انا عندي مشكلة كبيرة جدا ، لا أحسن ادارة الوقت وبضيع وقت كتير ، انا في الجامعة و عابزة أحسن من مستوايا الدراسي ، ومش قادرة اسيطر ع نفسي دي مشكلة انا مش عارفه احلها من فضلكم محتاجة مساعدة
بس عمليا محدش بيمشي ع جدول، احنا بنخصص وقت معين للمذاكره، ومنعرفش اذا كان الوقت دا هيسمح بالمذاكره كل يوم او النفسيه ف المعاد دا تسمح بالمذاكره او لا. المهم ف المذاكره هي انك تحضري محاضراتك كامله وتقري المنهج قبل ما تحضري، وتاخدي معاكي نوت بوك تكبتي اي ملاحظه ف المحاضره، وطبعا تكوني مركزه ف المحاضره وتبعدي عن اي حاجه او اي يشتتك اثناء القاء المحاضره، وترجعي البيت تراجعي وتلخصي الموضوع الي اتشرح ف نقط وجمل بسيطه جدا الي هي الافكار المهمه الي اتشرحت ومضمون المنهج، تعملي دا بقي الضهر العصر بالليل مش هتفرق امتي بالظبط المهم انك تعمليه، ومتراكميش اي محاضره للمحاضره الي بعدها. مكنتش بذاكر للتقدير بس كنت بجيب امتياز عادي ١- قراءه المنهج، قبل المحاضرات، عشان تاخدي فكره عامة، دا دكتور ايه ودي مادة ايه وايه اهميتها والافكار الرئيسية فيها. ٢- حضور المحاضرات بلس تكتبي ملاحظاتك اثناء المحاضره. ٣- المراجعه والتلخيص، ودي كانت بالنسبالي اهم مرحلة، الخطوتين الي فاتو بيسهلو عليا مرحلة التلخيص، لان ببقي خلاص فهمت الموضوع وعرفت ايه المهم، وبكتبه ف نقط صغيره، عشان ابقي افتكره اخر الترم، او اما احتاج اراجع تاني نقطه معينه، برجع لتلخيصي مبرجعش للكتاب ولا الريكوردات، وغالبا الماده كلها حوالي ٣٠٠ او ٤٠٠ صفحه كانو بياخدو مني ١٥ ل ٢٠ ورقه تلخيص. حرفيا ممكن احضر محاضره ساعتين بس بعدين اكتشف ان خلاصة الكلام كانت تاخد نص صفحه مثلا.
تم النشر الجمعة، ٢٣ فبراير ٢٠٢٤
حددي اولوياتك و متركزيش مع الوقت بمعنى انك لو عملتي جدول و قلتي هذاكر الماده دي من المغرب للعشا .. وحصل أي شيء شغلك هتقولي الجدول باظ و مش هتكملي و احتمال تقولي هبدأ من بكره امشي عالجدول.. الصح انك تحددي اولوياتك: انا عايزه اذاكر اخر ٣ محاضرات ( مفيش مده صلاحيه للوقت براحتي ) طيب امتى الوقت المناسب عشان ابدأ؟ بتعملي ايه دلوقتي؟ شبعانه و نمتي كويس و مش بتعملي حاجه؟ اقفلي النت و إبدأي مذاكره بتركيز لمده ساعه او ساعتين متواصلين في اليوم ك بدايه و هتلاحظي الفرق في مستواكي الدراسي ان شاء الله
تم النشر السبت، ٢٤ فبراير ٢٠٢٤
هو المنطق بيقول ان اتباع جدول منظم هو الحل المثالي، لكن مينجحش معايا إما بعمل جدول غير منطقي او مبمشيش عليه في كل الأحوال
تم النشر الجمعة، ٢٣ فبراير ٢٠٢٤
من وجهة نظري بشوف اننا دايما بنحاول نعمل جدول ووقت معين للمذاكرة، ودا بشوفه الغلطة الي كلنا بنقع فيها.
تم النشر الجمعة، ٢٣ فبراير ٢٠٢٤
لعرض السؤال في فدني اضغط هنا