انا داخلة خامسة كلية و صحابي من تانية كلية قالولي اني عندي مشكلة فالتركيز يعني صعب استوعب ال بيقولوا و ارد عليهم ع طول
و من ساعة م لفتو نظري للموضوع و الموضوع زاد معايا و بقو ساعات يتعصبو و يضايقو مني و يعاملوني ع اني أقل منهم لحد م بدأت اصدق ده
و اصلا عندي مشكلة تانية اني بتأثر بأقل كلمة تتقالي ممكن اعيط عليها كتير فكل ده بيأثر عليا
طيب نبدأ ب اول مشكلة ... هل فعلا عندك مشكلة ف التركيز ولا لما ركزتي في الموضوع بدأتي تصدقيه. لانه وارد جدا انها تكون ضغينه من صحابك، والعقل ممكن يصدق ده ويبدأ يتعمل معاه ع انه حقيقة وبجد كمان. تاني حاجه مشكلة التأثر ... من الواضح انك شخصية حساسة .. وده مش عيب لكل شخصية لها مميزاتها وعيوبها اقبلي نفسك وشخصيك اول حاجه علشان تعرفي تقللي من الحاجات اللي بتضايقك .. واعرفي ان الشخصية الحساسة لها جوانبها برضه الممتازة جدا استغلي طاقتك في تحسين اشياء لا يراها الاخرون زي مثلا انك بتهتمي بالتفاصيل .. ف ده ممكن يساعدك على الابداع والتخيل .. ف استغلي ده في الحاجات الايجابية واللي ممكن تساعدك. تاني حاجه عبري عن مشاعرك اول بأول متكبتيش مشاعرك .. لو فضلتي متعبريش عن مشاعرك هتيجي في يوم وهتنفجري وهتقولي كلام مبالغ فيه وقتها على الرغم اصلا ان ممكن يكون الموقف بسيط. لما حد يقولك كلمة مثلا انتي عارفه انك هتضايقي منها، اللي بيحصل معاكي انك اكيد تقعد دماغك تودي وتجيب طيب هو ليه قالي كده؟ طيب هو انا فيا ايه؟ طيب هو انا عملت ايه علشان يقولي كده؟ الغلط اللي انتي بتعمليه انك بتستنتجي حاجات كتير من اللي حصلت في الموقف ده وبتقومي تعكسي ده كله عليكي وده ياخدنا لنقطة ( انك مش عارفه قيمة نفسك الحقيقية) مش اللي المفروض الناس هي اللي تعرفهالك! فالحل هنا انك تبطلي تشغلي نفسك بكلام الناس او بمعني اصح تبطلي انك توجدي قيمة في كلام الناس، لان مهما اي حد يقول اي حاجة، انتي لو واثقة في نفسك، وعارفه قيمتك، اللي يقول حاجة يقولها .... مش مهم كلامهم على اد ما انتي عارفه نفسك كويس، وعارفه قيمتك. لازم كمان تعملي حدود ما بينك وما بين اي حد (الناس) انتي لو مش عاجبك حاجة معينة بيعملها الشخص (س) مثلا والحاجة ديه بتضايقك ف هنا انتي لازم تتكلمي وتعبري عن اللي جواكي .. والله يا (س) انت الجملة او الكلمة اللي قولتلها ديه مش عجباني ومضيقاني ومن فضلك بلاش تستخدمها في تعاملك معايا وبس نقطة والكلام انتهي. انتي هنا لازم تعبري عن رأيك وتعملي حدود بينك وبين اي حد علشان ده اللي لازم يحصل، هتقولي مش بحب ازعل حد، بخاف الناس تفهمني غلط، اخاف الناس تبعد عني ويقولي عليا شخصية مقفلة؟ وليكن، اه ... يعني حضرتك تضايقي وتزعلي ولا هما اللي يزعلوا؟ انا منتظرة ردك الموضع مش هيمشي زي ما انتي متخيلة .. اي حد في اي علاقة لازم يكون واضع الحدود بتاعته، والحدود ديه اساسا بتختلف ما بين اي حد والتاني، يعني الحدود بتاعتي غير الحدود بتاعتك، غير حدود س غير ص وهكذا ... وبعدين انتي بتعملي حاجه صح .. يعني لما تقولي مثلا اني مش بصاحب رجالة مثال اهو .. فيه ناس ممكن تقول عليكي فعلا وده الصح وده الدين، وفيه ناس ممكن يقولوا عليكي مقفلة، وفيه ناس ممكن تتريق ..وهكذا شوفي كام حد ممكن يقول عليكي ايه من مجرد حد من الحدود اللي انتي وضعتيها؟ ف هل انتي هنا هتبقى مقتنعة بقيمك ودينك، ولا هتشوفي الناس هنا بتقول ايه ولا عايزة ايه وتعمليه؟ طبعا لازم تكوني مقتنعة بحدودك اللي انتي عملاها. محتاجة كمان انك تعملي خطوات معينة اول ما تطرأ عليكي فكرة تقلب مزاجك بسبب الحساسية أي فكرة ممكن تلعبي معاها بفكرة مضاد لها، يعني الشخص ده قال كلمة تزعلني، طيب المفروض اعمل ايه؟ ارجع بالفكرة ديه واشوف لها فكرة مضادة لها، لأ انا اللي المفروض اشوف قيمتي بنفسي مش شخص هو اللي هيحدد ده، انا لازم ارد عليه واعمل حدود، مقلبش الموضوع واهزر واضحك وكأن مفيش حاجة وانا ابقى بنهار عادي، لا .. احنا اتفقنا على الحدود.
تم النشر السبت، ٢٢ يوليو ٢٠٢٣
بصي من ساعه ما صحابك قالولك كده وانتي بدأت تجيلك وساوس ان كلامهم فعلا صح والوساوس دي لما كبرت في دماغك بقيتي شايفه ان الموضوع كبر في حين ان ده موضوع صغير اصلا بس انتي عشان كلام صحابك بقيتي تركزي في الموضوع ده زياده عن اللزوم ف بقي يجيلك وساوس انهم كلامهم صح بس ده مش حقيقي كل مخ ليه سرعه بديهه معينه سرعه البديهه دي ممكن تكون بطيئه وممكن تكون سريعه وبتفهميها وهي طايره صحابك دول بقي سوري يعني في اللفظ مبيفهموش وهقولك ليه لما النوعيه دي من الناس لما يدايقو ع حاجه مش بأيدك ف دول اصلا مش بيقدرو المره الجايه بقي لو حد فتح بقو معاكي ارزعيهم كلمتين في جنابهم وانتي متعصبه بس مش اوي يعني عشان تبينلهم انك واخده موقف وتقوليلهم انا كنت في الاول كويسه ولما قولتولي الموضوع زاد معايا وبقيت اركز فيه اوي لغايه ما جالي وساوس ان كل كلامكو صح بس دي سرعه بديهه ممكن اكون بستوعب بطئ عادي مش كنت البني ادمه الوحيده البتستوعب بطئ يعني وبطلو تفتحو معايا الموضوع ده تاني عشان بدايق.... وخليكي قويه متخليش كلمه تهزك او تخليكي تتأثري طز في اي حد يزعلك او يقلل منك انتي قمر ومفكيش اي حاجه وحشه او قواكي العقليه مش سليمه مثلا لا انتي زي الفل ده مجرد استيعاب متأخر شويه صغننين بس وانا كمان ع فكره بستوعب بطئ وعادي الدنيا ايزي مفيش اي مشكله مش بحط الموضوع في دماغي وانتي كمان مش تحطيه في دماغك ولو افترضنا ان ده عيب عندك مثلا ف المفروض صحابك يستحملوكي بعيوبك قبل مميزاتك والموضوع مش عيب فيكي ولا حاجه انا بفترض بس انتي مفكيش حاجه وانتي زي الفل ومتركزيش في كلامهم وواجهيهم وقوللهم انك بتدايقي وانهم ميفتحوش الموضوع ده تاني معاكي وانتي قمر ومفيش اي مشكله فيكي وبس متركزيش معاهم ياقلبي فكك من اي حاجه وحشه ممكن تزعلك لان مفيش قمر بيزعل ♥♥✨
تم النشر الأحد، ٢٣ يوليو ٢٠٢٣
دى بس مسألة سرعة بديهة او ممكن بيقولوا حاجات مش مباشرة او ايفيهات انتى متعرفيهاش. لما حد يقولك انتى مش بتركزى او بتلقطى بسرعة ...قوليله انا دوغرى وده مش عيب ...اتكلم دوغرى هتلاقى كلامك لو واضح هفهمه ع طول .....مش شرط يكون ده عيبي انا ...يمكن عيبكم انتوا. انتى واضح انك اتعودتى ان محدش بيقولك كلام ايجابي عنك والانتقاد بيزعلك اوى . شوفى نفسك بعينك قبل ما يكون بعين اللى حواليكى. واللى يقولك كلمة تضايقك ...خديها واكتبيها فى ورقه وارميها فى الزباله بايدك . طبعا اللى بيحبوكى ممكن يكونوا بينصحوكى بس لو عرفوا اللى بيزعلك وكرروه يبقى متسمعيش منهم بردوا.
تم النشر السبت، ٢٢ يوليو ٢٠٢٣
ممكن الموضوع نفسي بس يعني لو حد حكتلك رجلو بتوجعو ممكن تتوحعي زيو أو عن مرض تحسي بأعراضو مش شرط انتي هيك ممكن عشان حكولك الموضوع اثر فيكي و صدقتيه و ممكن يكون عندك بس كان خفيف و هم زادو بكلامهم أو بافكيرك بكلامهم اثر فيكي و بلشتي لا ارادي تصيري هيك ، ما تخلي الموضوع يأثر عليكي ركزي بدراستك و حاولي و الي بحكيلك انتي قليله تركيز أو استيعاب لازم تنسيه تماما لأنو اي حد بجرحك و هو عارف انك حساسه مش منطق تضلو صحبه لانو عارف طريقه تفكيرا و مع هيك حكا
تم النشر السبت، ٢٢ يوليو ٢٠٢٣
ممكن يكون كده فعلا ، شكرا
تم النشر السبت، ٢٢ يوليو ٢٠٢٣
لعرض السؤال في فدني اضغط هنا