اللي انت فيه ده أمر طبيعي بالنسبة لسنك ويسمى بأحلام اليقظة،وأحلام اليقظة دي تحدث لأغلب المراهقين اقرأي عنها على جوجل أو اكتبي عاليوتيوب علاج احلام اليقظة،لانها لو تطورت وزادت عن حدها فعلا هتقلب كارثة،اتطمني احلام اليقظة دي بتحصلي وبتحصل لكل الناس اللي فسن المراهقة ويمكن الكبار كمان،الحل الوحيد انك لما تلاقي نفسك هتتخيلي روحي اقعدي مع اهلك او العبي مع اخواتك متقعديش لوحدك،ولو بتحبي القراءة بدلي الروايات بكتب مفيدة أو عالاقل حددي وقت معين ساعة فاليوم مثلا تتخيلي فيها وتعملي فيها كل اللي فدماغك واول ماتخلص الساعة دي افصلي وروحي ذاكري،ومارسي حياتك مخك مع الوقت خلاص هيتعود،ونصيحة مني قللي من قراءة الروايات دي صدقيني مضيعة للوقت وملهاش لازمة،وبتسببلي انا كمان احلام يقظة واي بنت مش انت بس،لو بتقرأي روايتي فاليوم خليهم رواية واحدة قللي مع الوقت،طلعي طاقتك دي فالقاعدة مع الناس والرسم الرسم هواية مفيدة لكن للأسف هذا الأمر مفيهوش إفادة ابدااا،واقرأي قرآن كل يوم خلي ليكي ورد ولو صفحة واحدة هيأثر بشكل كبير بالايجاب صدقيني وهيصفي ذهنك
تم النشر السبت، ١٣ أبريل ٢٠٢٤
1 تعليق
شكرًا جزيلًا على كلام حضرتك أنا كش بقرأ روايات كثير بس ساعات على التليجرام بتظهر لي جزء من رواية لو قرأته بالصدفة أقعد أفكر كثييير فيه وأكمله وأألف منه قصص جديدة أنا فاكرة هي رواية واحدة اللي قرأتها في حياتي وبعد كدا تخيلت فيها شوية وبعدين دماغي بدأت هي تألف حاجات أنا أصلًا بحب الكتب الدينية زي الصحابة وكدا وبقرأهم كثير الحمد لله
تم النشر الأحد، ١٤ أبريل ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك