا عارفه ان الحاجه دى هتعمل زعل بينا وهنتخانق وهقعد اعيط بعمل برده الحاجه دى وانا جوايا حب كبير ليه بس بتكلم معاه بطريقه مش حلوه وبصراحه استحملنى كتير كتير كتير اوى ومعرفش انا ليه بعمل معاه كده ومش بحس ان هو ب إيدى والله
وانا بحبه اهه وهموت واكلمه بس لو كلمته أكلمه بطريقه مش حلوه معرفش ليه دى هرمونات مثلا ولا اى مش فاهمه...بس هو برده تصرفاته وأفعاله مش احسن حاجه يعن مثلا هو كان ليه كلام مع واحده زميلته بس عملها بلوك عشانى اكتشف بعد فتره أن هو فك البلوك كل ما اعمل البلوك يفك البلوك حتى لو متكلموش واخدت منو باسورد كل الابلكشين اللى عنده واقوله امسح الشات بتاعكم يقولى هى موصيانى عليه بس لما جيت ابعد بسبب كده مسحه بس بعد طلوع الروح حرفيا مش ب الساهل كده وهى واحده حكاكه جدا وحسيت ان ثقتى فيه قلت جدا من بعد ما كل شويه يفك البلوك من غير ما انا اعرف مع ان انا متاكده ان هو عمره ما هيحبها ولا هيكلمها...وكمان بيقولى ان نكدك دا هيجى يوم وهنسيب بعضه بسببه انا فعلا بنكد كتير وهو أعصابه تعبت بسببى ومفيش راجل بيحب النكد ولا الغيره الزياده
مبعرفش اتعامل مع المواقف دى لو واحده بعتتله أو كده بغير اوى ف بقعد ازعق واتخانق معاه وهو يتعصب عليا ف كل حاجه بتبوظ ومامتى بهدلتنى بسبب كده وبرده مفيش فايده فيا مبقدرش اسيطر ع غيرتى المشكله ان انا لو اتعاملت مع الموضوع عادى لو كلم واحده او كده واتجاهلت الموضوع هو مش هياخد باله ان انا زعلانه أو كده لا هيكمل ف الموضوع عادى هو من النوع اللى لازم ابينله ان ف حاجه عشان يلاحظ أما لو اتعاملت مع الموضوع عادى هيحسب ان دى حاجه عاديه مزعلتنيش وهيعملها تان عادى..واحنا دلوقتى برده متخانقين بسبب النكد بتاعى معرفش دا اى دا ولو اتخانقت بسبب واحده يقولى هو انتى مش واثقه ف نفسك مع ان انا اصلا مش بكون شوفت شكلها بس مجرد كلمه بنت دى لوحدها بتجننى وبعتلى انهارده اسكرين ان ف واحده دفعته اتخطبت بعتلى يقولى اتخطبت 💔💔
متأكده ان هو كان عاوز يبعتها ل صاحبه مثلا او زعلان وكده بقوله مش فاهمه قالى دا دى كذا وخطيبها يبق كذا فاكس فاكس قولت له لا فهمنى قالى دى واحده وكنت ببص عليها كتير بس يعن قولت له معجب بيها قالى لا هى بيضه بس وعيونها خضرا ودا your type بتاعه وهو محترم جدا ع فكره وملوش ف الحجات دى معرفش بق اى دا
ب المناسبه بق عشان لو اتصالحنا احنا كل شويه كده عاوزه بيدج أو حاجه تكون بتكتب ع الدبل حروف أو كده حساها مش حاجه كريتيف اوى بس ما علينا
ياه، واضح إن فيه شوية تحديات كبيرة في علاقتكوا. تعالي نحاول نفكّر في الموضوع خطوة خطوة: الغيرة والنكد: الغيرة بجرعة معقولة طبيعية، بس لو زادت أوي، ممكن تكسر العلاقة. حاول تفكر ليه بتغيري كده؟ هل علشان متخيلة حاجات في مخك مش حقيقة؟ ممكن تحاولي تكلمي نفسك شوية وتفكري بتسلسل منطقي. بناء الثقة: الثقة بينك وبين الشخص اللي بتحبيه هي أساس العلاقة. لو دايمًا بتشكّي فيه، أكيد هيكون صعب عليه يتحمل الضغط ده. حاولي تثقي فيه أكتر، ودلوقتي هو إدّاكي الباسورد بتاعته، حاول تستفيدي من الحاجة دي وتقوي ثقتك بدل ما تقلب على تاني بموضوعات قديمة. الطريقة اللي بتكلمي بيها: من الواضح إنك عارفة إن طريقتك مش دايمًا الأفضل، يمكن تراعي تحسني طريقة كلامك معاه؟ جربي تتكلمي بهدوء وبدون توتر، ولو حسيتِ إنك هتتعصبي، خدي لحظة قبل ما تتكلمي. الصراحة والتواصل: حاولي تكوني صريحة معاه بس بطريقة بناءة. بدلاً من التهجم عليه لما يحصل حاجة، جربي توضحيلوا اللي بيدايقك بعد التفكير كويس. قوليله بهدوء "أنا بحس بكذا لما بتحصل الحاجة دي، وده بيخليني أحس بعدم الأمان." الإهتمام بنفسك: انت كمان محتاجة تهتمي بنفسك وتفكري في اللي بيسعدك برا العلاقة. الهواية، الرياضة، أو حتى اليوغا، ديات حاجات ممكن تساعدك تبعدي شوية عن التفكير الزايد. الاستشارة: لو حسيتي إنك مش قادر تتحكم في مشاعرك وتصرفاتك، ممكن تبحثي عن استشارة من متخصص في العلاقة أو حتى معالج نفسي يساعدك تفهمي نفسك أكتر. بالنسبة للدبلة والأفكار الكرييتيف؟ فكر فيها بعد ما تهيأوا إن علاقتكوا تكون مبنية على الفهم والثقة. عاوزة حاجة مكتوب عليها "مع بعض للأبد" أو "قلبي وروحي" ممكن تكون لفتة حلوة. افتكري دايمًا، العلاقة الصحية مبنية على الحب والاحترام المتبادل، والهدوء والصبر بيساعدوا جدا في توصيل المشاعر من غير توتر. ربنا يوفقكوا وتلاقوا السعادة سوا!
تم النشر السبت، ١٣ يوليو ٢٠٢٤
لو هو بيحبك فعلا هيحافظ علي مشاعرك ومش هيقبل أنه يزعلك او يجرحك
تم النشر الأربعاء، ١٧ يوليو ٢٠٢٤
لعرض السؤال في فدني اضغط هنا