أنا فيا حاجات كتير حلوة بس عندي مشكلة مش عارفه اتغلب عليها ابدا بجد أنا بكذب للأسف حاولت أتغلب على المشكلة دي بجد مضايقاني مش عارفة اتكلم مع حد فيها علشان خايفة ينتقدونى او يخافوا مني و انا بحفظ سرهم ، أنا بحاول و اقعد أقول لا مش اكذب بس و انا بتكلم فجأة القيني اخترعت حكاية و لا أعرف جت منين، طب ليه معرفش و اتحرج بعد كدا أقول أنا كذبت ، أنا بقيت بتفاجئ لما بكون بتكلم مع حد و القيني مألفتش حاجة و أغلبهم بيكون كذب عني شخصيا يعني و من غير تجريح بجد مش بأيدي ، هل دا ناتج طيب عن عدم رضا بالذات
ايه الهدف من انك تكدبي ؟ الانسان بيكدب عشان خايف من حاجة او بيكدب بهدف لفت الانتباه او بيكدب بسبب سوء طبعه وخبث نواياه فانتي اني واحد من دول ؟ واي نوع من التلاتة بعد ما تكدبي هتلاقي نفسك بقيتي وحشة اكتر في نظر نفسك وكمان في نظر اللي قدامك لان اكيد هما عارفين انك بتكدبي وبتألفي بس يمكن محدش بيرضى يحرجك لكن هيجي وقت وهتلاقي نفسك بتخسري كل حاجة ده كمان فيه حديث للنبي عليه افضل الصلاة والسلام عن الكذب "وإيّاكم والكذِبَ، فإنّ الكَذِبَ يَهْدِي إلَى الفُجُورِ، وإِنّ الفُجُورَ يَهْدِي إِلَى النّارِ وَمَا يزَالُ العبْدُ يَكْذِبُ وَيَتَحَرّى الكَذِبَ حَتّى يُكْتَبَ عِنْدَ الله كَذّابا". مفيش حد يستاهل انك تباني قدامه كويسة بالكذب ولما تبصي لنفسك وتلاقي حاجة مش عجباكي افتكري ان كل الناس كدة فيها حاجات مش عجباها محدش فينا كامل ومتلوميش نفسك على حاجة مش بايدك في حياتك عموما
تم النشر الأربعاء، ١٨ سبتمبر ٢٠٢٤
عزيزتي، أشكرك على مشاركتك لمشاعرك ومشكلتك المهمة. ما تمرين به هو أمر يستحق التفكير وبالتأكيد تأثيره على حياتك وعلاقاتك. الكذب أحيانًا يمكن أن يكون نتيجة لشعور بعدم الثقة بالنفس أو الخوف من الرفض. قد تحاولين إيجاد طرق للحماية الذاتية ولتجنب الشعور بالعار أو القلق من أن يتم الحكم عليك. ولكن من الضروري أن نفهم أن الكذب يمكن أن يؤدي في النهاية إلى شعور أكبر بالإحباط والعزلة. للتغلب على هذه المشكلة، يمكنك اتباع بعض الخطوات العملية: التأمل الذاتي : حاولي تحديد الأسباب التي تجعلك تشعرين بأنك بحاجة إلى الكذب. هل هو بسبب شعور بعدم الأمان أو الحاجة إلى القبول؟ التعرف على هذه المشاعر يمكن أن يكون خطوة أولى مهمة. التواصل الصادق : حاولي أن تتحدثي مع شخص موثوق به عن مشاعرك دون خوف من النقد. قد تجدين أن مشاركة ما تشعرين به يمكن أن تقلل من عبء الضغط الذي تشعرين به. تحديد الأهداف : قومي بتحديد أهداف صغيرة لتعزيز الصدق في تفاعلاتك اليومية. مثلًا، حاولي في كل حديث أن تلتزمي بالحقيقة، وأي حاجة للحديث عن نفسك، قوليها كما هي. المتابعة والدعم : قد يكون من المفيد لك التوجه إلى مختص نفسي يقدم لك الدعم والمساعدة في فهم وتصحيح سلوك الكذب. تذكري يا عزيزتي، أنك لست وحدك في هذا الأمر والكثير من الأشخاص يواجهون تحديات مماثلة. التغيير يحتاج إلى وقت وصبر، ولا تترددي في طلب دعم الآخرين في رحلتك نحو الصدق والقبول الذاتي.
تم النشر الأربعاء، ١٨ سبتمبر ٢٠٢٤
اول خطوه انك تتحسني هي انك تحسي بغلطك أو تحسي بالذنب ف انتي كده ماشيه صح انت ادري بنفسك حاولي تشوفي ليه بتعملي كده وممكن تتكلمي مع اخصائي نفسي واظن حاجه كافيه انك توقفي العاده دي انك تعرفي انها غلط وحرام حاولي تفكري كويس قبل ما تتكلمي وتركزي في كلامك عشان الحوار ده ميحصلش حتي لو من غير قصد
تم النشر الخميس، ١٩ سبتمبر ٢٠٢٤
السلام عليكم. طبعا يبدا يحصل كده بشكل نواعي. ويطلع من غير ما عندي تحس بمدير كمان لما تبقي قادره تسيطري عليه ده هنا كده في فكره مترسخه في العقل الباطن وهي اللي هي الحقيقه. اللي موجوده في حياتك عموما مش واصله لمستوى اللي انت شايفه ان هو يتحكم سواء بقى انت ممكن تكوني مش راضيه عنها ومش عاجباكي اصلا او لا هي تمام وعلى بس انت مش شايفاها حلوه لدرجه ان هي او حتى لو انت بتحكي مثلا عن ازمه انت شايفه انه لا انا عايزه الناس يصعب عليها قوي علشان يصعب عليهم قوي انا محتاجه اخلي تفاصيلها. فيها قسى اكتر فتقومين مزوده بقى بالتفاصيل لو اتعورت اتعودت غلط قولي لا ده كان التعويره كبيره واتخيطت كم غرزه وتجيبي تفاصيل ثانيه هي مش حقيقيه كل ده ممكن. يكون برده سمكه انك بتبقي عايزه تحطي. النقطه كمان اللي بتاثر في الموضوع ده. هو بتفعي لانك تشوفي حاجه معينه في عيون الناس اللي انت بتح. كي فلو انت دائما بتحصل للابهار ده هيخليكي ببساطه تروحي للموضوع. ملهوش باب يقفلوا فكره انه الكذب حرام مش مترسخه عندك فكره ان الكلمه ده حاجه صعبه جدا ومش حلو ان الانسان يجذب. وده ذنب كبير وان الشخص اللي بيفضل يجذب مره ورا مره بيتكتب عند ربنا كذاب فدي حاجه مش مترسخه جواكي لذلك عقلك الباطن مش بيمنعك انك تكذبي لان ما عندهوش حاجه.
تم النشر الأربعاء، ١٨ سبتمبر ٢٠٢٤
طب ماده يمكن كذب مرضي عادي جدا زاي داء السرقه كدا نفس الفكره يعني فالموضوع بسيط جدا ممكن تحاولي تتكلمي شويه مع مختص وهيفتح معاكي شويه مواضيع يفهم منهم حالتك بالظبط ايه ويشخصك وان شاء الله توصلو لحل مناسب ويحللك المشكله دي
تم النشر الأربعاء، ١٨ سبتمبر ٢٠٢٤
كنت شوفت مره فيديو للداعية مصطفي حسني بيقول فيه لو عايز تبطل كذب ادعي في صلواتك بده وده اهم خطوه وصححي غلطك بإنك تقولي للناس ان اه ده يمكن المعلومه دي انا مكنتش متأكده منها كفاية او مش دقيقه فيها هتلاقي اثر ده في ان الناس هتحترمك وانتي هتلاقي ان انتي بدأت تحبي نفسك وتحترميها الكذب بيفقدك احترامك لذاتك لأنه خيانه لنفسك وقيمك
تم النشر الأربعاء، ١٨ سبتمبر ٢٠٢٤
لعرض السؤال في فدني اضغط هنا