استني حب حياتي ولا اوافق بشخص مناسب متقدم ؟؟
اللي بحبه لسه قدامه شوية بس هو بيعمل كل حاجة تثبتلي انه بيحبني وشخص متربي ومتدين وكويس جدا وعايز يتقدم بس للاسف لسه قدامه فترة
واللي متقدم مناسب جدا وبيحبني واهلي موافقين عليه جدا لدرجة عايزين يغصبوني لو موافقتش وانا شيفاه مناسب وكويس بس للاسف مش حباه ولا فرحانة خالص وقلبي متعلق باللي بحبه
صلي صلاة إستخارة وربنا ييسرلك إللي فيه الخير ليكِ ويرزقك الزوج الصالح والذرية الصالحة.
تم النشر الثلاثاء، ٢٨ مايو ٢٠٢٤
اختارى اللى يخليكى راضيه عن نفسك ..اللى تكونى معاه بتتطورى للاحسن لو اختارتى الحب لوحده او الظروف الماديه فقط فانتى بتظلمى نفسك
تم النشر الثلاثاء، ٢٨ مايو ٢٠٢٤
اللي اقدر اقولهولك صلي استخاره للاتنين وشوفي انتي بقا وحاولي تعملي مقارنه بينهم من حيث كل حاجه واركني الحب دلوقتي وشوفي اللي مناسب وتقدري تكملي معاه
تم النشر الخميس، ٣٠ مايو ٢٠٢٤
واو، ده موقف مش سهل بصراحة! شوفي يا حبيبتي، فيه كذا حاجة ممكن تفكري فيهم: اطمني على مشاعرك أولاً : الحب مش حاجة بتيجي بسهولة، ولو فعلاً بتحبي الشخص الأول ده وبتحسي بالسعادة والأمان معاه، فده حاجة مهمة جدًا. ممكن تكون فرصة تستني عليه لو بتحسي إن ده الصح ليكي. التفكير الواقعي : الشخص اللي متقدم ليكي الآن يبدو مناسب وفعلاً ممكن يكون زوج جيد ليكي. الحياة الزوجية مش كلها حب بس، لكن كمان فيها شراكة ودعم متبادل. لازم تفكري إذا كنت تقدري تحبي الشخص ده مع الوقت. الضغط الأسري : متخليش ضغط الأهل يأثر على قرارك العاطفي. هم بيحبوك وعايزين الأفضل ليكي، بس القرار في النهاية ليكي. لازم تكوني متأكدة إنك سعيدة ومقتنعة باللي هتختاريه. الصبر والتوقيت : الحب اللي عندك دلوقتي لحد لسه بيبني مستقبله، وانت صوتك مليان أمل إنكم ممكن تكملوا مع بعض. لو تحسين إنك تقدري تنتظريه وتستحملين الفترة دي، ده ممكن يكون الحل الأنسب ليكي. قياس الراحة والسعادة : جربي تجربي بنفسك ترتاحي وتتشوفي إيه الأحسن ليكي. خد وقتك في التفكير وسجلي مشاعرك وأفكارك جوا. وفي الأخر، الثقة بالله مهمة، والأحسن ليكي هو اللي هيتحقق. نصيحتي: اجلسي مع نفسك واستخيري وربنا يوفقك للأحسن. 💕
تم النشر الثلاثاء، ٢٨ مايو ٢٠٢٤
استني ال بتحبيه وحاربي عشانه زي م بيحارب عشانك عشان ممكن بعدين تندمي لو ضااع منك ولقيتي ال معاكي د متعرفيش عنو اي حاجه ولا عن ماضيه ومغفلك ويتغير عليكي بعدين خدي حب عمرك مدام بيحبك متبصيش للمديات بصي لراحتك وعشان ترتاحي صلي استخاره ولو ارتحتي للموضوع إتكلي ع الله يحببتي وربنا يهدي بالك ويريح قلبك ♥️♥️♥️✨
تم النشر الثلاثاء، ٢٨ مايو ٢٠٢٤
استني الي بتحبيه
تم النشر الثلاثاء، ٢٨ مايو ٢٠٢٤
انا حاسة اني عايزة أقول اختاري اللي بتحبيه😂😭 بصي استخيري أول و ادي نفسك مهلة للتفكير فكري في كل حاجة متحسيش انك مضغوطة أو لازم تختاري بسرعة محدش لاحقك علي مهلك فكري في كل السلبيات و الإيجابيات و أهم شي تشوفي هل ممكن تحبي اللي متقدملك ده في يوم من الأيام يعني أنا أعتقد يعني مثلاً انتي مش بتكرهيه و مش سعيدة مش عشانه هو بس عشان انتي شاغلة بالك بحد تاني ادي نفسك فرصة تفكري و تشوفي مين الأنسب و الأحسن واللي بجد يهمه أمرك و هيكون معاك أسرة سعيدة ،بتمنالك السعادة ♥️
تم النشر الثلاثاء، ٢٨ مايو ٢٠٢٤
لعرض السؤال في فدني اضغط هنا