عارفة اني انسانه مش كامله بس انا مش عملت حاجه غلط أندم عليها غير اني متهوره ومبعرفش امسك لساني.. روحت يوم الاربع من الكليه متأخر على المغرب وصلت رغم اني خارجه من البيت الضهر امي واختي بهدلوني وضربوني
وامي راحت قالت لاخويا اللي مسافر برا اني مروحه المغرب حلف بالطلاق على مراته وانه هينزل لو رحت الكليه ودا بقى تاعبني رغم ان اهلي بدل ما يساعدوني اني اكمل واقفين في طريقي وابويا ميت من شهرين ونا تعبانه اوي ومش ليا حد بيقف جمبي حتى امي اللي المفروض سندي اكتر واحده اذياني هي واخواتي..
فكرت انتحر واولع في نفسي ولحقوني بس بجد انا تعبت مش عارفه انا عملت اي لكل دا.. بس يمكن اسلوبي مش بيعجبهم عشان لما يقولوا عليا كلمه وحشه برد
اختي بتقولي شوفي انتي كنتي فين وأنا والله كنت في الكليه مع صاحبتي مكنتش مع حد ولا بعمل حاجات غلط زي اختي اللي عرفت عنها بلاوي وساكته وامي عشان عرفتها بلاوي بنتها مسكتني ضربتني انا وانا ساكته وتعبانه من جوا وقلبي وجعني
حد يساعدني يقول لي هل اسيب البيت وامشي ولا اقنع اخويا وعلى ما أقنعه هيكون الامتحانات بدأت وأنا نظام الgba ولازم حضور الكليه وأنا كليه تكنولوجيا ومهم عندي اكمل تعليم وهما عمالين يقولولي كفايا عليكي المعهد وأنا كنت باخد المعهد عشان ادخل كليه حكومي واوفر ليهم ورغم عن كل دا انا ولا بطلب لبس ولا مصروف ومتكلفه بنفسي الحمد لله
أتمنى حد يرد ويساعدني عشان انا يائسه وخايفه اعمل حاجه تغضب ربنا مني💔
حاولى تثبتى لنفسك وليهم انك بقيتى الأفضل وجربى ف الاقناع مع اخوكى ومينفعش تكسرى اهلك بيكى طالما بتحاولى عشان ترجعى تدرسي عشان بتحبى حاجه زى كدا كمان حاولى انك تحبى ال حواليكى عشان تعرفى تعيشى حياه سوية بدون تعب نفسى واتقربى من ربنا اكتر واكتر
تم النشر الثلاثاء، ١١ مارس ٢٠٢٥
السلام عليكم تهورك ممكن يكون ظاهر فى اوقات كتير وده اللى عامل قلق لاهلك عليكى ..شايفينك جريئة وده ممكن مخوفهم من انك تتصرفى بتهور ممكن بردوا لانك بتنتقديهم او بتتعاملى معاهم انك احسن منهم لما بتعلقى على غلطاتهم ده خلاهم واخدين إحساس انك لازم تكونى اقل منهم او مكسورة عشان يوقفوكى عن احساسك انك احسن منهم وحتى لو وصلت يجوزوكى وخلاص الامور مع الاهل محتاجة اننا منبقاش اعداء ونبقى قريبين اكتر لبعض حتى لو مختلفين اختلاف السماء والارض عليكى جزء وعليهم جزء انتى تقدرى تظهرى ليهم احترام اكتر وتعدى الغلط وخصوصا لمامتك ...تكلميهم دايما انك فاهماهم انهم خايفين عليكى بابا ممكن كان بيدلعك وبيدافع عنك او ممكن يكون شخصيتك شبهه اكتر وكان وجوده بيوقفهم شويه وبعد وفاته سافوا انهم ضرورى يغيروا الوضع بطريقتهم دى المقاومة والصدام مش هيحلوا الامور بينكم ..هتحتاجى تبدأى انتى باللطف معاهم
تم النشر الثلاثاء، ١١ مارس ٢٠٢٥
عزيزتي، أقدر مشاعرك وقلقك حيال وضعك الحالي. من الواضح أنك تعانين من ضغوط شديدة، سواء من نواحٍ أسرية أو شخصية، وهذا أمر مرهق جدًا. أولاً، أريد أن أؤكد لك أن مشاعرك هي مشاعر طبيعية في مثل تلك الظروف الصعبة. الحياة مليئة بالتحديات، ومن المهم أن تتذكري أنك ليست وحدك في هذا. الموت الذي واجهته من والدك قد ترك أثرًا عميقًا، ومن الطبيعي أن تشعري بالحزن والضياع. بالنسبة لرغبتك في استكمال تعليمك وتغيير سلوكك، فهذا هدف نبيل ويستحق الجهد. يجب أن تحاولي التركيز على كيفية تحسين التواصل مع عائلتك، ربما من خلال إقامة محادثة هادئة وصريحة حول مشاعرك ورغباتك. حاولي أن تشرحي لهم كيف أن التعليم هو جزء مهم من مستقبلك وأنك تحتاجين لدعمهم. إذا شعرت أن الأمر قد يصبح مضرًا لك، من المهم البحث عن دعم خارجي، سواء كان ذلك من معلم أو أحد الأشخاص الذين تثقين بهم مثل صديقة أو مستشار. قد يكون الحديث عن مشاعرك مع شخص آخر قد يساعدك في التعبير عن ما تشعرين به بطرق صحية. أما عن ترك المنزل، فهذا قرار كبير ويحتاج لتفكير عميق. إذا كان هناك سبيل للتواصل والتفاهم مع عائلتك، فقد يكون أفضل. لكن إن كان الوضع يسبب لك أذى نفسي، قد تحتاجين إلى التفكير في خيارات أخرى. ولا تنسي أن الذهاب إلى مختص نفسي يمكن أن يساعدك كثيرًا. لا تخافي من طلب المساعدة، فهذا ليس ضعفًا بل هو شجاعة. ونسأل الله أن يخفف عنك ويهدئ قلبك.
تم النشر الاثنين، ١٠ مارس ٢٠٢٥
على فكرة مجرد انك تفضفضي دا خطوة جميله تتحسبلك ، جربي تاخدى جنب لغاية ما تعدى فترة الامتحانات و خدى اخوكى برا البيت اطلبي تقعدى معاة و اتكلمى معاة ، متاكد دا هيجيب نتيجه
تم النشر الاثنين، ١٠ مارس ٢٠٢٥
بصي انا مستغربه هما بعملو كده من غير سبب المهم انك اصبري واكيد ربنا هيوقفلك ولاد حلال في طريقك المهم ان تحاولي تشوفي ايه السبب من تصرف ده او ليه كل ده تكلمي معهم انك مش حبه طريقه ده او حاولي تفهميهم وانا حسه ان كل للي انتي فيه ده بسسب وفاه بابكي وانك متأثره اوي واكيد لازم يحصل ضغوطات الحياة خلي بالك ان ممكن ده يكون اختبار من عند ربنا ويشوف قدرت صبر اقد صلي وادعي وان شاء الله ربنا ميسبش حق مظلوم
تم النشر الثلاثاء، ١١ مارس ٢٠٢٥
تسلميلي بس من ساعه ما بابا مات وبقيت باخد علي وشي من اهلي اوي وقرايبي لدرجه انهم عاوزين يجوزوني واحد أكبر مني ب ٢٠ سنه او واحد مطلق عادي وت
تم النشر الثلاثاء، ١١ مارس ٢٠٢٥
لعرض السؤال في فدني اضغط هنا