السلام عليكم
مش بعرف اعبر ومعنديش حد احكي له حتى الموضوع محرج بس وصلت لمرحله اني حاولت انتحر وكمان مينفعش افضل كدا
لما كنت ف تالته ثانوي كنت باخد درس عند مدرس سنه كبير وبيصلي الصلاه في معادها انا علاقتي مع اهلي مش ألطف حاجه دايما معايا شك ومش متفاهيمين المستر لاحظ اني احيانا بآجي باكيه ولاحظ علاقتي مع عيلتي مش احسن حاجه استغل ده وقرب مني من ناحيه كأب وكنت بلعب رياضة من غير ما اهلي يعرفوا
كنت اقول لهم رايحة درس واروح العب، عارفة ان اللي عملته غلط رغم انها رياضه بس هم من النوع اللي بيكتموا عليا في خروج مفيش صحاب تيجي البيت متروحيش حته وكدا طبعا سني صغير وتفيكري طفولي
كان المدرس يشجعني ويستناني انا واتنين صحابي نخلص نحكي له عملنا ايه ف النادي المهم انا اتخانقت انا وصحابي دول ورحت نقلت لمجموعه تانية وبقيت لوحدي لاني مش بعرف اصاحب. مره استنى البنات تمشي وانا اللي بلم الفلوس قالي استني فيخ ورق عاوز ادهولك استنيت وهو كان بالنسبالي الاب اللي كنت بحلم بيه فمطمنه
عطاني ورق وعطاني امتحان حليته صح قالي بمناسبه كدا هاتي بوسه اتصدمت مسكني وقعدني وقعد يحكي لي انه سافر برا وانه في شيه قالي الحضن والبوس حلال ويحكي لي قصص كان يروح حفلات
انا من الخوف اعصاب جسمي سابت ومش عارفه اتصرف وجسمي كل بيترعش وكمان من النوع اللي مش بعرف اتصرف في اي موقف وده اول موقف اتحط فيه جه ف دماغي اسايسه لاني لو صرخت ممكن يخدرني يعمل حاجه وكانت الساعه 7 بليل وهو الدرس جوه شارع ضلمه فضلت مستمعه عملت نفسي منسجمه ف الكلام وكل م اقوم اقول له نكمل يوم تاني يزقني ويقعدني ويحكي لي قصص ويقلي هتديني بوسه اقله مينفعش حاول يقنعني وقالي هديكي ف كل المواد ببلاش وهقول لاهلك فيه حصص واخليكي تخرجي بردو رفضت
حاول يتهجم عليه جريت ومشيت ف الشارع بالعافيه بتزفزف واعيط لحد م روحت اهلي رنوا عليه الساعه 8 والمستر خد الفون قالهم اطمنوا وكدا معرفتش اتصرف كنت روحت وخفت احكي لحد ف البيت لانهم عصبيين ومش بيحبوني الموضوع عدى وانا ساكته ولما حكيت ليهم لما خلصت تالته قلولي انا غلط وكنت ضربيته او صرختي ازاي اعمل كدا وانا مكنتش قادره اتحرك من الخوف
كل ده وكان عندي 17 سنه حاليا انا عندي 20 طالبه جامعيه بيجيلي كل فتره نوبه عياط وافتكر اللي حصل واعيط كتير واتنفس بالعافيه بقيت كارهة اتعامل مع اي حد كبير وبكره حاجه اسمها جواز وعندى عقده من الجواز بسبب اللي بيحصل فيه بخاف اوي
اتقدملي واحد كنت معجبه بيه واتخطبنا وحددنا الفرح بعد سنتين بس كل ما يفتح سيره الجواز اقفل ف الموضوع وافتكر المدرس واعيط عارفة ان المدرس مقدرش يعمل معايا حاجه بس فكره ان راجل عاوز يعمل معايا حاجه مش كويسه والحاجه ده اساسي في الجواز اعيط وافتكر المستر الموضوع محرج بس مش عارفة اتكلم مع مين بجد خايفة اكون ظلمته معايا بجد مش عرفه اتصرف او اعمل اي
يا أختي قصتك قشعر لها راسي انتي عانيتي وكنتي وحيدة بين أهلك وملكيش مع حد منهم ثقة والشخص اللي كان بالنسبة لك الأمل والثقة هو كمان طلع غدار وهو المدرس لا وكمان بيقولوا لكي اضربيه عموما ده اللي حصل وده اللي ربنا كتبه وأهلك الوعي عندهم قليل متلوميش عليهم لأنهم خارجين من بيئات قاسية المهم الآن أنتي محتاجة شغل على نفسك وموضوعك له حل وأكيد في كثيييير مروا بظروفك وتخطوها المشكلة •أفكار خاطئة حول الزواج السبب • شهوة ولحظة شيطان من رجل المشاعر • الإحراج •الندم والبكاء •كره الكبار والجواز البيئة • غياب الثقة والأمان مع الأهل •عدم التفاهم مع الأهل •تقييد في المنزل السلوك • محاولة الإنتحار •قفل مواضيع الجواز الأفكار • مش بعرف اعبر •مش بعرف أصاحب •مش بعرف أتصرف في أي موقف •عندي عقدة من الجواز الحل الخطأ الأول على أهلك فكان من حقك يعطوكي الحب والثقة عشان متقعيش في شباك هذا الغدار بدافع البحث عن الحب الناقص فوقعتي في شباكه بشخصية ضعيفة وكنتي جالسة معاه وساكته بدون أي كلمة وبضعف في الثقة فالشخص اللي عنده ثقة كان هيقوم ويقول له انت مش محترم وانا مش هسمحلك أوعي تفكري في التخلي عن أهلك لأنك هتضيعي أكثر ولا تلومي نفسك بدال ده خذي نفس وثقي بالله ان في أمل ببساطة عليكي تعوضي نفسك عن الحب والثقة اللي انحرمتي منها أقعدي مع نفسك ١٠ دقائق تفكير وشوفي تفكيرك ماشي ازاي وشوفي أنتي بتعيشي ال ٢٤ ساعة ازاي ؟ وأعيدي ترتيب حياتك من جديد أعملي روتين يومي فيه تقسيم بين الرياضة والترفيه والعمل (مش ضروري برا البيت) الإنجازات اليومية البسيطة دي بتحسسك بقيمتك وبتدي شعور بالرضا وأوعي تاخذي دور الضحية لأن محدش هينفعك ابني نفسك وارسمي طريقك في النهاية عندي تعليق بسيط على موضوع اللي تقدم لكي وأعجبتي بيه ده ممكن يكون وهم مش إعجاب وحصلت لناس كثير في نفس ظروفك لأنك عايشة في نقص حب مع أهلك فنفسك تطلعي تتنفسي وتعيشي حياتك فإنتي فريسة سهلة وسريعة الإنخداع بأي منافق أو نرجسي وممكن يكون راجل محترم بس القصد انك خذي وقتك مش تطلعي من مكان متعب لمكان أكثر تعبا
تم النشر السبت، ٢٥ يناير ٢٠٢٥
وعليكم السلام ورحمة الله وبركاته، أولاً، أريد أن أؤكد لك أن ما مررت به هو تجربة مؤلمة وصعبة، ويجب أن تعرفي أنه ليس لديك ما تشعرين بالخجل بشأنه. من المهم أن تتحدثي عن مشاعرك وأفكارك مع شخص موثوق، سواء كان ذلك صديقًا أو فردًا من العائلة أو مختصًا نفسيًا. تجربتك مع هذا المدرس كانت غير مقبولة، وقد أثرت بشكل كبير على مشاعرك وثقتك بنفسك ووجهة نظرك حول العلاقات. شعورك بالخوف والاكتئاب يأتي من تجربة جسدية ونفسية صعبة، ومن الطبيعي أن تكوني متأثرة بها. بالنسبة لمشاعرك تجاه الزواج، من المهم أن تفهمي أن مخاوفك مشروعة وتعكس تجاربك السابقة. لا تتعجلي في اتخاذ قرارات كبيرة، واسمحي لنفسك بالوقت والفرصة لمعالجة مشاعرك. قولي لنفسك إنه لا بأس من طلب الدعم، فهناك متخصصون يمكنهم مساعدتك على تخطي هذه المشاعر. أنصحك بإيجاد معالج نفسي أو مستشار موثوق يساعدك في التحدث عن تجاربك ومعالجتها. المساعدة الاحترافية يمكن أن تقدم لك الأدوات اللازمة لفهم مشاعرك والتعامل معها بطريقة صحية. لا تنسي أن تُعطي نفسك قيمة وأن تتذكري أنك تستحقين السعادة والراحة النفسية. الحزن والقلق ليسوا علامات على ضعفك، بل هم علامات على حاجتك للدعم. بالفطرة، نحن نستطيع أن نتغلب على الصعوبات، ومع الوقت والمساعدة، يمكنك العثور على الشفاء والاستقرار. أتمنى لك كل التوفيق والدعم في هذه المرحلة.
تم النشر الجمعة، ٢٤ يناير ٢٠٢٥
وعليكم السلام ورحمة الله وبركاته هكلمك في كام نُقطة الأول عوزاكي تفهميها كونه بيصلي لا يعني شيء غير إنه بني آدم عادي بيأدي فرض ربنا وده ميخليكيش تشُكي فـ أي راجِل بيصلي او بيعمل أي طاعة عمومَا دي حاجة ملكيش فيها... شوفي الحاجات اللي استفديتها من الموضوع ده زي إنك متديش لـ حد ثقة تامة، وإنك تاخدي حذر بعد كِده،... اللِّي حصل حصل وده كان تصرُفك انا عذراكي الإحساس فعلا يخليكي أكنك مشلولة مش عارفة تعملي إيه وبتحسي إن دماغِك وقفت وكده انتِ ملكيش ذنب لو هنفترض إنك مكنتيش تعرفي إن ينفع تكوني انتِ وراجل لوحديكُم، ولو كنتي تعرفي فَـخلاص خدي العِبرة من اللي حصل. ومتوقفيش حياتِك على الموقف ده الجواز ده جميل جدا و العلاقة الجنسية أحلى شهوة ربنا خلقها بس وضعها تحت إطار الزواج حفظاً ليكِ عشان في فترة الخطوبة تعرفي الراجل اللي انتِ معاه ده كويس ومناسب ولا لاء فاهمة... ربِّ يوفقك ويسعد ايامك و يريح قلبك 🤲🏻 ممكن تشوفي هنا ف التطبيق عن مشاكل التحرش وإجابات الخُبرا على الموضوع ده...
تم النشر السبت، ٢٥ يناير ٢٠٢٥
انتي شجاعه علشان قررتي بأنك تحكي..موضوع صعب بس لازم تحاولي تتخطيه علشانك قبل علشان اي حد..جربي جيبي ورقه واكتبي فيها كل حصل هتعيطي هتخافي هتبقي عايزه توقفي ايوه كل ده يحصل بس انتي اقوي..صلي قيام ليل و ادعي ربنا كتير وجربي تكتبي زي مقولتك كل حاجه بتفضل بعدين احرقي ورقه وقومي اقراي قران وحاولي تتجازوزي خوفك لو خطيبك ده كويس احكيله موضوع علشان ممكن يقدر يساعدك ربنا يوفقك
تم النشر الأحد، ٢٦ يناير ٢٠٢٥
اولا انتي مش ليكي ذنب في اي حاجة وانتي مش غلطانة في حاجة فاسيبك من الموقف دا وانسيه تمام وعيشي حياتك مفيش حاجة حصلت وكملي مع خطيبك بس نصيحة أوعى تحكي لخطيبك اللي حصل دا لانه مش هينسى وهتعملي فجوة ما بينكم على الفاضي
تم النشر السبت، ٢٥ يناير ٢٠٢٥
ربنا غفور رحيم سامحي نفسك وانتي الماضي ومتتكلميش عن نفسك بسلبيه وربنا هيرزقك انسان كويس وهتخلفي وهتربي اولادك وهتنسي المهم تستمري في الحياه متخليش لحظات في حياتك توقفك قربي من ربنا والحمد لله انها جت علي قد كده
تم النشر السبت، ٢٥ يناير ٢٠٢٥
قربي من ربنا اكتر وبصي للجوز علي انة حاجة كويسة وبعد كدة ھيبقي عندك ولاد وتعامليھم احسن من معاملة اھلك ليكي وھتكوني مبسوطة بيھم وزوج اھم حاجة تحسي بالأمان معاه وتكوني عارفة ان ھيطمنك لما تكوني خايفه يعمل معاكي حاجة وتحكي له ان الموضوع يجي معاكي تدريجيا واھلك حاولي تتجنبيھم وتفتكري دايما ان المستقبل افضل مع شخص تحسي معاه بالامان
تم النشر السبت، ٢٥ يناير ٢٠٢٥
لعرض السؤال في فدني اضغط هنا