هخلص جيش الشهر الجاي ومش حاسس بالفرحه زي زمايلي بالرغم اني تعبت كتير في السنه واتمرمط وشوفت التعب بكل أشكاله هل ده طبيعي اني ابقا كدا
هل اتعودت علي الحياة بتاعة الجيش؟ ولا عندك خوف انك مش عارف هتعمل ايه بعد ما هتخلص جيش؟
تم النشر الاثنين، ١٦ يناير ٢٠٢٣
عادى انت عارف ان دى مرحلة وعدت ...شاركهم اى حاجة بيعملوها حتى لو مش حاسس زيهم. وشوف هتعمل ايه بعد الجيش.وكمل حياتك
تم النشر الأربعاء، ١٨ يناير ٢٠٢٣
ممكن طول فتره الجيش الي كنت فيها او الصعاب الي مريت بيها هناك او بسبب بعض مشاعر الاحباط من فكره وبعد الجيش هعمل ايه لسه هبدأ من اول وجديد او عشان بقالك فتره ف روتين واحد ف مليت احساس الملل يخليك مش فارق معاك طلعت ولا فضلت عادي وطبعا انك تحاول توصل لأقرب سبب هيساعد جدا عشان نساعدك تحل المشكله دي
تم النشر الثلاثاء، ١٧ يناير ٢٠٢٣
يمكن دة من اللي مريت بيه في الجيش .... حاول تفكر في ايه مثلا الحاجات اللي هترتاح منها اما الجيش يخلص يمكن تشعر بنعمة انكك هتخلصه
تم النشر الثلاثاء، ١٧ يناير ٢٠٢٣
لعرض السؤال في فدني اضغط هنا