محتاجه نصيحه ومساعده لأن نفسيتي مدمره حرفيًا
متجوزه من سنه ونص
في شهر العسل زوجي من غير سبب ضربني على دماغي وعيني وحرفيا كان بيكتم نفسي وحاولت ادافع عن نفسي بكل الطرق لحد مصرخت وكان في ست لبناتها اخدوني عندهم وروحنا عند دكتور خصوصي وقتها مكنتش في مدينتي واتحايلت على الدكتور يعمل تقرير طبي وطبعا في ناس تدخلت ومعرفتش اعمل كان في نزيف في العين وكدمات دا موقف اصريت برغم محاولات كل الناس اني محكيش لأهلي بس انا مكنتش مطمنه وحكيت لاختي وكلمت امي وبابا هو جه وانا بكلمه وقاله انا والله مش عارف عملت كدا ازاي انا مش فاكر حاجه شكل حد عملنا حاجه وبعد اللي عمله كان بيتعامل معايا كويس جدًا لحد عيني متعافت أسلوبه في الكلام وحش جدًا وبيقول الفاظ سيئه لما بيتعصب اتكلمت معاه براحه وفهمته أن أسلوبه وحش ومينفعش الغلط في الكلام وان ربنا امرك تتعامل بالمعروف وأنها شراكه وكدا كان يعدي وقت يبقى كويس ويرجع تاني دخلت كذا حد من أهله وكلمت بابا كذا مره وبرضو مفيش حاجه بتتغير غير أنه غير متعاطف لما كان يزعقلي وكانت دموعي تنزل ولا كأنه شايف حاجه وفي مرضي كان يقعد يقولي واخد واحده عليله انا هقعد اكشف برغم إن سبحان الله اي إنسان بين الصحه والمرض كان يبقا تعب عادي برد سخونيه ارتجاع كدا ومبيدنيش مصروف نهائي وبخيل جدًا وكل الفلوس اللي اهلي بيدوهالي بياخدها انا لما بقيت بطلب اجيب حاجات ليا زي شامبو وغسول كان بيرفض فبقيت ارفض اديله فلوس من اهلي كانوا كل شهر بابا الله يبارك في عمره بيديني بيفضل يتعامل بأسلوب وحش واجي أقوله الغسول مثلا خلص يقولي ياما عليا الاكل والشرب كنت بديله تمنه يجيبه لانه مش بيخليني أخرج نهائي غير اروح لأهلي في بدايه الجواز حسيت إن كل هدفه اني احمل وانا بعد اللي حصل معايا وأسلوبه اتكلمت معاه وقولتله بلاش حمل دلوقتي لحد منشوف اخر التفاهم ما بينا رفض ولما عرف اني باخد برشام منع حمل كلم ولدتي وقالها واخده ورماه ونظرًا لاني مبخرجش معرفتش اجيب اهدني كذا مره عند دكتور نساء وكان يقولها محصلش حمل ليه برغم أن كان لسه مر على زواجنا شهر وبالفعل كان قضاء ربنا اني احمل وبدأ الحفل بينا وأسلوبه كان وحش اوي غير أنه حاول يضربني على وشي لما اتعصب والسبب لا يذكر اصلا وكنت اغلب الايام بنام بعيط في فتره الحمل كنت حساسه اويي واصيرت اني اطلب الطلاق منه لأنه مبيتقيش ربنا في معاملته قالي بعد متولدي هطلقك وبالفعل بعد مولدت استمرت معاملته السيئه لدرجه اني كنت لسه والده قيصري وجالي كحه فحسيت أن مكان العمليه تتفتح فعيط قام ضرب بالقلم ذا جزء بسيط من معاملته ومن خلال قرائتي اكتشفت إنه نرجسي اخر مره روحت عند اهلي حكيت لبابا وقولتله انا مش عايزه ارجع معاه تاني ولما جت قولتله قالي انا شريكي واللي انتي عايزاه هعملهولك واسف ووعود كتيره المهم بابا قالي اديله اخر فرصه دموعي نزلت ومقتدرتش اقصر كلمه بابا قدامه وبالفعل روحت معاه كلم والدته وقالها معتش تعملي اي حاجه حتا المئه تجبهالك لحد عندك طلما هي بتشكي ومش عايزه اروح وفضل مخاصمني انا بنام مع بنتي وبنتعامل في الطلبات بس طبعا مبيجيش اي حاجه ليا اديت درس وفلوس الدرس بيخدها لما برفض لديها ليه بيفضل يضغط عليا ويقول فلوسي خلصت وتأتي وانا من كتر الزن بدئها ليه واريح دماغي المهم انا خلاص جبت اخري منه ونفسي ويتمنى انفصل عنه وهو رافض وبيتلاوع في الكلام قدام اهلي وخايفه على بنتي ازاي اقدر اتعامل في الوضع دا مع العلم والدته برضو معاملتها وحشه بس انا بتعامل في أضيق الحدود ولا اتحدث معها لكنها أيضًا تقول الفاظ بذيئه انصحوني لاني تعبت ودماغي مش قادره ابطل تفكير ؟
اولا لو اضطريتي في يوم تسيبي منزل الزوجيه، هيضغط عليكي بانذار طاعة، عشان يرجعك او يثبت نشوزك ويسقط حقك ف الفقه الزوجيه، وطبعا لو استحكم الخلاف بينكم مش هيطلق من نفسه، ف ايده يضغط عليكي لحد ما تخلعيه ويسقط عنك حقوقك. ثانيا ودا حقك الي لازم تعمليه، لو تعتدي عليكي وعملك إصابات، افتحي اصرخي وافتحي الباب وزعقيله وانتي نازله بحيث ( الغرض ان حد من الجيران يشوف وبالتالي يبقى شاهد) وتنزلي تعملي محضر ف القسم ( لازم تقولي الحقيقه بالظبط من غير افوره، تركزي ع الاصابه ومكانه وعملهالك بايه) هيحولوكي ع مستشفى لعمل تقرير. دا هيفيدك بايه ؟ دي ورقه ضغط هتحميكي بعدين حتى لو اتنازلتي ع المحضر، هتحميكي من الضغط عليكي بحقه ف الطاعه. المهم تعملي المحضر دا ف الوقت المناسب، دا هيحفظ حقك وحق بنتك. رجاءً لا تسيئي استعمال القصه الي قلتلك عليها دي، استعملها فقط للحفاظ ع حقوقك المشروعه.
تم النشر الاثنين، ٢٠ نوفمبر ٢٠٢٣
انا اسفة جدا قلبى وجعنى عليكى جدا ومش قدرت اكمل بعد عصبيته بعد ولادتك قيصري اذا كنتى متأكدة انى نرجسي مش مريض نفسى ، فانتى محتاجة تتابعى على منصة اليوتيوب كلم حد كدة بينشرو وعى فن التعامل مع النرجسية وطرق التلاعب على مرضهم للحفاظ على صحتك النفسية والتسديد والوصول إلى الانفصال والتعافى عليكى معرفة انه اذا فعلا نرجسي مش هينفع خالص التعامل معاه بالطرق التقليدية واتباع الأصول، هيكون مطالب منك الفصل التام بين قلبك وعقلك ومبادئك فى الحياة .... وحاولى مش تدخلى حد بينكو عشان مش يطولو الاذى . ربنا معاكى ويقويكى ، قربى من ربنا وبتعرفي حكمته من دخولك العلاقة ديه وتأكدى ان كله خير ومطالب منك تفهمي الدروس من الابتلاء لكى يرفعه عنك الله عز وجل
تم النشر الاثنين، ٢٠ نوفمبر ٢٠٢٣
بصراحة أنا شايفة أنك تاخدى بنتك وتطلقى منو ده انسان غير امين بالمرة عليكى ولو قال اخد بينتى مفيش اسهل من المحاكم واكيد مش هيخدها لأن البيبى حق الام إذا لم تكن متزوجة وإذا تزوجت فا الطفل من حق ام الزوجة فا بنتى هتكون معاكى على حسب ما اعرف ثم المحاكم بطول بتاخد سنين وفى السنين دى نهايتها برضو أن بنتك هتكون معاكى على حسب ما شفت أنا معايا عمى طلق مرتو وكان مخلف بنت فا البنت من حضانة الام ده فوق انك ممكن تجيب التقرير إلى عند الدكتور إلى كشفتى عندو لما ضربك على عينك
تم النشر الاثنين، ٢٠ نوفمبر ٢٠٢٣
لكل ظالم يوم
تم النشر الاثنين، ٢٠ نوفمبر ٢٠٢٣
الحياةنعيشها مرة واحدة والانسان مخير حتي في الدين اعتزلي ما يؤذيكي حتي لايعدي قطر العمر وتقولي ياريت
تم النشر الاثنين، ٢٠ نوفمبر ٢٠٢٣
لعرض السؤال في فدني اضغط هنا