أنا أعاني من حالة وهي أنني عندما أقرأ قصة مثلًا أكثر التفكير فيها وأتخيل نفسي فيها وأمثل أحداثًا أخرى للقصة أو عندما أقرأ جزءًًا من رواية أكمل تمثيل الرواية في البداية كنت أرى الأمر ممتعًا ولازلت أراه كذلك لكن مع بدء الدراسة لاحظت أن الأمر زاد عن حده أصبح يضيع لي وقتي بكثرة حيث أقضي قرابة ٦ ساعات لا أدرس ولا أفعل أي شيء غير التخيل حاولت حل المشكلة بكتابة اسكريبتات أو روايات وقصص لتدوين أفكاري وتخيلاتي للتقليل من هذا ولكن لا جدوى نعم القصص تكون رائعة والجميع يراني كاتبة مذهلة لكن أنا لم أتخلص من هذا الأمر فكل يوم يحدث هذا وفي نهاية اليوم لا أحد أنني درست غير القليل فقط وأشعر بالحزن على وقتي وأشعر بالضياع وفي اليوم التالي أقول الوقت أمامي طويل وأواصل التمثيل والتكلم مع نفسي والتخيل الموضوع أصبح كالإدمان حتى أنني عندما أخلد للنوم أواصل التخيل في أحلامي حدث هذا معي الليلة ونفسيتي سيئة جدًا حاولت منع نفسي من القراءة مع أنها هوايتي المفضلة كءلك منعت نفسي من الهاتف لأني أقل صورة أقل فيديو أقل كلمة تفتح لي آفاقًا من الخيال والقصص ولكن فوجئت أنني أستطيع تأليف القصة من بدايتها..كل هذا وأنا عندي ١٤ لا أعؤف ماذا سيحدث عندما أكبر قليلًا الموضوع يتطور بسرعة المشكلة أن اختباراتي بعد شهر وأنا خائفة وأريد حلًا سريعًا
المشكله دى كانت موجوده عندى زمان ودي بيبقى ليها اسباب مختلفه اما هروب من الواقع لخيال اجمل او كبت في نفس الانسان لشئ فبيحققه بالتخيل وعيش الحاجه دى في الخيال اهم حاجه انك متحطيش في بالك انك مثلا شخصيه ضعيفه او غيره بالعكس انتى قويه وهتقدرى بالفعل تقللي منها وتتخلصي منها بس تاخدي ببعض الاسباب واللى جبتها من موقع اسلام ويب وهي كالآتي: الفكر الإنساني عبارة عن طبقات، والإنسان إذا اهتمَّ بشيء مُعيَّن وأعطاه الأهمية التي يستحقها قطعًا سوف يجعله في درجة عالية، فأنت مثلاً يجب أن تفكّر في دراستك وتعطيها الأسبقية على أحلام اليقظة هذه، تفكّر في تخرّجك من الجامعة متميِّزًا، تفكّر في نوع العمل الذي سوف تؤدِّيه مستقبلاً، تفكّر في الدراسات العُليا، هذا – أخي الكريم – أفضل، تفكّر في أمور دينك، وكيف أن الشاب يجب أن يكون مستقيمًا وصالحًا، تفكّر في بر والديك. إذًا لجعل هذه الأفكار في مرحلة الدنيا – في مرحلة تحتيّة، أي في طبقة سُفلى – يجب أن تعلي عليها الأفكار الأخرى من النوع الذي حدَّثتُك عنه، وتلقائيًا سوف تجد أن هنالك إزاحة لهذه الأفكار التي أنت ذكرت أنك تنتشي لها، سوف تحسّ أن قيمتها بدأتْ تقلّ لديك، لأن هنالك فكرًا أجدى وأفضل وأكثر جدّيّةً أصبحَ يعلو عليها. هذه أحد الطرق المهمّة جدًّا. الطريقة الثانية هي: لا تجلس لوحدك كثيرًا، حاول أن تتواصل اجتماعيًّا. ثالثًا: نم النوم الليلي المبكّر، لأن ذلك سوف يعطي لدماغك فرصة كبيرة جدًّا لأن يحدث فيه نوع من الاستقرار والترميم التام، واستيقظ مبكّرًا، وصلِّ صلاة الفجر في وقته، هذه نصيحة مهمّة جدًّا جدًّا، وقت الفجر دائمًا هو وقت السكون ووقت الراحة، لا تأتي فيه أفكارٌ متطايرة، ولا تأتيك هذه الأحلام المشوّهة، وبعد ذلك اجلس مثلاً - بعد أن تقوم بالاستحمام وتتناول الشاي – تدرس لمدة ساعة، هنا يكون تركيزك في أفضل حالاته، وبما أنك أنجزتَ في فترة الصباح – في فترة البكور – سوف تجد أن يومك أصبح إيجابيًا جدًّا ومنطلقًا بصورة سلسة. طبعًا من أهم الأشياء التي يجب أن تجعلها جزءًا من حياتك هي الرياضة، الرياضة تقضي على كل الشوائب النفسية، ومنها أحلام اليقظة المكثفة والفارغة كما نقول. فإذًا مارس الرياضة، ويا حبذا لو كانت رياضة جماعية. يجب أن تتعلّم أيضًا إدارة الوقت، تكتب برامج يومية في الكيفية التي سوف تُدير بها وقتك، ما الذي يجب أن تفعله؟ متى سوف تدرس؟ متى سوف تُرفّه عن نفسك، متى سوف تتواصل اجتماعيًّا، وليس هنالك ما يمنع أبدًا أن تُخصص نصف ساعة، سميّها (هذا هو الوقت الذي سوف أعيش فيه مع أحلام اليقظة)، لكن تستبدل هذه الأحلام بالأفكار التي ذكرناها لك، وهكذا. هذا هو الشيء المطلوب وليس أكثر من ذلك، وإن شاء الله سوف تختفي هذه الأحلام وهذه الأفكار تلقائيًا.
تم النشر الجمعة، ١٢ أبريل ٢٠٢٤
طيب بصي يا ست البنات اولا طبعا دي ممكن تكون موهبه جميله ويكون ليكي استفاده ان شاء الله منها في المستقبل ولكن لسه مش قادرين ان احنا نعمل لها ضبط قوي ما تتقلبش لا قدر الله لنقمه بدل ما هي موهبه ونعمه جميله يعني كل حاجه ربنا خالقنا بها لو ما عملنالهاش ضبط كده وقدرنا ان احنا نتحكم فيها طبعا هتتحول لمشكله فاحنا دلوقتي في مرحله انك تتعلمي ازاي طيب نضبطها ازاي اول حاجه نبدا ان احنا نعملها ان احنا ناخد الحاجه اللي عندنا دي ونستخدمها في اللي بتمسحها لحد ما نعرف ايه نبقى بنعرف نخليها تطلع في اوقات وتقف في اوقات يعني ده اللي هيكون التحكم ان شاء الله يعني تقدري تعمليه بس في المقابل قدام شويه. ايه اللي نقدر نعمله دلوقتي تاخدي موهبه بتاعتك دي اولا زي ما انت بتعمليه برافو جدا انك ابعدي عن اي حاجات تستفز معاكي الموضوع ويديك الحيوانات في اتجاه هو مش هيفيدك ونعمل ايه ونبدا نستخدمها في الجزء الدراسي يعني عايزاك دايما تتخيلي نفسك مدرسه او دكتوره في الجامعه. وكل حاجه انت قاعده بتبكريها ابدئي تخيلي نفسك هتشرحيها ازاي فذاكري الحاجه كويس جدا وبعدين تخيلي ايه السيناريو اللي انت ممكن تشرحي به الحاجه دي وايه الاسئله اللي ممكن الطلبه اللي قدامك يسالوها والاسئله دي هتجاوبي عليها ازاي وخلي الموضوع يساعدك في دراستك بدل ما هو بياخدك منها اتمنى ان شاء الله
تم النشر السبت، ١٣ أبريل ٢٠٢٤
بصي انا كنت زيك كدا بالظبط و في نفس سنك كمان الموضوع كان زاد عن حده و بدات اسرح في حصصي في المدرسه و قرأت ساعتها ان ده بيبقي هروب من الواقع دماغك مش عاجبها واقعك فا بتستخدم الخيال علشان تبسط نفسها هقولك حلول انا عملتها علشان اقلل من الموضوع شويه انا كان دايما بيبقي معايا موضوع الخيال زايد قبل ما انام فا كنت بوقف تفكير و بقعد استغفر لحد ما اروح في النوم او اني افضل اعد يعني ١. ٢ . ٣ هكذا لحد ما اروح في النوم الخيال حلو بس لازم تتحكمي فيه فا خدي بريك من الخيال الواسع و احلام اليقظه ب انك تشتتي دماغك في اي حاجه تانيه و الموضوع هيقل تدريجياً دماغك بعد كدا هتقدري تتحكمي فيها و تتحكمي امتي تسرحي و تستخدمي مخيلتك و امتي لا يعني مثلا كتاب القصص الخياليه بيبقوا عارفين امتي يستخدموا خيالهم وقت الكتابه و امتي يوقفوه فا انت مرني دماغك ب انك اول ما تلاقي نفسك بتسرحي و تتخيلي في وقت مش مناسب انك تشتتيها و تبدأي تستغفري او تقولي الحروب الابجديه او تعدي الارقام من ١ ل ١٠٠ بالشقلوب و هكذا شتتي دماغك
تم النشر الجمعة، ١٢ أبريل ٢٠٢٤
اللي انت فيه ده أمر طبيعي بالنسبة لسنك ويسمى بأحلام اليقظة،وأحلام اليقظة دي تحدث لأغلب المراهقين اقرأي عنها على جوجل أو اكتبي عاليوتيوب علاج احلام اليقظة،لانها لو تطورت وزادت عن حدها فعلا هتقلب كارثة،اتطمني احلام اليقظة دي بتحصلي وبتحصل لكل الناس اللي فسن المراهقة ويمكن الكبار كمان،الحل الوحيد انك لما تلاقي نفسك هتتخيلي روحي اقعدي مع اهلك او العبي مع اخواتك متقعديش لوحدك،ولو بتحبي القراءة بدلي الروايات بكتب مفيدة أو عالاقل حددي وقت معين ساعة فاليوم مثلا تتخيلي فيها وتعملي فيها كل اللي فدماغك واول ماتخلص الساعة دي افصلي وروحي ذاكري،ومارسي حياتك مخك مع الوقت خلاص هيتعود،ونصيحة مني قللي من قراءة الروايات دي صدقيني مضيعة للوقت وملهاش لازمة،وبتسببلي انا كمان احلام يقظة واي بنت مش انت بس،لو بتقرأي روايتي فاليوم خليهم رواية واحدة قللي مع الوقت،طلعي طاقتك دي فالقاعدة مع الناس والرسم الرسم هواية مفيدة لكن للأسف هذا الأمر مفيهوش إفادة ابدااا،واقرأي قرآن كل يوم خلي ليكي ورد ولو صفحة واحدة هيأثر بشكل كبير بالايجاب صدقيني وهيصفي ذهنك
تم النشر السبت، ١٣ أبريل ٢٠٢٤
ادريس الاول وخلي الكتابه والأفكار كهدف وترفيه بعد الدراسه بجد الاتنين حلوين لو بتدرسي كويس وبتكتبي كويسه ف انتي كده ما شاء الله اكتشفتي هوايتك بدري ونميها حطي الاتنين هدف قدامك واعملي جدول كويس واستعيني بالله وربنا يوفقك ف الاتنين
تم النشر السبت، ١٣ أبريل ٢٠٢٤
ممكن حضرتك تدخلي عادات زي دي ليومك وشوفي لو في فرق زي ١ - تتمشي في الطبيعة ٢- تهتمي بحيوان اليف ٣- تحدي وقت في يوم تفصلي في خالص ٤- وتهتمي بالمجالات الفنية زي الشعر ٥- تتقبلي مشاعرك وافكارك ٦- تشتغلي اعمال يدوية ٧- تحبي نفسك وجسمك ٨- تكوني صداقات ناجحة وداعمة ليكي ٩- توازي مشاعرك وافكارك دي عادات حضرتك ممكن تختاري منها اللي تحبيه وان شاء الله تساعدك اتمني لك الراحة والخير
تم النشر السبت، ١٣ أبريل ٢٠٢٤
السلام عليكم ورحمة الله وبركاته.. القراءه ك هوايه في أوقات فراغ او حتى ان كنا هنرتب اوقاتنا بين الدراسه وبين الهوايه م مشكله وان كان ده هياخد وقت قد ده اهم حاجه الدنيا تبقى موزونه ونعرف نلمها بما انك داخله ع امتحانات ف لأ محتاجه تحكمي نفسك بشده ولكن خليني اجيبلك الموضوع م اوله ده ايمه over thinking تفكير مُفرط في الشئ وخصوصا لو كانت احداث متسلسلة ز قصه او روايه انتِ كدا بتنشطي عقلك الباطن وتخليه يفكر بشكل دائم كدا بتغلبيه ع عقلك السليم وانتِ المفروض ف دراسه وامتحانات ودي مشكله عاوزه اقولك ان كلنا بنفكر بزياده ف اوقات كتيير اوي ف مرحلة عمريه معينه وكلنا عيشنا قصص قريناها ف حبيناها ف حطينا نفسنا فيها وعيشنا الدور وكنا بنتبسط بس نقطة الخلاف معاكِ انك كبرتي الموضوع شويه وبقيتي شاطرة وتألفي القصه م اولها لوحدك😅حاولي توقفي ده واحده واحده بطلي تقري كفايه داخلة ع امتحانات طبيعي تكوني مشغولة بقراية المنهج م حاجه تاني ولا اي حاولي متسهريش بالليل ولو كان للمذاكرة م ل قراية روايه حتي لسببين الاول ان الاوفر ثينكينج ده بيزداد اكتر واكتر بالليل ثانيا ع الكورتيزون بيُفرز م الجسم اكتر ب النهار وده بينشط جسمك ويخليكِ مصحصحه اكتر وتقدري تسيطري ع نفسك وتذاكري وبإذن الله تنجحي ف ده """ أهم حاجه واول خطوة بطلي قرايه الفترة دي واشغلي نفسك ف دراستك وامتحاناتك اللي باقي عليها شهر بحيث تقدري تقللي انشغال عقلك بالتأليف والخيالات"" وطبعا طبعا اقرأي قرآن بيونِّسِك اوي ف الدراسه اصلا لو فصلتي م المذاكرة اقرأي سورة كريمه بتحبيها وبإذن الله ترجعي لتوازنك ول تفكيرك السليم تاني
تم النشر الجمعة، ١٢ أبريل ٢٠٢٤
عملت كدا فعلًا بطلت التليفون خالص لمدة واكتشفت أني بألف قصص من الصفر
تم النشر السبت، ١٣ أبريل ٢٠٢٤
الحل لا تقرأ كتبا لا تستمع لاحاديث و قصص الاخرين هكذا تحمي نفسك من التخيل
تم النشر السبت، ١٣ أبريل ٢٠٢٤
( وعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وأنتم لا تعلمون).
تم النشر السبت، ١٣ أبريل ٢٠٢٤
التخيل ده دليل على حبك للحاجه اللي بتعمليها ودي حاجه حلوه خاصة لو في الدراسة جربيها على أن القراءة هي نفسها الدراسة وإن شاء الله خير.
تم النشر السبت، ١٣ أبريل ٢٠٢٤
طب ما تجربي تقسمي وقتك ويومك بحيث أن مثلا اهو دلوقتي وقت المذاكرة هتذاكري مثلا تلت ساعات وبعدها خدي بريك ساعه وأقرأي رواية وهكذا يعني قسمي يومك ووقتك ولو حسيتي انك هترجعي زي الاول قومي سيبي الرواية دي وصلي ركعتين وكلي اي حاجه وترجعي كملي مذاكره ، ومع الوقت هتلاقي نفسك اتعودتي تستفيدي بيومك اكتر م الأول
تم النشر الجمعة، ١٢ أبريل ٢٠٢٤
اشغلي نفسك بالدراسة وعادي اي حد كدا بس بيكون حد لنفسه حاولي انتي تعملي كدا
تم النشر الجمعة، ١٢ أبريل ٢٠٢٤
شكرًا لحضراتكم جميعًا
تم النشر السبت، ١٣ أبريل ٢٠٢٤
حاضر هأعمل كدا شكرًا لحضرتك
تم النشر السبت، ١٣ أبريل ٢٠٢٤
أرجو الرد من خبير لو سمحتم ضروري
تم النشر الجمعة، ١٢ أبريل ٢٠٢٤
لعرض السؤال في فدني اضغط هنا