انا فتاة في مرحلة الجامعة وانا متدينة وخجولة لم يكتب الله لي التوفيق في العثور على صديقات من نفس دفعتي كن متكبرات وايضا متفلتات بدأت المشكلة منذ ثاني اسبوع من دوامي حيث بدأ الاولاد بالتنمر علي حيث أني أتجاهلهم وإذا أردت السؤال اسأل فتاة دائما عندما امر يضحكون وينطقون باسمي أو يحاولون لفت انتباهي لأني أغض البصر باقي الفتيات يتحدثون مع الأولاد
وأحيانا يبدأون بنطق اسمي بصوت مرتفع وأحيانا يطرقون أسفل الكرسي الذي أجلس عليه وأنا لا أعرف أشكالهم الا قلة لذالك لا اعرف من قال أحس ان ثقتي اصبحت مهزوزة ولا يمكنني ترك الكلية لأن باقي الكليات بعيدة جدا عن بيتي ولا يمكنني التحدث لاحد اصبحت اكره الكلية واعاني من رهاب اتمنى مساعدتي
السلام عليكم ورحمه الله وبركاته انت بنوته جميله ومحافظه على دينك وده شيء جميل جدا لكن خليني اقول لك انه في مساله غض البصر او في مساله التعاملات انا حاليا محتاجه اني اعرف اكون قصاد الاشخاص اللي قدامي مش شخص سهل ان هم يضايقوه هل كده هبقى خرجت من نطاق التدين وغض البصر باني ابدأ اتعلم ازاي اوجه الكلام لحد واقول له بطل اللي انت بتعمله ده وقف الشيء اللي بياذيني ده؟ لا مش هتكوني خرجتي من التدين بتاعك خالص وهنا احنا محتاجين نبدا من النقطه دي اللي ممكن تكون هي السبب في الرهبة الاجتماعيه اللي عندك ان انا عاوزه اعرف اتعامل مع الناس لكن في نفس الوقت مش عايزه اوصل لمرحله التفلت زي ما انت قلتي على البنات التانيين مش عايزه الموضوع ياخدني والاقي نفسي بكلم الولاد عادي الاثنين مش شرط يرتبطوا ببعض انا ممكن اكون شخصيه بتعرف تتعامل اجتماعيا ومع ذلك محتفظه بالتعليم بتاعه الدين بتاع بتاعي لانه انا دلوقتي عارفه انا خارجه بره بتتعامل مع الناس عشان ايه انا ليا هدف الهدف هو ايه هو الهدف الدراسي بس كده طيب في وسط الدراسه او في وسط منها رايحه في المواصلات او ماشيه في الشارع هل مش هتعامل مع اشخاص؟ طيب هتعامل مع اشخاص بمختلف الانماط عندي ناس هتكون كويسه وناس ثانيه هتكون وحشه ناس بتتمنى الخير وناس ثانيه بتتمنى الشر ناس غير سويه ولازم اكون عارفه اتعامل مع كل الانواع دي طب هو الموضوع صعب لا والله الموضوع مش صعب خالص الموضوع محتاج بس انه انا ابدا أدرب نفسي ان ما فيش مشكله من اني ارفع عيني وابص للي قدامي واثبت نظرتي عشان هو يتكسف طيب هو ما اتكسفش بتثبيته نظرتي دي انا محتاجه ادرب نفسي اني اقول له احترم نفسك طب الكلام ده هنعمله ازاي يعني هجيب حد يتدرب عليه لا مش شرط اجيب حد يتدرب عليه ممكن ادرب نفسي في البيت في الاول هيحس اني مهزوزه وفي الاول احس اني مش عارفه اخد نفسي او مش عارفه ابلع ريقي او كلامي اصلا طالع مهزوز ده اكيد هيتريقوا عليا اكتر لا لو اتريقوا مره بعد كده هيعرفوا ان دي حدودي فهعرف اوقفهم. البنات اللي موجودين معاكي تقدري حتى وانت بتتعاملي معاهم تخلي ناس منهم هم اللي يبقوا بيدافعوا عنك تعملي ده ازاي مش شرط حتى لو البنات مش شبهك انك يكون لك علاقه قويه معاهم هو يكفي علاقه الزماله مش اكتر من كده دي تبقى بحدود واضحه جدا لا يعني مش هتقعدي معاهم وقت طويل ان هم بيتكلموا في مواضيع ما تهمكيش او ما بتعجبكيش او بعيده عن الطريق بتاعك انك هتحضري معاهم محاضره او حتتكلمي في اللي يخص الدراسه ده تمام والحاجات دي محتاجه كلها تشتغلي عليها تلاقي الموضوع ان شاء الله فارق معاكي حاجات بسيطه وبسيطه جدا جدا اتدربي عليها في البيت ومارسيها لما تنزلي الكليه وتحملي ان هي هتاخد وقت شويه لكن ما تستسلميش ابدا لانك تستاهلي انك تكوني شخصيه قويه زائد انك شخصيه جميله ومتدينه وان شاء الله ربنا يعينك اسالي دائما ربنا انه يعينك دي من اهم الحاجات في وسط ما احنا بنعمل اي حاجه نسال الله الاعانه ان شاء الله ربنا يعينك وتقدري تكوني في وضع احسن وما حدش يأثر عليك باي كلمه نهائي.
تم النشر السبت، ١٥ مارس ٢٠٢٥
السلام عليكم ورحمه الله مبدئياً هما ممكن يكونوا بيعملوا كده عشان شايفين انك احسن منهم في نقطة هما ميقدروش يوصلولها أساسا وده طبيعي في اي مكان نروحه نلاقي كده أشخاص اما يحسوا ان اللي قدامهم احسن منهم في حاجة معينة يبدأو كده يتنمرو وينمو عليه لحد أما يكره عيشته انتي ممكن كمان تشتكيهم لادارة الكلية بس الاهم متخليش حد يهز ثقتك في نفسك ولا حتى يكرهك في المكان اللي انتي فيه لان الشخص مش هيتنازل عن حقه بسبب شوية ناس نفوسهم مريضة وادعلهم ربنا يشفيهم
تم النشر الأحد، ١٦ مارس ٢٠٢٥
النبي صلى الله عليه وسلم قال: "يأتي على الناس زمان الصابر فيهم على دينه كالقابض على الجمر" . دي حاجة الحاجة التانية هي إن الشخص القليل هيتعمد يقلل من اللي قدامه عشان مايحسش انه لوحده تحت، فتلاقي اللي بيتكلم وتلاقي اللي بيضحك وتلاقي اللي بيتجنبك أصلا... فسيبك من الصنف دا. لو ملاقتيش اللي يمشي معاكي نفس الطريق.. امشي لوحدك، اعتمدي على نفسك وثقي في نفسك ماتخليش كلامهم يجيبك أبدا ورا. كان فيه حديث بس انا مش فاكرة النص بتاعه.. معنى الحديث ان النبي صلى الله عليه وسلم دخل مرة على صحابي وحب يهزر معاه فقاله هبيعك في سوق العبيد، فرد الصحابي وقاله "اذن ستجدني كاسدا يارسول الله" لإنه كان صحابي وحيد مايعرفش حد وماحدش يعرفه بالرغم من انه صحابي. فحبيبتي خدي الموضوع عادي ماتخليهوش يفرق معاكي ومع الوقت مش هيفرق فعلا وشيلي نفسك بنفسك ولو كان تجنبهم وتنمرهم عشان انتي متدينة فصدقيني ربنا هيعوضك.
تم النشر السبت، ١٥ مارس ٢٠٢٥
ماشاء الله ايمانك قوي 💪، ثقتك اي اللي تتهز دانتي قدوه يا بنتي ربنا يحفظك اللي زيك لازم يتشال علي الراس و هما مايستهلوش ملاك زيك يكون وسطهم لازم يهاجموكي اعوذ بالله منهم انا بروح الكليه و بتعرض برضو لنظره غريبه من اللي حواليه اللي هما بيكلموا ولاد برضو يابنتي دي غيره علشان انت نضيفه انا انا كنت ساكنه على فكره وقعت مع بنات وحشين كده وعرفت ان هم نفسهم يكونوا زينا وواحده منهم اتكلمت معايا على فكره كل اللي بيعملوه ده بسبب غيره وحقد مش اكثر وهم بيعملوا كده علشان خدوا على كده بيبقوا عايزين يداروا على اللي هم بيعملوه فبيتريقوا على غيرهم عشان ما يحسوش ان هم في الارض وانت فوق لازم يتريقوا عليك عشان يحس عشان يحسوا ان انت اتضايقتي عشان يحسوا ان انت مش مبسوطه عشان يحسوا ان انت مش احسن منهم لان طول ما هم شايفينك قويه ولابسه كويس ومستتره وهم لا وكمان في حالك وما بتكلميش ولاد مش هيكون في حاله كويسه وهم عارفين ان هم مش هيغيروا نفسهم من يوم وليله فبيحاولوا يقللوا منك انت لان هم عارفين انه مستحيل يعلو وهم كده
تم النشر الأحد، ١٦ مارس ٢٠٢٥
بارك الله فيك اختى ثبتكِ الله. يرجي التحدث مع المختص النفسي في الكليه أو مع أحد أعضاء هيئة التدريس الذي تتوقعين منه أو منها المساعده، كأن تختاري أكثرهم تدينا في نظرك لانه في الغالب سيكون أكثر من يساعد إن شاء الله. وتوجهي لله بالدعاء واصبري واحتسبي الاجر
تم النشر السبت، ١٥ مارس ٢٠٢٥
أشعر بمعاناتك، وأدرك أن التنمر يمكن أن يكون تجربة مؤلمة وصعبة. من المهم أن تعلمي أنك لست وحدك، وأن الكثير من الأشخاص يواجهون مثل هذه التحديات. إليك بعض الأفكار التي قد تساعدك في التعامل مع الوضع: الإيمان بالنفس : تذكري دائمًا أنك ذات قيمة عالية، وأن شخصيتك وقيمك لا تتأثر بتصرفات الآخرين. تذكري أن احترام النفس والثقة بالنفس هما الأهم. البحث عن دعم : حاولي البحث عن شخص موثوق للتحدث معه، سواء كان أستاذًا أو مستشارًا في الجامعة. يمكن أن يكون الدعم من شخص أكبر منك ذي خبرة في التعامل مع هذه الحالات مفيدًا. تجنب الردود السلبية : بينما تتعاملين مع هؤلاء الأشخاص، حاولي تجنب الردود التي قد تجعل الموقف أسوأ. حفظ البصر وتجنب مواجهتهم قد يكون هي الطريقة المثلى للتعامل معهم. إيجاد أصدقاء مشابهين : حاولي الانخراط في أنشطة أو مجموعات في الجامعة تحتوي على فتيات يتشاركن معك نفس القيم والاهتمامات. يمكنك العثور على من تعرفن قيمك ويلتزمون بنفس المبادئ. التواصل مع الإدارة : إذا استمر التنمر، فلا تترددي في التواصل مع إدارة الجامعة. من حقك أن تتعلمي في بيئة خالية من التنمر والإساءة. العناية بالنفس : ضعي بعض الوقت لنفسك لتشغلي جهودك في أشياء تحبينها، سواء كانت هوايات أو أنشطة تحبينها، فهذا يمكن أن يعزز من ثقتك بنفسك. تذكري أن كل تجربة صعبة تمرين بها يمكن أن تعزز قوتك وتعلمك كيفية التعامل مع التحديات بشكل أفضل. أؤمن بقدرتك على التغلب على هذه المرحلة، ونسأل الله أن يوفقك وييسر لك أمورك.
تم النشر السبت، ١٥ مارس ٢٠٢٥
بارك الله فيك اختى ثبتكِ الله. يرجي التحدث مع المختص النفسي في الكليه أو مع أحد أعضاء هيئة التدريس الذي تتوقعين منه أو منها المساعده، كأن تختاري أكثرهم تدينا في نظرك لانه في الغالب سيكون أكثر من يساعد إن شاء الله. وتوجهي لله بالدعاء واصبري واحتسبي الاجر
تم النشر السبت، ١٥ مارس ٢٠٢٥
يا حظك بالتوفيق من رب العالمين
تم النشر الأحد، ١٦ مارس ٢٠٢٥
دافعي عن نفسك عادي جدا متسمحيش لحد يقول اسمك حتى الاسلام عمرو مقال نسكت عن حقنا
تم النشر الأحد، ١٦ مارس ٢٠٢٥
طبعا الصبر على الجاهلين ويجب اخبار احد والا كيف ستحل المشكلة
تم النشر الأحد، ١٦ مارس ٢٠٢٥
عَسَى اللهُ أن يُكثِرَ من أمثالك ❤
تم النشر السبت، ١٥ مارس ٢٠٢٥
بوركتِ أختي الفاضلة ♥♥❤
تم النشر السبت، ١٥ مارس ٢٠٢٥
لعرض السؤال في فدني اضغط هنا