بصي انا كنت زيك كدا بالظبط و في نفس سنك كمان الموضوع كان زاد عن حده و بدات اسرح في حصصي في المدرسه و قرأت ساعتها ان ده بيبقي هروب من الواقع دماغك مش عاجبها واقعك فا بتستخدم الخيال علشان تبسط نفسها هقولك حلول انا عملتها علشان اقلل من الموضوع شويه انا كان دايما بيبقي معايا موضوع الخيال زايد قبل ما انام فا كنت بوقف تفكير و بقعد استغفر لحد ما اروح في النوم او اني افضل اعد يعني ١. ٢ . ٣ هكذا لحد ما اروح في النوم الخيال حلو بس لازم تتحكمي فيه فا خدي بريك من الخيال الواسع و احلام اليقظه ب انك تشتتي دماغك في اي حاجه تانيه و الموضوع هيقل تدريجياً دماغك بعد كدا هتقدري تتحكمي فيها و تتحكمي امتي تسرحي و تستخدمي مخيلتك و امتي لا يعني مثلا كتاب القصص الخياليه بيبقوا عارفين امتي يستخدموا خيالهم وقت الكتابه و امتي يوقفوه فا انت مرني دماغك ب انك اول ما تلاقي نفسك بتسرحي و تتخيلي في وقت مش مناسب انك تشتتيها و تبدأي تستغفري او تقولي الحروب الابجديه او تعدي الارقام من ١ ل ١٠٠ بالشقلوب و هكذا شتتي دماغك
تم النشر الجمعة، ١٢ أبريل ٢٠٢٤
1 تعليق
جزاكِ الله خيرًا أفكار مفيدة بجد ربنا يجعله في ميزان حسناتكم جميعًا
تم النشر السبت، ١٣ أبريل ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك