حاليا بخلص اهو امتحانات ثانوية عامة...وأناا حلمي كلية معينة ومش شايف نفسي غير فيهاا ..وأناا بحلم بيهاا من صغري والله ونفسي بجد أني أوصلها يعني مش حكاية أنهاا كلية قمة او غيره يعني....وحاسس أني هدمر كلياا موصلتلهااش..بس بضحك علي نفسي دايماا أني فيه اختيارات كتير وحياتي مش هتقف عليهاا وكدة بس من جوايااا بدمر فعلياا كل مفكر بس أني ممكن موصلهااش...ممكن طريقة للتعامل مع الشعور ده...؟ 🖤
أهلا بيكي، مبروك اكتمال امتحانات الثانوية العامة. أنا فاهمة إنك بتحلمي بكلية معينة من زمان ونفسك توصليها، بس مش متأكدة إنك هتقدري توصليها وده بيسببلك قلق وتوتر. ده شعور طبيعي جدا وممكن نتعامل معاه بطرق مختلفة: 1. إقنعي نفسك إن فيه احتمالات كتيرة والحياة مش هتوقف عند كلية واحدة بس. فيه كليات تانية ممكن تبقى مناسبة ليكي أكتر. 2. ركزي على الإيجابيات - إنك لسه في الثانوية العامة وممكن يطلع معدلك عالي وتقدري تدخلي الكلية اللي عايزاها. ولو مش دخلتيها، فيه فرص تانية قدامك حتى لو بعد كده. 3. تذكري إن القلق والتفكير السلبي مش هيغيروا النتيجة. لو كنتي هتقدري تدخلي الكلية دي هتدخليها سواء قلقتي ولا لأ. فاهمه نفسك إن القلق ده مالوش لازمة. 4. تحدثي مع حد قريب منك عن مخاوفك وقلقك، ده بيساعد في التخفيف من التوتر. 5. استمري في أنشطتك المعتادة والأشياء اللي بتستمتعي بيها، عشان متركزيش فكرك على موضوع واحد بس. إن شاء الله تكوني قادرة تتحكمي في قلقك وتوصلي للي تتمنيه. في إيديك يا بنتي، قولي: هقدر وهوصل إن شاء الله
تم النشر الخميس، ٦ يوليو ٢٠٢٣
الكلية دي لو جت يبقا دي الخير ليك طب لو مجتش؟ مش الخير ، عارفة انك سمعت كلام ده كتير و انك عارفه بس مش هتدركه غير لما تخلص الثانوية و ربنا يكتبلك الخير في كلية ما هتعرف ساعتها معني كلام ده . يعني ببساطة لو ربنا شايف ان مستقبلك في كلية دي هيكتبلك الخير فيها و العكس صحيح. مثال عليا مثلاً طول عمري كنت بحلم بكلية ما بعدين كبرت بدأت افكر و انا في ثانوية عامة هو انا عايزه الكلية دي فعلاً؟ هبقا مبسوطة و انا فيها؟ ولا ده مجرد حلم طفولة و من انا صغيرة و بس ؟ و حقيقي كنت تايهة و كنت بدعي يارب انا عايزه الكلية الي تكون الخير ليا و اعرف احقق ذاتي فيها. بعدين جت ثانوية و خلصتها و نتيجة مكنتش مرضية خالص بالنسبة لي مع إني عملت كل الي عليا ساعتها فضلت اعترض و اقول يارب ليه انا تعبت طب انا قصرت في يوم؟ طب كان مفروض ابذل مجهود اكبر؟ و خد وقتي في الحزن و طبعا زعلت علشان احنا بشر و لازم ندي لمشاعرنا وقت بس غلط نديلها وقت زيادة عن اللزوم و سيبك من الناس الي تقولك قوم و متعيطش و عافر لا عيط و ازعل و تخلص من كل مشاعر دي بس بعدها قوم و اوعي تقع،بس صدقني دلوقتي بعد ما دخلت الكلية أنا لو خيروني بين كليتي حالياً و كلية الي كنت بحلم بيها هختار كليتي حالياً بكل رضي ، علشان ببساطة لاقيت نفسي فيها و ان ايوة هو ده الي انا عايزاه و الايام ثبتتلي ان كلية الي بحلم بيها علي طول مكنتش تنفع بنسبة ١٪ معايا لأسباب كتير اوي ف بقول الحمدلله يارب انك اخترتلي الخير ليا. لكن علي جانب آخر لو جتلك الكلية الي نفسك فيها يبقا هي مكتبولك الحمدلله و ربنا كتبلك الخير فيها و هنياً لك. و صدقني مع مرور اول سنة ليك في كلية الي ربنا كتبلك الخير فيها هتكتشف ان الحياة فيها حاجات تانية كتير اوي اكبر من الحياة دراسية و مهارات كتير اوي لازم نكتسبها بعيد عن الدراسة و ان دراسة دي جزء من الحياة و مش هي كل الحياة هتكتشف ان في هوايات تانية كتير عندك في مجالات مختلفة و هيبقا عندك رغبة في انك تنمي هوايات دي و هتبقا دراسة جزء من حياتك مش هي محور حياتك. الحياة جامعية بتطلب منك مجهود في تطوير ذاتك دراسياً و مهنياً يعني ببساطة انت بتبذل مجهود علشان تتفوق في جامعة الي انت فيها و في نفس وقت بتبذل مجهود علشان تطور ذاتك و تهيأها لسوق العمل بالكورسات و الشغل علي نفسك و بتهيأ نفسك كمان لتطوير ذاتك علشان تقدر تواجه الحياة انت يا دوبك طول عمرك كنت في مدرسة و لسه يادوب بتبدأ تشوف الحياة انا شخصياً بعتبر الحياة المدرسية دي مهما واحد كان حاسس فيها انه كبير لما هينتقل منها هيعرف انه كان لسه صغير اوي و لسه مش عارف حاجات كتير عن الحياة زي العصفور بظبط الي فضل طول عمره محبوس في قفص و خرج للنور احنا بنبقا كده بظبط لسه يادوب بنقول الحياة فيها ايه؟ اوعي تتخيل ان ده اخر مطاف صدقني هتلاقي حاجات تانية كتير اوي مستنياك ف ارجوك متفقدش الأمل. و أيا كانت النتجية لازم متبطلش تحلم و تسعي لأحلام كتير و تحقيق ذاتك و مستقبلك . اتمني لك نتيجة مرضية إن شاء الله و مستقبل مشرق🤍
تم النشر الخميس، ٦ يوليو ٢٠٢٣
انا كنت زيك كداا وللأسف مجبتش مجموع الكليه اللي كان نفسي فيها بس ربنا كرمني بكليه حلوه وممكن يكون أفضل م اللي حلمت بيه دايما اختير ربنا بيكون احسن ف قولي يارب اختارلي الخير ونتي ف الوقت دا المفروض بتذاكري وتعملي اللي عليكي عشان ربنا يكرمك ربنا قال اسعي يا عبد وانا اسعا معاك ف اتعبي عشان ربنا يكرمك
تم النشر الجمعة، ٧ يوليو ٢٠٢٣
هى سكة واحده بس للاقتناع شوفى كل الناس اللى غيرت نوع شغلها بعد الكليات اللى كانوا متحمسين ليها بردوا ف الاول....الحياه العمليه بنسبة كبيرة هتغير فكرتك بتاعت ثانوى دى. وما كتب لكى هو الخير وان لم ترى فيه الخير فى الحال.
تم النشر الخميس، ٦ يوليو ٢٠٢٣
الفكرة كلها تكمن ف الرضا وتبقى متيقنة تماما انه اللى هيجى هو خير ليكى وده اللى ربنا كاتبه، اكيد هتزعلى وكدة بس متاخديش وقت فيه، ربنا يوفقك ويكتبلك الخير وتحققى اللى بتتمنيه
تم النشر الأربعاء، ٥ يوليو ٢٠٢٣
لعرض السؤال في فدني اضغط هنا