انا على صداقة مع بنت (مش ارتباط) بس انا تبت من ذنوب كتير كنت بعملها ومنهم اني مش عايز اكلمها تاني ف عاوز طريقة اقولها كدا متخليهاش تزعل
اتكلم بصراحة معاها، ادخل قولها انتي طبعا عارفه اننا بنعمل معصية وان مينفعش تكون فيه صداقة ما بين بنت وولد. ممكن تقولك يعني انت لسه عارف؟ هتقولها الحلال والحرام معروف كده كده، بس الواحد لما بيقدر يبعد عن الحرام .. ف طبعا يستحسن انه يبعد. وانتهاء العلاقة ما بينكم بصراحه وبشكل قاطع احسن من انك تختفي، او تتعامل معاها بطريقة مش كويسة .. ف الصراحة والوضوح اسلم حل.
تم النشر الثلاثاء، ٢٧ يونيو ٢٠٢٣
السلام عليكم ورحمة اللّٰه وبركاته اولاً هنيئاً لتوبتك ، ثانياً هي كده كده هتزعل بس إنت إذا كنت بتحبها بجد إوعدها إنك لما تبقي قادر هتاخد خطوة جدية في الموضوع وفهمها إن اللي بتعملوه حرام وإطلب منها تُعينك ع إكمال الطاعة وفهمها إنك خايف عليها وع نفسك من الذنوب وإنكو لازم تبطلوا كلام وإن شاء اللّٰه هي كمان تستجيب للكلام وربنا يهدينا ويهدي كل عاصي يارب ودايماً إسأل اللّٰه الهِداية وربنا يقدملك ڪُل الخير يارب
تم النشر الثلاثاء، ٢٧ يونيو ٢٠٢٣
قولها بصراحة حزم وفنفس الوقت بذوق وأسلوب كويس وهي طبيعي جدا تزعل بس أنت لازم تعمل كدا يعني قولها إن الصداقة مع البنات حرام وأنا توبت لربنا ومش هينفع نتكلم تاني وأمسح الرقم وأقفل كل الأبواب الي ممكن تخليك ترجع تتكلم وحاول كالما أخدت قرار وعرفت الصح متتناقش معاها وارد هي تقولك أيه الدليل وكون إن أنت تقعد تتناقش معاها دا فحد ذاته ممكن هي تقنعك إنكوا تقللوا كلام بس متقطعوش أو تضعف موقفك والشيطان لو مداخله ف الخلاصة قولها الصراحة وبعدين أقفل كل الأبواب وربنا سبحانه وتعالى يعينك يارب
تم النشر الجمعة، ٣٠ يونيو ٢٠٢٣
قولهالها صريحه هى هتفهم ده بس حاول على قد ما تقدر تكون صادق وان هى تصدقك أو لا ده بتاعتها
تم النشر الأربعاء، ٢٨ يونيو ٢٠٢٣
بص انا كنت ع فترات ببقى ف العلاقات دى نصيحه قولها ان كلامك معاها بيضرك وبيضرها وانك مش هاتكلمها تانى وقولها مينفعش تكلمينى تانى وش كدا وقوم قافل الحوار وامسح رقمها من عندك وقفل اى طريق ممكن تتواصل معاها بيه بعد كدا وصدقنى هيا مش هتتحايل عليك ع ترجعوا تكلموا بس انشف وخليك جد وحازم وانت بتقولها وصدقنى لو قابلتك صدفه مش هاتبص فى وشك زى ما حصل معايا😂
تم النشر الأربعاء، ٢٨ يونيو ٢٠٢٣
انها تزعل دلوقتي أحسن م تتعلقوا بحاجه حرام ف ادخل اتكلم بكل صراحه بلاش لف وحوارات
تم النشر الثلاثاء، ٢٧ يونيو ٢٠٢٣
لا متقولهاش يخوية عشان ما تفتح باب عنفسك، تفضل اعمل بلوك وما تأبه لمشاعرها ابدا عشان ما تخلي للشيطان سبيل، توب وركز عنفسك وسيبك منها ومن كل طريق بتوصل الها
تم النشر الثلاثاء، ٢٧ يونيو ٢٠٢٣
حاضر هعمل كدا
تم النشر الثلاثاء، ٢٧ يونيو ٢٠٢٣
شكرا لحضرتك
تم النشر الثلاثاء، ٢٧ يونيو ٢٠٢٣
قولها انك بتحاول تقرب من ربنا وانصحها هي تقرب
تم النشر الثلاثاء، ٢٧ يونيو ٢٠٢٣
لعرض السؤال في فدني اضغط هنا