هو أنا مش عارفة دا من إيه ومش عارفة اقول ايه اصلا... بس هو انا ساعات بحس اني عندي ثقه ف النفس وان محدش يقدر عليا اصلا واحيانا بحس ان ضعيفه الشخصيه ومهزوزه اووي مع العلم مليش صحاب واللي كانو زميلي اخري معهم السؤال ع السوشيال وصحابي كلهم كانو سوشيال ولكن واقع مليش مبعرفش اكون اجتماعيه اللي هو ازاي انا لما بتكلم مع حد ومدنيش الاهتمام اللي أنا عوزاه او سبني واكلم مع غيري فبزعل واشيل جوايا واحس اني قليله اوي.
أنا من صغري مقربش من حد ولو قربت هما بيبعدو معرفش اي السبب ولما كبرت وحبيت بعد هو كمان وغيرو وغيرو والشخص اللي مبعدش وفضل جمبي اهلي بعدوني عنو وجوزوني غصب عني أنا متجوزه من شهرين الا يوم ومش حاسه اني مرتاحه وحياتنا كلها مشاكل والمشاكل من ناحيته وناحية اهله... أنا مش مقصره ف اي حاجه برغم نا مش مرتاحه معاه ومش بحبه واحنا مش شبه بعض ف الطباع ولا المعاملة ولا الاسلوب مختلفين ف كل حاجه وهو اكبر مني ب10سنين أنا 21 هو 31
أنا مش عرفه اعمل إيه🙂
إنتي زي بجد انا مليش صحاب ومش اجتماعيه نفسك بلظبط بس لسه متزوجتش بس انتي صلي قيام الليل ادعي كتييررر ومعلش حاولي تقربي من زوجك وهتحبي شيلي فكره انك مش بتحبي دي لانك خلاص اتزوجتي ومتنسيش قراءه القرآن كتير وان شآء آلله خير
تم النشر السبت، ١٧ أغسطس ٢٠٢٤
بصي حضرتك بس أنا حابب أقولك ده نفس حال معظمنا بس حابب أقول حسبي الله ونعم الوكيل في أي حد لا عرف يساند ولا عرف يزرع الثمرة النافعة في التربية وأي حد بيكسر قلب ويظهر إنه ضحية بيحول الشخص المأذي نفسه للشخص الطاغية من جوا ومن برا ربنا يصبرك على ما بلاكي وادعي ربنا وخدي بالاسباب
تم النشر السبت، ١٧ أغسطس ٢٠٢٤
يا ندي، واضح إنك بتمر بظروف صعبة جدًا، وده طبيعي تحسي بالتوتر وبعض المشاعر السلبية. أول حاجة، خليكي قوية ومتأكدة إن مشكلتك مهمه جدًا، وهنتعامل معاه بشكل تدريجي. بالنسبة لموضوع الثقة بالنفس، ده جزء من الحياة. كل واحد فينا عنده لحظات قوية ولحظات ضعيفة، المهم إنك تحاولي تشتغلي على ثقتك بنفسك. جربي تكتبي في يومياتك عن الحاجات اللي تحبيها في نفسك، أو الحاجات اللي انتي متميزة فيها، وارجعي لها كل فترة عشان تذكري نفسك بقدراتك. أما بالنسبة لموضوع الزواج والمشاكل اللي بتعاني منها، حاولت تتكلمي مع جوزك بصراحة عن مشاعرك؟ التواصل مهم إنك تحاولي تشوفي طرفين الموقف مع بعض. إذا استمر الوضع صعب ومش قادره تتحمليه، ممكن تفكري في استشارة مختص يساعدك على فهم مشاعرك وقراراتك بشكل أعمق. ما تنسيش تحطي نفسك أولًا، وصحتك النفسية أهم حاجة، بعدين تقدر تتعاملي مع كل التحديات. حاولي تحطي أهداف صغيرة لنفسك في الحياة اليومية وتحسي إنك قادرة تحققيها. بالتدريج كل حاجة هتتحسن إن شاء الله. ودايمًا هنا لو حبيتي تتكلمي أو تحتاجي نصيحة! 🤗
تم النشر السبت، ١٧ أغسطس ٢٠٢٤
شكرا لحضرتك علي المشاركة واضح من كلامك وردودك ان الوضع صعب عليكي ودا طبيعي انه يحسسك بعدم الثقة فالنفس او الخوف من ردة فعل اللي قدامك او التوتر بشكل عام انتي شايفة ممكن نساعدك ازاي ؟
تم النشر السبت، ٢٤ أغسطس ٢٠٢٤
اعطي نفسك فرصة تتعرفي على زوجك وتشوفي الأمور بمنظور تاني، ممكن إحساسك إنك اتغصبتِ عليه مسيطر على مشاعرك وعاميكِ عن أي حاجة كويسة ومكبر في نظرك كل العيوب والمشاكل. أعتقد لو فتحتِ قلبكِ شوية وغيرتِ تفكيرك حاجات كتير هتتغير... هل هو كان يعرف إنك مغصوبة عليه؟ هل صارحتيه قبل الزواج وطلبتِ فسخ الخطوبة وهو رفض؟ لو مكنش يعرف وفكرك موافقة عليه فهو ملوش ذنب في إحساسك بالضيق والرفض ناحيته... ادي لنفسك وله فرصة يمكن تلاقي السعادة بإذن الله. ربنا يكتب لكِ الخير ويرضيك به. تحياتي.
تم النشر السبت، ١٧ أغسطس ٢٠٢٤
التطبيق مش موجود فيه خاصية التواصل على الخاص مع الأعضاء، وقوانين التطبيق عامة تمنع التواصل خارج التطبيق... بس لو محتاجة تتكلمي مع حد من الخبراء متاح تتواصلي معهم خاص عن طريق حجز استشارة من بروفايل الخبير اللي تختاريه من صفحة خبراء فدني.
تم النشر الأحد، ١٨ أغسطس ٢٠٢٤
هل هو لا يوجد فيه أي مميزات؟
تم النشر السبت، ١٧ أغسطس ٢٠٢٤
بصي ممكن نتكلم بعيد عن الكومنتات هو الابلكيشن دا في برايفت نتكلم برايفت افهمك في ريكورد صوت
تم النشر الأحد، ١٨ أغسطس ٢٠٢٤
هل تعتقدين أنه يشعر بالضيق بسبب رفضك فيصر على الضغط عليكِ مثلًا؟
تم النشر الأحد، ١٨ أغسطس ٢٠٢٤
الميزا الواحيده انو دايما بعد كل مصيبه يعملها يفضل يصالح فيا ونا المفروض اغفر واسامح وارجع زاي الاول بدون تغير🙂💔
تم النشر الأحد، ١٨ أغسطس ٢٠٢٤
لعرض السؤال في فدني اضغط هنا