عايزة اعرف ازاي اخس ازاي امنع نفسي من الاكل من غير تعب اعصاب وازاي ابطل تفكير في الطعام
مع العلم عندي ١٨
انصحك بإنك تشغلى نفسك بأى حاجه ذى المشي التسوق او تنضيف قللى السكر حاولى تبتعدي عنه لمده عشرة أيام على الأقل وهتتعودى على كده الرياضه مهمه ولو 20 دقيقه بس فى اليوم اشربي مياه كتير 2 لتر فى اليوم او اكتر المياه لتساعد على الشبع اشربي نو واحد كافيين زي القهوه او الشاى او الشاى الأخضر بس من غير سكر نوع واحد بس اتمنى تحقق إلى انتى عايزاه 🤗👍
تم النشر الاثنين، ٩ ديسمبر ٢٠٢٤
والله يا اخت انتى جايه تسألى السؤال ده فى الشتا 😁 بس تمام ماشى ،انا هقترح عليكى وانتى شوفى بقا . لما تيجى تفكرى فى الاكل فكرى فى حاجه تانيه اشغلى نفسك بحاجه تانيه . وخلى حد يمنعكى لما يلاقيقى بتاكلى كتير يعنى مثلا خلى بباكى أو مامتك تمنعك من العشا تقلك مش فى عشا مثلا النهارده ومره ورا مره انتى اصلا هتبقى اتعودتى انو مفيش عشا . وحاولى تنظمى أكلك يعنى لو بتاكلى فى الفطار رغيفين خليهم رغيف ونص فى الاول وبعد اشويه خليهم واحد بس ، اه والفطار مهم جدا لازم تفطرى وحاولى تأخرى الغدا لمثلا بعد العصر بشوية بحيث انك مش تجوعى بالليل للدرجه . اخر حاجه أنا عارف ان الموضوع صعب وبذات الجو برد والناس بتاكل كتير بس افتكرى مثلا مثلا صحابك اللى اتريقو عليكى وافتكرى كم الإهانات اللى تعرضتيلها بسبب التخمة وإن شاء الله هتخسى وهتبقى زى الفل اهم حاجه العزيمة لو فى عزيمة فعلا هتحققى انجازات كبيره فى وقت قصير
تم النشر الأحد، ٨ ديسمبر ٢٠٢٤
من باب التجربة : ١- لازم تلتزمى مع دكتور تغذية وكونك هاتتبعى معه هيخليكى تلتزمى ..وكذلك الجيم ٢- لازم تقتنعى بالاكل ماتبقيش تاكلى اكل معين لمجرد انك عاوزة تنزلى وزن ٣- حاولى تغيرى اكلك من باب تغير اللايف ستايل.. اعتبرية باكدج ع بعضه ومن ضمن فوايده نزول الوزن غير الاكل الصحى والصحة الجسدية وهكذا ٤-متحرميش نفسك من الاكل كله .. قللى الكمية بس وزودى حركة ٥- هونى الامور ع نفسك لو بدأتي والنتيجة كانت مش عجباكى .. خدى الموضوع انك بتغيرى حياتك للاحسن وبتعودى نفسك ع نظام معين
تم النشر السبت، ٧ ديسمبر ٢٠٢٤
عزيزتي زينب، أولاً، أود أن أهنئك على رغبتك في تحسين صحتك وشكلك. من المهم أن ندرك أن فقدان الوزن يتطلب مزيجًا من العوامل البدنية والنفسية، ويجب أن يكون ذلك بشكل صحي وقابل للاستمرار. إليك بعض النصائح التي يمكن أن تساعدك: التوازن الغذائي : حاولي تضمين مجموعة متنوعة من الأطعمة في نظامك الغذائي، بما في ذلك الفواكه، الخضروات، البروتينات الصحية، والحبوب الكاملة. هذا سيساعدك على الشعور بالشبع لفترة أطول. مراقبة الحصص : انتبهي لحجم الحصص التي تتناولينها. يمكنك مثلاً استخدام أطباق أصغر أو تناول الطعام ببطء لتعطي جسمك فرصة للإحساس بالشبع. تناولي الماء : تناول الماء بوفرة يمكن أن يساعد في تقليل الشعور بالجوع، وأحيانًا نختلط علينا الأمر بين الجوع والعطش. التفكير الإيجابي : حاولي تدريب نفسك على التفكير الإيجابي تجاه الطعام. بدلاً من التركيز على الطعام الذي يساء استخدامه، فكّري في الأطعمة التي تفيد صحتك وتساعدك على الشعور بالنشاط. الأنشطة البدنية : إدخال بعض الأنشطة البدنية اليومية، مثل المشي أو الرياضة، يمكن أن يساعدك في تحسين مزاجك وزيادة حرق السعرات. عدم حرمان نفسك : من المهم ألا تحرمي نفسك تمامًا من الأطعمة المفضلة لديك، بل اجعليها ضمن نظام متوازن وبحجم مناسب. استشارة مختص : إذا كنت تشعرين بالحاجة لدعم إضافي، يمكنك التفكير في استشارة مختص تغذية للحصول على خطة مناسبة لك. تذكرين دائمًا أن الأمر يتطلب وقتًا. Кнړي, تفاعلي مع ذلك بتفاؤل وصبر، ولا تنسي أن تحبي نفسك كما أنت. وفقك الله في مسعاك. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر السبت، ٧ ديسمبر ٢٠٢٤
بصي الحل الوحيد انك تصومي اولا هتاخدي اجر وكلو في ميزان حسناتك ثانيا الصيام مفيد للصحة وإن شاء الله وزنك هيقل حتي احنا كلنا بنطلع من رمضان خاسين جامد وده بسبب الصيام
تم النشر الأحد، ٨ ديسمبر ٢٠٢٤
لعرض السؤال في فدني اضغط هنا